SOCIAL MEDIA

Newsletter

PARTNER SITES
Select Language Select State

शुभमन गिल OUT की NOT Out? कर्णधाराचा विकेट वादात, न्यूझीलंडचे खेळाडू पंचाशी भिडले

भारतीय संघाचा कर्णधार शुभमन गिल याचे 2 धावांनी शतक हुकले, पण त्याआधी गिलचा विकेट सध्या सोशल मिडियावर चर्चेचा विषय आहे. नक्की सामन्यादरम्यान झाले काय यासंदर्भात सविस्तर वाचा आणि व्हिडिओ देखील पहा.

Written By Shubhangi Mere Edited By Shubhangi Mere
Published: Nov 21, 2026, 15:14 IST | Updated: Nov 21, 2026, 15:31 IST
Join

भारत विरुद्ध न्यूझीलंड यांच्यामध्ये सुरु असलेल्या कसोटी सामन्याचा आज तिसरा दिवस पार पडला, या सामन्यामध्ये भारतीय संघाची मजबूत फलंदाजी पाहायला मिळाली. या सामन्याच्या तिसऱ्या दिवशी टीम इंडियाच्या फलंदाजांचा दबदबा पाहायला मिळाला, यामध्ये संघाचा सलामीवीर फलंदाज केएल राहुलने शतक झळकावले. तर भारतीय संघाचा कर्णधार शुभमन गिल याचे 2 धावांनी शतक हुकले, पण त्याआधी गिलचा विकेट सध्या सोशल मिडियावर चर्चेचा विषय आहे. नक्की सामन्यादरम्यान झाले काय यासंदर्भात सविस्तर वाचा आणि व्हिडिओ देखील पहा.

शुभमन गिल बाद झाल्याची अपील न्यूझीलंडच्या खेळाडूंनी केली आणि ही घटना 108 व्या ओव्हरमधील आहे. नॅथन स्मिथचा आत येणारा चेंडू थेट शुभमन गिलच्या पॅडवर लागला. मैदानातील पंचांनी बोट वर करून गिलला बाद घोषित केले, पण गिलने लगेच रिव्ह्यू घेतला नाही. त्याने आधी दुसऱ्या टोकाला असलेल्या ऋषभ पंतचा सल्ला घेतला. रिव्ह्यूचे शेवटचे फक्त तीन सेकंद शिल्लक असताना, पंतने आपल्या कर्णधाराला डीआरएस घेण्याचा आग्रह केला. पंतच्या निर्णयामुळे गिल बाद होण्यापासून वाचला आणि तिथून पुढे भारतीय संघाने वेगाने धावा करणे सुरू ठेवले.

हे ही वाचा

IND vs NEP : प्रिन्स यादव आणि हर्षित राणा नेपाळला 26 धावांवर गुंडाळलं! भारताचा 306 धावांनी विजय

तिसऱ्या पंचांनी शुभमन गिलला नाबाद घोषित केल्यानंतर न्यूझीलंडच्या काही खेळाडूंनी पंचांशी वाद देखील घालला पण त्यानंतर पंचाचा निर्णय हा शेवटचा निर्णय घोषित करण्यात आला. तिसऱ्या पंचांनी विविध कोनांमधून रिप्लेचे पुनरावलोकन केले. अल्ट्राएजमध्ये एक लहानसा स्पाइक दिसला, ज्यावरून असे सूचित झाले की चेंडू बॅटच्या आतल्या कडेला लागून पॅडला लागला होता. तिसऱ्या पंचांनी मैदानातील पंच रिचर्ड इलिंगवर्थ यांना कळवले की चेंडू बॅटला लागला होता, त्यानंतर मैदानातील पंचांचा निर्णय बदलण्यात आला आणि गिल क्रीजवर कायम राहिला.

न्यूझीलंडविरुद्ध सुरु असलेल्या कसोटी सामन्यामधील भारतीय संघाच्या कामगिरीबद्दल सांगायचे झाले तर यशस्वी जयस्वालने संघाला कमालीची सुरुवात करुन दिली. त्याने या सामन्याच्या पहिल्या डावामध्ये 85 धावांची खेळी खेळली, तर केएल राहुलने संघासाठी शतक झळकावले. केएल राहुल या सामन्यामध्ये 136 धावा केल्या, देवदत्त पडिक्कल तिसऱ्या क्रमांकावर फलंदाजीला आला होता त्याने संघासाठी 80 धावांची खेळी खेळली. भारताचा कर्णधार शुभमन गिल 98 धावांवर बाद झाल आणि त्याचे शतक हुकले, तर रिषभ पंत आणि अंशुल कंबोज सध्या क्रिजवर आहेत. 
 

Add Zee News as a Preferred Source
TAGS:

About the Author

शुभांगी संतोष मेरे या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 3.5 वर्षांहून अधिक काळाचा अनुभव आहे. सध्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. कारकीर्दमध्ये आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा, इतर आंतरराष्ट्रीय स्पर्धा पत्रकार म्हणून कव्हर केल्या आहेत. याशिवाय मनोरंजन क्षेत्रातील काही महत्त्वाच्या बातम्या त्याचबरोबर लाईफस्टाईल आणि टेक त्राशी निगडित बातम्यांमध्ये सुद्धा त्यांचा हातखंड आहे.डिजिटल मीडियाची कारकीर्द:2023 मध्ये टाईम महाराष्ट्र मधून कामाला सुरूवात केली आहे. काही महिने मीडिया क्षेत्राचा अनुभव घेतल्यानंतर 2023 ते 2026 पर्यंत नवराष्ट्र डिजिटल येथे क्रीडा संबंधी बातम्यांवर, विश्लेषण आणि संशोधनावर काम केले आहे, नवराष्ट्र वेबसाईटसाठी 2.5 वर्ष क्रीडा क्षेत्रातील घडामोडी आवडीने मांडल्या. मागील काही वर्ष क्रीडा पत्रकारीतेमध्ये काम केल्यानंतर आता झी 24 तासमध्ये कंटेन्ट सब एडिटर म्हणून क्रीडा विभागात काम करत आहे.भारत क्रीडा पत्रकारिता ही केवळ क्रिकेट पुरतीच मर्यादीत आहे. पण मला या खेरीज टेनिस, कब्बडी, फुटबॉल, आर्चरी, कुस्ती, बॉक्सिंग या विषयात विशेष रुची आहे. या क्षेत्रातील बातम्यांवर प्रभुत्त्व मिळविण्याचा प्रयत्न सुरू आहे. शुभांगी यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्यांनी आधी स्वत: मैदानावर धावपट्टू धावल्या आहेत.शैक्षणिक पात्रताशुभांगी मेरे यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES