'माझा किंग न्यूझीलंडला आला', विराट कोहलीला पाहून महिला चाहतीला आनंद आवरेना, उत्साहाच्या भरात केलं असं काही

India VS New Zealand : भारत विरुद्ध न्यूझीलंड यांच्यात सुरु असलेल्या टी20 सीरिजनंतर आता दोन्ही संघांमध्ये आगामी दिवसात वनडे आणि टेस्ट सीरिज खेळवली जाणार आहे. या वनडे सीरिजमध्ये भारतीय संघात रोहित शर्मा आणि विराट कोहली असे दोन दिग्गज खेळणार आहेत. 4 नोव्हेंबर सुरु होणाऱ्या या वनडे सीरिजसाठी विराट कोहली हा शुक्रवारीच न्यूझीलंडला पोहोचला. यावेळी विराटचं एअरपोर्टवर जंगी स्वागत झालं. मात्र एक चाहती विराट कोहलीला पाहून बेभान झाली. विराटला प्रत्यक्ष पाहून तिला आनंद गगनात मावेनासा झाला. सध्या तिचे व्हिडीओ सोशल मीडियावर व्हायरल होत आहेत.  

विराट कोहलीची एक झलक पाहण्यासाठी पोहोचले फॅन्स :

न्यूझीलंडच्या एअरपोर्टवर विराट कोहलीचे फॅन्स त्यांच्या आवडत्या खेळाडूंचं स्वागत करण्यासाठी पोहोचले होते. यावेळी विराटने सुद्धा हात हलवून सर्वांचे अभिवादन केले. या दरम्यान विराट कोहलीला पाहून एक महिला चाहतीचा संयम सुटला आणि ती त्याच्या जवळ जाण्याचा प्रयत्न करत होती. तिने विराट कोहलीचा लहानपणीचा फोटो असणारं पोस्टर हातात धरलं होतं आणि त्यावर विराटने ऑटोग्राफ द्यावा असा तिचा हट्ट होता. ती तो पोस्टर घेऊन सारखी विराट समोर जाण्याचा प्रयत्न करत होती. यावेळी तिला दूर करण्यासाठी सुरक्षाकर्मीना खूप कसरत करावी लागली. अखेर तिने विराटचा ऑटोग्राफ तीन आणलेल्या पोस्टरवर घेतला.

विराट कोहलीचा जबरदस्त फॉर्म :

विराट कोहली सध्या जबरदस्त फॉर्ममध्ये आहे. वेस्ट इंडिजविरुद्धच्या मायदेशातील वनडे सीरिजमध्ये शानदार कामगिरी केल्यानंतर तो आता न्यूझीलंडमध्ये दाखल झाला आहे. वेस्ट इंडिजविरुद्धच्या पहिल्या वनडे सामन्यात त्याने केवळ 88 बॉलमध्ये 139 धावांची धडाकेबाज नाबाद खेळी साकारली होती. या शानदार खेळीदरम्यान, त्याने वनडे आंतरराष्ट्रीय क्रिकेटमध्ये 15,000 धावांचा टप्पाही पूर्ण केला. असा पराक्रम करणारा तो दिग्गज सचिन तेंडुलकरनंतर जगातील दुसरा फलंदाज ठरला.

Virat Kohli reached Newzealand. But what is this aunty https://t.co/UEFz8MM9oD

 Gagan (choudhary_99415) October 30, 2026

भारत विरुद्ध न्यूझीलंड वनडे सीरिज वेळापत्रक :

भारत विरुद्ध न्यूझीलंड : पहिला सामना : 4 नोव्हेंबर 
भारत विरुद्ध न्यूझीलंड : दुसरा सामना : 7 नोव्हेंबर 
भारत विरुद्ध न्यूझीलंड : तिसरा सामना : 10 नोव्हेंबर 
भारत विरुद्ध न्यूझीलंड : चौथा सामना : 13 नोव्हेंबर 
भारत विरुद्ध न्यूझीलंड : पाचवा सामना : 15 नोव्हेंबर