SOCIAL MEDIA

Newsletter

PARTNER SITES
Select Language Select State

भारताला अंडर-19 आशिया कपमध्ये चॅम्पियन बनवणाऱ्या मोहित उल्वाला लागली लॉटरी, वरिष्ठ संघात मिळाली संधी

U19 Asia Cup 2026 : सौराष्ट्र क्रिकेट असोसिएशनने सैयद मुश्ताक अली ट्रॉफीसाठी आपल्या संघात मोहित उल्वाचा समावेश करण्यात आला आहे. मोहितने नुकत्याच झालेल्या अंडर 19 आशिया कप 2026 मध्ये भारताला शेवटच्या बॉलवर चौकार मारून सामना जिंकवून दिला होता.

Reported By pooja pawar Written By pooja pawar
Published: Nov 16, 2026, 06:36 AM IST | Updated: Nov 16, 2026, 07:20 AM IST
Image Credit: भारताला अंडर-19 आशिया कपमध्ये चॅम्पियन बनवणाऱ्या मोहित उल्वाला लागली लॉटरी, वरिष्ठ संघात मिळाली संधी
Join

U19 Asia Cup 2026 : अंडर 19 आशिया कप 2026 च्या फायनलमध्ये भारताला शेवटच्या बॉलवर चौकार मारून जिंकवून देणाऱ्या मोहित उल्वाला आता वरिष्ठ संघाची लॉटरी लागली आहे. 18 वर्षांचा हा खेळाडू आपल्या दमदार प्रदर्शनामुळे सध्या खूपच चर्चेत आहे. सौराष्ट्र क्रिकेट असोसिएशनने सैयद मुश्ताक अली ट्रॉफीसाठी आपल्या संघाचा मोहित उल्वाचा समावेश करण्याचा निर्णय घेतला आहे. मोहित उल्वाच सय्यद मुश्ताक अली ट्रॉफीमध्ये पदार्पण होणं ही त्याच्यासाठी एक खूप चांगली गोष्ट आहे.

मोहितच्या उत्कृष्ट कामगिरीच्या पार्श्वभूमीवर त्याला थेट वरिष्ठ संघात समाविष्ट करण्याचा निर्णय घेण्यात आला आहे. सौराष्ट्र क्रिकेट असोसिएशनचे अध्यक्ष जयदेव शहा यांनी या वृत्ताला दुजोरा दिला आहे. त्यांनी सांगितले की मोहितला इंदूरला पोहोचून संघात सामील होण्यास सांगण्यात आले आहे, जिथे सौराष्ट्रचा संघ सध्या स्पर्धेतील सामने खेळत आहे. तरुण खेळाडूचे कौतुक करताना शहा यांनी म्हटले की, कठीण परिस्थितीत त्याने दाखवलेली जिद्द आणि दृढनिश्चय खरोखरच वाखाणण्याजोगा आहे. मोहित भविष्यात वरिष्ठ संघासाठीही एक मौल्यवान खेळाडू ठरेल, असा विश्वास संघटनेला वाटतो.

शेवटच्या बॉलवर जिंकला सामना :

मोहित उल्वाने अंडर 19 आशिया कपच्या फायनलमध्ये जे केलं ते अनेक भारतीय क्रिकेट फॅन्स विसरू शकणार नाहीत. पाकिस्तानविरुद्ध 338 धावांचे कठीण लक्ष्य गाठताना, भारतीय संघ एका टप्प्यावर अत्यंत कठीण परिस्थितीत सापडला होता. 252 धावांत आठ विकेट गेल्यामुळे पराभव जवळजवळ निश्चित वाटत होता. अशा वेळी दहाव्या क्रमांकावर फलंदाजीला आलेल्या मोहितने सामन्याचे पारडे पूर्णपणे फिरवून टाकले.

हेही वाचा : IND vs NZ सामन्यादरम्यान मोहम्मद सिराज इशान किशनवर संतापला, नक्की झाले काय?

18 वर्षांचा आहे मोहित उल्वा   :

मोहित उल्वा हा फक्त 18 वर्षांचा असून तो गुजरातच्या सुरेंद्रनगर येथे राहणारा आहे. तो सध्या राजकोट येथे राहतो. एका सामान्य कुटुंबातून आलेल्या या खेळाडूने आपल्या कामगिरीद्वारे हे सिद्ध केले आहे की, मोठ्या मंचावर स्वतःला सिद्ध करण्यासाठी वय हा कोणताही अडथळा नसतो. अंतिम सामना जिंकल्यानंतर, मोहितने आपल्या यशाचे श्रेय संघाकडून आणि मुख्य प्रशिक्षकाकडून मिळालेल्या विश्वासाला दिले. त्याने सांगितले की त्याला स्वतःवरही विश्वास होता आणि फटके मारण्यापूर्वी त्याचे पूर्ण लक्ष केवळ बॉलवर होते.

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES