'ड्रग विक्रेत्यांचा पार्कवर कब्जा...' चित्रपट निर्मात्याची मुंबई पोलिसांकडे तक्रार! पहा पोस्ट

चित्रपट निर्माता कुणाल कोहली याची सोशल मिडिया पोस्ट व्हायरल होत आहे यामध्ये त्यांनी मुंबई पोलिसांकडे तक्रार केली आहे. चित्रपट निर्माता कुणाल कोहली यांनी मुंबईतील वांद्रे येथील कार्टर रोड स्केटबोर्ड पार्कमध्ये होणाऱ्या कथित अमली पदार्थांच्या विक्रीबद्दल आणि अमली पदार्थांचे सेवन करणाऱ्यांच्या उपस्थितीबद्दल चिंता व्यक्त केली आहे. त्यांनी इन्स्टाग्रामवर फोटो शेअर करत मुंबई पोलिसांना हे पार्क सुरक्षित करण्याचे आवाहन केले आहे. पोलिसांनी सांगितले की, त्यांनी या प्रकरणाची माहिती वांद्रे पोलीस ठाण्यातील वरिष्ठ अधिकाऱ्यांना दिली आहे. नक्की प्रकरण काय यासंदर्भात सविस्तर वाचा, त्यांनी यासंदर्भात फोटो देखील शेअर केला आहे.

कुणाल कोहलीची सोशल मिडिया पोस्ट

सोशल मिडियावर व्हायरल होत असलेल्या पोस्टमध्ये कुणाल कोहलीने लिहीले आहे की, "@मुंबईपोलीस, ड्रग्सचे व्यसनी आणि विक्रेत्यांची एक टोळी वांद्रे येथील कार्टर रोड स्केटबोर्ड पार्कमध्ये खूप त्रास देत आहे, यासह त्यांनी एक फोटो देखील सोशल मिडियावर शेअर केला आहे, पुढे त्यांनी पोस्टमध्ये लिहीले आहे की, जिथे दररोज सकाळी मुले येतात, ते कधीकधी नग्न झोपतात आणि अशा अनेक गोष्टी करतात ज्यांचा उल्लेख मी येथे सोशल मीडियावर करू शकत नाही. माझी तुम्हाला विनंती आहे की कृपया हे मुलांचे उद्यान या टोळीपासून मुक्त करा."

सोशल मिडियावर ही पोस्ट काही क्षणातच व्हायरल झाली आणि त्यानंतर या प्रकरणाची मोठ्या प्रमाणात चर्चा व्हायला लागली आहे. मुंबई पोलिसांनी तात्काळ प्रतिसाद दिला आणि सांगितले की त्यांनी वांद्रे पोलीस ठाण्यातील वरिष्ठ अधिकाऱ्यांना माहिती दिली होती. कुणालने त्यांच्या तत्पर प्रतिसादाबद्दल त्यांचे आभार मानले.

काय म्हणाले मुंबई पोलिस?

मुंबई पोलिसांनी कुणाल कोहलीच्या पोस्टला प्रतिसाद दिला. त्यांनी सांगितले की, या प्रकरणाची माहिती वांद्रे पोलीस ठाण्यातील वरिष्ठ अधिकाऱ्यांना देण्यात आली आहे.

कुणाल कोहली हा एक प्रसिद्ध बॉलिवूड चित्रपट निर्माता आहे. त्यांनी "मुझसे दोस्ती करोगे!", "हम तुम!", "फना," "थोडा प्यार थोडा जादू," आणि "तेरी मेरी कहानी" या चित्रपटांचे दिग्दर्शन केले आहे. 'हम तुम' मध्ये सैफ अली खान आणि राणी मुखर्जी यांनी, तर 'फना' मध्ये आमिर खान आणि काजोल यांनी भूमिका साकारल्या होत्या.