'माझ्यासोबत हॉटेलमध्ये ये!' अभिनेत्रीकडे केली कामाच्या बदल्यात अश्लिल मागणी! स्वत: मुलाखतीत केला खुलासा
पंजाबी सौंदर्यवती आणि अभिनेत्री सारा गुरपाल तिच्या स्पष्टवक्त्या शैली आणि धाडसी वृत्तीसाठी ओळखली जाते. अभिनेत्री सारा गुरपालने नुकतीच एक मुलाखत दिली आहे यामध्ये तिने एक धक्कादायक खुलासा केला आहे.
अनेक अभिनेत्री त्यांच्या आयुष्यामधील धक्कादायक प्रकार अनेकदा सोशल मिडियावर असो किंवा अनेक मुलाखतींमध्ये न घाबरता सांगतात. आता सोशल मिडियाचा काळ असल्यामुळे अनेकजण उघडपणे असे अनेक प्रकार सोशल मिडियावर शेअर करत असतात. पंजाबी इंडस्ट्रीमधील एक गायक आणि अभिनेत्रीने तिच्या आयुष्यामधील एक धक्कादायक प्रकाराबद्दल सांगितले आहे. पंजाबी सौंदर्यवती आणि अभिनेत्री सारा गुरपाल तिच्या स्पष्टवक्त्या शैली आणि धाडसी वृत्तीसाठी ओळखली जाते. ती अलीकडेच 'राईज अँड फॉल 2' या रिॲलिटी शोमध्ये दिसली होती.
अभिनेत्री सारा गुरपालने नुकतीच एक मुलाखत दिली आहे यामध्ये तिने एक धक्कादायक खुलासा केला आहे. सारा पंजाबी आणि हिंदी दोन्ही इंडस्ट्रींमध्ये काम करते. अनेक वर्षांपासून मनोरंजन क्षेत्रात सक्रिय असलेल्या साराने खुलासा केला आहे की, तिच्या सुरुवातीच्या काळात तिला कास्टिंग काउचचा सामना करावा लागला होता. ही घटना तिच्यासोबत अनेक वर्षांपूर्वी घडली होती. तो माणूस तिच्यापेक्षा वयाने खूप मोठा होता. तेव्हा तिला या गोष्टींची जाणीव नव्हती. ती नेहमीच इतरांच्या हेतूंबाबत अनभिज्ञ होती. सारा गुरपालने हॉटरफ्लायला सांगितले, "एक मुलगा होता, आम्ही सीसीडीमध्ये भेटलो. मग तो म्हणाला की आपण एकमेकांना अधिक चांगल्या प्रकारे ओळखायला हवं."
हे ही वाचा
स्टेजवर परफॉर्म करताना अभिनेत्रीच्या बॅाडीगार्डने केला गोळीबार, अभिनेत्रीचा धक्कादायक खुलासा
पुढे अभिनेत्रीने सांगितले की, त्याने मला तिकडे यायला सांगितले नाहीतर, पुढच्या वेळी आपण हॉटेलमध्ये भेटू. सारा म्हणाली की, त्यावेळी तिला त्या माणसाचा हेतू समजला नव्हता. नंतर, तिच्या प्रियकराने तिला सांगितले की त्या माणसाचा हेतू वाईट होता. हे सत्य कळल्यावर सारा रडू लागली. सारा गुरपालने असाच एक प्रसंग सांगितला, ज्यात ती तिच्या मैत्रिणींसोबत एका बारमध्ये होती. अर्थात, तिथे मुलांचा एक गटही होता. सारा म्हणते, "मी माझ्या मैत्रिणींना सांगितले की ते मुलगे देखणे आहेत, नंतर ते आमच्याकडे आले आम्ही मित्र मैत्रिणी झालो."
पुढे अभिनेत्रीने सांगितले की, मग तो आमच्या खूप जवळ आला, तो आम्हाला स्पर्श करू लागला. त्याने आमच्यासाठी पेये आणली. तो म्हणाला, चला निघूया, हा बार योग्य नाही. साराने खुलासा केला आहे की ती अविवाहित नाही. ती कोणासोबत तरी रिलेशनशिपमध्ये आहे. त्या अभिनेत्रीच्या म्हणण्यानुसार, तिला लग्न करायचे आहे.