मोस्ट वाँटेड हॅरी बॉक्सरला अमेरिकेत अटक; सलमान, रोहित शर्मा, रणवीर सिंगला धमकावणारा हा गँगस्टर आहे तरी कोण?

अमेरिकेच्या एजन्सीने लॉरेन्स बिश्नोईच्या टोळीवर मोठी कारवाई करण्यात आली आहे. या टोळीचा मोस्ट वॉन्टेड गँगस्टरला अटक करण्यात आली आहे.

Written ByNeha ChaudhariEdited ByNeha Chaudhari

Published: Nov 07, 2026, 11:56 AM IST|Updated: Nov 07, 2026, 11:58 AM IST

join share

मोस्ट वाँटेड हॅरी बॉक्सरला अमेरिकेत अटक; सलमान, रोहित शर्मा, रणवीर सिंगला धमकावणारा हा गँगस्टर आहे तरी कोण?

Image Credit: Lawrence Bishnoi Harry Boxer

लॉरेन्स बिश्नोईच्या टोळीवर अमेरिकेच्या एजन्सीने मोठी कारवाई करत धक्का दिला आहे. मोस्ट वाँटेड हॅरी बॉक्सरला अमेरिकेत अटक करण्यात आली आहे. काही दिवसांपूर्वी तुषार कपूरनेही त्याला हॅरी बॉक्सर कडून धमकी आल्याचे पोलिसांना सांगितलं होतं. बॉलिवूडमधील कलाकारांमध्ये हॅरी बॉक्सरची दहशत आहे. त्याने अभिनेते रणवीर सिंग, रोहित शेट्टी, कपिल शर्मा आणि सलमान खान आणि त्याच्या मेहुण्याला धमकी दिली होती. एवढंच नाही भारतीतील मोठ्या मोठ्या व्यापाऱ्यांना तो पैशांसाठी धमकी द्यायचा. भारतीय तपास यंत्रणांना हॅरी बॉक्सरविरुद्ध लुकआऊट नोटीस जारी केली होती.

गँगस्टर हॅरी बॉक्सर आहे तरी कोण?

हॅरी बॉक्सरचे खरं नाव हरिश्चंद्र असं आहे. तो मूळचा राजस्थानचा आहे. मिळालेल्या माहितीनुसार तो एके काळी भारतीय सैन्य दलात आणि पोलीस दलात भरती होण्यासाठी तयारी करत होता. एवढंच नाहीतर जयपूरमध्ये राहत असताना त्याने बॉक्सिंगचे प्रशिक्षणदेखील घेतले होते. ज्यामुळे त्याचं नाव गुन्हेगारी जगतात हॅरी बॉक्सर असं पडलं.

हॅरी बॉक्सरवर भारतात गंभीर गुन्ह्यांची एक मोठी यादी पाहिला मिळते. दिल्ली, हरियाणा आणि राजस्थानमध्ये त्याच्यावर अनेक आरोप आहेत.तर जयपूर, सीकर, अलवर आणि धोलपूर इथे खुनाचा प्रयत्न, दरोडा आणि हल्ला यासारखे अनेक गुन्हे पोलीस स्टेशनमध्ये दाखल आहेत. पोलिसांनी दिलेल्या माहितीनुसार हॅरी 2024 मध्ये डोंक रूट मार्गे अमेरिकेत पळून गेला होता.

Haryana’s most-wanted gangster Harry Boxer, close aide of Bishnoi, detained in US Read @ANI Story | https://t.co/I8DoGfRkbG #Bishnoi #HarryBoxer #Detained #US https://t.co/60Z6bP0T6R
— ANI Digital (@ani_digital) November 7, 2026

असं म्हणतात की, जेव्हा लॉरेन्स बिश्नोई आणि गोल्डी ब्रार या दोघात वाद निर्माण झाले तेव्हा लॉरेन्सने टोळीची कमान हॅरी बॉक्सरकडे देण्यात आली. तर हॅरी बॉक्सर हा लॉरेन्सचा भाऊ अनमोल बिश्नोईचा जवळचा मित्र आहे. या टोळीत राहून तो बॉलिवूड आणि व्यापाऱ्यांकडून पैसे उकळणे, नेमबाजांना प्रशिक्षण देणे आणि परदेशातून टोळीचा प्रचार करणे या गोष्टी करायचा. तो वारंवार सोशल मीडिया आणि व्हॉइस कॉलचा वापर करत आपली दहशत पसरवत होता.

दिल्ली पोलिसांच्या स्पेशल सेल आणि हरियाणा स्पेशल टास्क फोर्स (एसटीएफ) कडून मिळालेल्या माहितीनुसार शुक्रवारी रात्री उशिरा अमेरिकी यंत्रणांनी त्याला कॅलिफोर्नियामधून अटक केली आहे. भारतीय यंत्रणा लवकरच कायदेशीर प्रक्रिया पूर्ण करून नोडल एजन्सी, सीबीआयच्या मदतीने त्याला भारतात आणतील, अशी माहिती समोर येत आहे. हॅरी बॉक्सरच्या अटकेमुळे भारतातील हल्ल्यांची अनेक प्रकरणे सुटेल अशी अपेक्षा व्यक्त करण्यात येत आहे. तर त्याच्याकडून लॉरेन्स बिश्नोई टोळीबद्दलही महत्त्वाची माहिती उघड होऊ शकते.

Add Zee News as a Preferred Source

TAGS:

crime

Breaking News

About the Author

Neha Chaudhari

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत.शैक्षणिक पात्रतानेहा चौधरी यांनी बॅचरल ऑफ कम्युनिकेशन आणि जर्नालिझम ही पदवी घेतली आहे. संरक्षण शास्त्रातून बीए, नाशिक भोसला मिलटरी कॉलेजमधून केलं आहे. डिजिटल मार्केटिंग या विषयाचा सुद्धा अभ्यास केलाय.व्हिडीओ कंटेटझी 24 तास सोशल मीडियासाठी त्या ज्योतिषशास्त्र, सणवार, विज्ञान, ट्रेंडिंग विषय आणि आरोग्याशी संबंधित तज्ज्ञांच्या मुलाखत घेतात. यातून लेखनासोबतच व्हिडीओच्या माध्यमातून पोहोचण्यास मदत होते.या विषयांमध्ये हातखंडत्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही लिखाण करतात. ज्योतिष, अंकशास्त्र, टॅरो कार्ड आणि धर्म यावर लिखणा करतात. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन करुन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व, याबद्दल बातम्यांमधून समतोल राखतात. मोकळ्या वेळेत त्यांना धार्मिक ग्रंथांच वाचन तसंच प्रवास, खाद्य पदार्थ बनवणे, संगीताची आवड आहे.

न्यूज
फोटो
व्हिडीओ