सर्वात मोठ्या IT कंपनीत नोकरकपात, पण तरीही कर्मचाऱ्यांची चांदी; फ्री मॅकबुक, अन् एक वर्षासाठी...
कॅनव्हात काम करणाऱ्या नोकरदांवर कर्मचारी कपातीची तलवार लटकत आहे. मात्र नोकरी गमावणाऱ्या कर्मचाऱ्यांना दिलासा देखील मिळणार आहे.
कॅनव्हामध्ये पहिल्यांदा मोठ्या प्रमाणात कर्मचारी कपात होण्याची घोषणा करण्यात आली आहे. कंपनी आर्टिफिशियल इंटेलीजेंस (AI) चा वाढता खर्च आणि ऑटोमेशनमुळं काही बदल करण्यात येणार आहे. यामुळं 22 टक्के कर्मचाऱ्यांना नोकरकपातीचा सामना करावा लागणार आहे. या कपातीमुळं साधारण 1,271 कर्मचाऱ्यांची नोकरी जाणार आहे.
कॅनव्हाचे सीईओ मेलनी पार्किंसकडून कर्मचाऱ्यांना मेमो ईमेल पाठवण्यात आला आहे. सीईओ मेलनी यांनी म्हटलं की, कंपनी सध्या अडचणीत आहे. मेमोमध्ये त्यांनी लिहिलं आहे की,यामुळं लोकांना होणारा त्रास आणि मनस्पात यामुळं मी माफी मागतो. कंपनीने 37 देशातील साधारण 5700 जणांना कामावरुन काढून टाकले आहेत. यात भारतातील कर्मचारीदेखील आहेत. तर, इतर कोणत्या देशातील कर्मचारी आहेत, याची यादी मात्र अद्याप समोर आलेली नाही.
अलीकडेच अनेक चेक कंपन्यांनी नोकरकपात केली आहे. मात्र कॅनव्हाने केलेल्या नोकरकपातीची मोठी चर्चा होतेय. नोकरी गमावणाऱ्या कर्मचाऱ्यांना फ्री मॅकबुक आणि 6 महिन्याचा पगार देणार येण्यात येणार आहे. तर, एक वर्षासाठी मोफत प्रिमीयम लिंक्डइन सपोर्ट मिळणार आहे.
एखादी कंपनी कर्मचाऱ्यांना नोकरीवरुन काढते. तेव्हा त्याला सेवरेंस पॅकेज दिलं जातं. या पॅकेजअंतर्गंत काही महिन्यांचा पगार दिला जातो. मात्र कॅनव्हाने घेतलेला निर्णयाची सगळीकडे चर्चा आहे. कंपनीने कर्मचाऱ्यांना खास सुविधादेखील दिल्या आहेत. यात मोफत मॅकबुक देण्यात आला आहे. तसंच, नोकरी गमावणाऱ्या 1271 कर्मचाऱ्यांना कंपनीने मॅकबुक सोबत नेण्याची परवानगी दिली आहे.
कॅनव्हात नोकरी गमावलेल्या कर्मचाऱ्यांना एक मोफत मॅकबुक आणि लिंक्डइन प्रीमियमचे एक वर्षाचे सदस्यत्व देखील देईल. यामुळे कर्मचाऱ्यांना करिअर मार्गदर्शन आणि मुलाखतीची तयारी करणे शक्य होईल. कंपनीच्या म्हणण्यानुसार, कर्मचाऱ्यांच्या रिझ्युमेचा रिव्ह्यू करण्यासाठी आणि मुलाखतीचा सराव करण्यासाठी मदत करण्याकरिता, ती आपली टॅलेंट ॲक्विझिशन टीम देखील तैनात करेल. यामुळे त्यांना त्यांची पुढील नोकरी शोधण्यात मदत होईल.
कॅनव्हाच्या कर्मचारी कपातीमुळे ज्या कर्मचाऱ्यांची नोकरी जाईल त्यांना पगार, आरोग्यसेवा आणि इतर आर्थिक मदत दिली जाईल. सीईओने म्हटलं की, प्रभावित कर्मचाऱ्यांना कायद्यानुसार आवश्यक असलेल्या सर्व लाभांसह किमान सहा महिन्यांचा पगार मिळेल. त्यांनी पुढे असेही सांगितले की, ही सेवा कर्मचारी कोणत्याही देशात राहत असले तरी, सर्व कर्मचाऱ्यांसाठी असेल.
