टायगर श्रॉफनंतर बॉलिवूडमधील आणखी एका अभिनेत्याला धमकी, '5 कोटी दे नाहीतर...'

बॉलिवूड टायगर श्रॉफवर गोळीबार हल्ल्याची अजून ताजी असताना बॉलिवूडमधील अजून एका प्रसिद्ध अभिनेत्याला फोनवरून धमकी देण्यात आली आहे. ही धमकी लॉरेन्स गँगचा सदस्याने दिल्याचे वृत्त समोर आलं आहे. लॉरेन्स गँगचा सदस्य हॅरी बॉक्सर असं त्याचं नाव असून त्याने फोनवरून अभिनेता तुषार कपूरला धमकी दिली आहे. त्याने फोनवरून तुषारला तब्बल  5 कोटी रुपयांची खंडणीची मागणी केली आहे. बॉलिवूडमधील अनेक कलाकारांना कधी जीवे मारण्याची तर कधी खंडणीसाठी फोन आले आहेत. टायगर श्रॉफवरील गोळीबार हल्ल्यांनंतर बॉलिवूडमध्ये तसंच सध्या भीतीचे वातावरण आहे.

'हॅरी बॉक्सर'ची फोनवरून धमकी!

अभिनेत्याने या प्रकरणाची माहिती मुंबई पोलिसांकडे तक्रार केली. या प्रकरणाची तपासणी आता खंडणीविरोधी पथक आणि गुन्हे शाखा करत आहे. गुन्हे शाखेच्या तांत्रिक पथकाने धमकीच्या फोनमधील ऑडिओ रेकॉर्डिंग तपासला आहे. त्यांच्या डेटाबेसमधील 'हॅरी बॉक्सर'च्या अधिकृत ऑडिओचा नमुना आहे. त्यामुळे तुषार कपूरला आलेल्या ऑडिओचा आवाज हा त्यांच्याकडे असलेल्या ऑडिओशी जुळवण्यात आला आहे. पण यात धक्कादायक खुलासा झाला आहे. वरिष्ठ पोलीस सूत्रांनुसार हे नमुने जुळले नाहीत. त्यामुळे हा फोन बनावट होता की कोणी दुसरी टोळी या नावाचा वापर करून धमकी देत आहे का याचा संशय पोलिसांना आहे. मिळालेल्या माहितीनुसार या प्रकरणात अद्याप कोणतीही एफआयआर दाखल झालेली नाही. तुषार कपूरने सुमारे आठवडाभरापूर्वी ही तक्रार पोलिसांकडे केली होती. 

हेसुद्धा वाचा -  टायगर श्रॉफ गोळीबार प्रकरणात मोठी अपडेट, मास्टरमाईंड पंडितच्या घरातून 'त्या' महिलेला अटक

टायगर श्रॉफ प्रकरणात मुंबई गुन्हे शाखेने 13 आरोपींना अटक केली आहे. या प्रकरणाची चौकशी जशी जशी पुढे जातेय या धक्कादायक खुलासे होत आहे. लॉरेन्स गँगला बॉलिवूडमध्ये दहशत पसरवायची आहे, म्हणून टायगरवर हा हल्ला करण्यात आल्याचा खुलासा झाला आहे. लॉरेन्स गँगच्या निशाण्यावर बॉलिवूडमधील सलमान खान, अमिताभ बच्चन, आमिर खान इत्यादी कलाकार आहेत. त्यामुळे अशात तुषार कपूरला खंडणीसाठी फोन आल्यामुळे पुन्हा एकदा बॉलिवूडमध्ये खळबळ माजली आहे.