हार्दिक पांड्याला आणखी एक धक्का! 'या' स्पर्धेमधून बाहेर, कृणाल पांड्या सांभाळणार संघाचे कर्णधारपद

टीम इंडियाचा स्टार अष्टपैलू हार्दिक पांड्या मागील काही काळापासून सातत्याने दुखापतीशी झुंजत आहे. त्याला सातत्याने होणाऱ्या दुखापतींमुळे मागील काही काळापासून टीम इंडियापासून देखील दूर आहे. आयपीएल 2026 मध्ये देखील तो मुंबई इंडियन्ससाठी काही सामन्यांमध्ये दुखापतीमुळे बाहेर होता. आता हार्दिक पांड्याच्या ट्रेडच्या बातम्या सुरु असताना मोठी अपडेट एक समोर आली आहे. आता हार्दिक पांड्या देशांतर्गत टी-20 स्पर्धा, सय्यद मुश्ताक अली ट्रॉफी (SMAT) मधूनही बाहेर पडला आहे. भारतामध्ये होणाऱ्या सय्यद मुश्ताक अली ट्रॉफीसाठी संघ जाहीर करण्यात आला आहे यामधून त्याला वगळण्यात आले आहे.

बडोद्याने 14 नोव्हेंबरपासून सुरू होणाऱ्या सय्यद मुश्ताक अली ट्रॉफी 2026-27 साठी आपला 15 सदस्यीय संघ जाहीर केला आहे, ज्यात हार्दिकचा समावेश नाही. त्याचा भाऊ कृणाल पांड्याकडे संघाचे कर्णधारपद देण्यात आले आहे. या अष्टपैलू खेळाडूची नुकतीच ऑक्टोबरमध्ये ऑस्ट्रेलिया 'अ' संघाविरुद्ध होणाऱ्या एकदिवसीय मालिकेसाठी भारत 'अ' संघात निवड झाली होती, परंतु पोटरीच्या ताज्या दुखापतीमुळे त्याला बाहेर बसावे लागले. अलीकडेच, भारताचा एकदिवसीय आणि कसोटी कर्णधार शुभमन गिलने हार्दिकच्या राष्ट्रीय संघात संभाव्य पुनरागमनाबद्दल बोलताना सांगितले की, हा अष्टपैलू खेळाडू आधी देशांतर्गत क्रिकेट खेळेल.

हे ही वाचा

नमन धीरच्या कॅचवरुन वाद! केएल राहुल थेट अंपायरशी भिडला, नक्की झाले काय?

आयपीएल 2026 पासून, हार्दिक आपला बहुतेक वेळ बंगळूरु येथील बीसीसीआय सेंटर ऑफ एक्सलन्समध्ये दुखापतीतून सावरण्यासाठी घालवत आहे. आयपीएल दरम्यान त्याला पहिल्यांदा पाठीचा स्नायू आखडण्याचा त्रास झाला, त्यानंतर हॅमस्ट्रिंगला दुखापत झाली, ज्यासाठी पुनर्वसनाची गरज होती. हार्दिकने आपला शेवटचा आंतरराष्ट्रीय सामना न्यूझीलंडविरुद्ध टी20 विश्वचषक अंतिम सामन्यात खेळला. तेव्हापासून तो भारतीय संघात परतण्याची वाट पाहत आहे. अलीकडेच, भारताचा एकदिवसीय आणि कसोटी कर्णधार शुभमन गिलने हार्दिकच्या राष्ट्रीय संघात संभाव्य पुनरागमनाबद्दल बोलताना सांगितले की, हा अष्टपैलू खेळाडू आधी देशांतर्गत क्रिकेट खेळेल.

सय्यद मुश्ताक अली ट्रॉफीसाठी बडोदा संघ

कृणाल पंड्या (कर्णधार), अतित शेठ (उपकर्णधार), दीपक हुडा, शिवालिक शर्मा, शाश्वत रावत, अमित पासी (यष्टीरक्षक), जितेश शर्मा (विकेटकीपर), भानू पानिया, महेश पिठिया, परीक्षित पाटीदार, हेमंत पुंडे, रवान पटेल, राजन पटेल, राजन पटेल, धृव पटेल.