AI चा बबल फुटला! अमेरिकेत 1.71 लाख कोटी तर चीनमध्ये 45.5 लाख कोटींचा चुराडा, भारतावर काय परिणाम होणार?

AI : जागतिक अर्थव्यवस्थेत मोठ्या घडामोडी घडत आहे. सोन्याचे दर घसरले आहेत. शेअर बाजार कोसळला आहे. अनेक बड्या AI मध्ये मोठी गुंतवणूक करत आहे. यामुळे जागतिक अर्थव्यवस्थेवर दबाव आला आहे. अशातच AI चा बुडबुडा फुटला आहे. जागतिक शेअर बाजारावर याचा परिणाम झाला आहे. अमेरिकेत 1.71 लाख कोटी तर चीनमध्ये  45.5 लाख कोटींचा चुराडा झाला आहे. 

अमेरिकन शेअर बाजारात मोठा भूकंप

ऑकेटोबर महिन्याच्या शेवटी म्हणजेच  31 ऑक्टोबर रोजी. अमेरिकन बाजारात मोठी घसरण झाली. प्रमुख निर्देशांक असलेल्या S&P 500 मध्ये 2.06 टक्क्यांची घसरण झाली. इंटेलच्या शेअर्स 28 टक्क्यांची घसरले.  NVIDIA, AMD, DELL, HP सारख्या  बड्या कंपन्यांचे शेअर्स गडगडले आहेत.   नॅस्डॅक कंपोझिट निर्देशांक 2.86 टक्क्यांच्या घसरणीसह बंद झाला. 

शेअर बाजारातील या घसरणीमुळे गुंतवणूकदार धास्तावले आहेत.  अमेरिकेत एआयचा फुगा फुटू लागल्याचा दावा केला जात आहे. एआयमध्ये गुंतवणूक करणाऱ्या कंपन्यांच्या शेअर्समध्ये सातत्याने मोठी घसरण होत आहे. शांघाय स्टॉक एक्सचेंजचा टेक्नॉलॉजी इंडेक्स (स्टार 50) चार महिन्यांपेक्षा कमी कालावधीत जवळपास 40 टक्केने घसरला आहे. यामुळे अंदाजे 3.5 ट्रिलियन डॉलर्सचे नुकसान झाले आहे. 

चीनचा शेअर बाजार क्रॅश

फक्त अमेरिकाच नाही तर चीनच्या शेअर बाजारात देखील मोठा भूकंप झाला आहे. एआयच्या मागणीचा अभाव आणि निर्यात नियंत्रण यामुळे चीनच्या शेअर मार्केटमध्ये प्रचंड उलथापालथ झाली  आहे. एआय आणि सेमीकंडक्टर क्षेत्रातील आघाडीच्या कंपन्यांचा समावेश असलेला मेनलँड स्टार 50 निर्देशांक, चार महिन्यांपेक्षा कमी काळात 40 टक्क्यांनी घसरला आहे. यामुळे अंदाजे 480 अब्ज डॉलर्स म्हणजेच अंदाजे 45.5 लाख कोटी रुपयांचे नुकसान झाले आहे. 

भारतावर याचा काय परिणाम होणार?

भारताने चीनसोबतचे आपले संबंध बदलण्याबाबत भाष्य केले आहे. भारताच्या वाढत्या आयातीच्या गरजा पूर्ण करण्यासाठी चिनी पुरवठादारांचे स्वागत आहे असं  वाणिज्य आणि उद्योग मंत्री पियुष गोयल म्हणाले. जर किमती अयोग्य आढळल्या, तर भारत प्रस्थापित कायदेशीर प्रक्रियेनुसार कारवाई करेल असा इशारा देखील त्यांनी यावेळी दिला.  येत्या काही वर्षांत भारत चीन आणि आसियान प्रदेशात एक प्रमुख निर्यातदार म्हणून उदयास येईल.