बॉयफ्रेंडला दुसऱ्या मुलीसोबत रंगेहाथ पकडलं! ‘CID’ फेम अभिनेत्रीने सांगितली आठवण; 13 वर्षांपासून एकटी घालवतेय जीवन

लोकप्रिय टीव्ही मालिका सीआयडीमध्ये इन्स्पेक्टर पूर्वीची भूमिका साकारून घराघरात पोहोचलेली अभिनेत्री अंशा सय्यद सध्या तिच्या वैयक्तिक आयुष्यामुळे चर्चेत आली आहे. अंशाने नुकत्याच सिद्धार्थ कन्नन यांना दिलेल्या मुलाखतीत तिच्या प्रेमसंबंधांबद्दल आणि ब्रेकअपबद्दल मनमोकळेपणाने सांगितले. पडद्यावर गुन्हेगारांचा शोध घेणारी मी प्रत्यक्ष आयुष्यात मात्र एका नात्यातील विश्वासघाताचा अनुभव घेतल्याचे तिने सांगितले. तिच्या या खुलाशानंतर चाहत्यांमध्ये तिच्या खासगी आयुष्याबद्दल चर्चा सुरू झाली आहे.

लग्नापर्यंत पोहोचलेलं नातं, पण मिळाला विश्वासघात

अंशाने सांगितले की, माझे एका व्यक्तीसोबत सुमारे तीन वर्षे प्रेमसंबंध होते. हे नाते अतिशय मनापासून होते आणि दोघेही लग्न करण्याच्या विचारात होतो. मात्र, ज्याच्यासोबत आयुष्य घालवण्याची स्वप्ने पाहिली, तोच व्यक्ती एकाच वेळी दुसऱ्या मुलीलाही डेट करत असल्याचे मला समजल्याचे अंशाने सांगितले. याप्रकारामुळे मला मोठा धक्का बसल्याचे तिने सांगितले. विश्वासावर उभे असलेले नाते अशा पद्धतीने संपेल, अशी अपेक्षा मला नव्हती, असेही ती म्हणाली.

फेसबुक चॅटमुळे समोर आला बॉयफ्रेंडचा खरा चेहरा

मला बॉयफ्रेंडच्या फेसबुक मेसेजमध्ये दुसऱ्या मुलीसोबतच्या चॅट दिसल्या होत्या. त्यातून तो आपल्यासोबत असतानाच दुसऱ्या मुलीशीही संबंध ठेवत असल्याचे माझ्या लक्षात आल्याचे अंशाने सांगितले. यानंतर मी त्याला जाब विचारला आणि नाते संपवण्याचा निर्णय घेतल्याचे अंशाने सांगितले.

13 वर्षांपासून सिंगल

या ब्रेकअपनंतर अंशा गेल्या 12 ते 13 वर्षांपासून सिंगल असल्याचे तिने सांगितले. या काळात मी कोणत्याही रिलेशनशिपमध्ये आली नाही. सुरुवातीला एकटेपणा जाणवत होता. आजूबाजूच्या लोकांची लग्ने होत होती, त्यांना मुले होत होती, त्यामुळे आपल्यालाही जोडीदार असावा असे वाटायचे. समाजाकडूनही लग्नाबाबत अपेक्षा आणि प्रश्नांचा सामना करावा लागला. मात्र, मी आता आपल्या एकटेपणाशी सहज झाली असून आनंदाने आयुष्य जगतेय, असे अंशाने सांगितले.

लग्न आणि मातृत्वाबाबतही बदलला दृष्टिकोन

अंशाने यापूर्वीच्या मुलाखतीत लग्न आणि मातृत्वाबाबतही आपले विचार मांडले होते. पूर्वी तिलाही लग्न करून आई होण्याची इच्छा होती. मात्र, आता स्वतःच्या स्वातंत्र्याला आणि आनंदाला ती अधिक महत्त्व देते. आयुष्यात जोडीदार असलाच पाहिजे किंवा ठरावीक वयात लग्न झालेच पाहिजे, असे मला आता वाटत नसल्याचे अंशाने सांगितले. योग्य व्यक्ती भेटल्यास लग्नाचा विचार करेन नाहीतर सिंगल राहण्यातही मला काही अडचण नाही, असे तिने स्पष्ट केले. आयुष्याचा आनंद घेण्यासाठी लग्न किंवा नातेसंबंध असणे अनिवार्य नसल्याचे तिने स्पष्ट केले.