भारतापासून 12000 KM अंतरावर असलेला सर्वात सुंदर देश 2050 पर्यंत जगाच्या नकाशावरुनच गायब होणार; कारण एकच

तुवालू :  भारतापासून 12000 KM अंतरावर एक सुंदर देश आहे. हा देश जगातील सर्वात लहान आणि सुंदर देशांपैकी एक आहे. सध्या हा देश एका मोठ्या संकटाचा सामना करत आहे.  2050 पर्यंत जगाच्या नकाशावरुनच गायब होणार आहे. कारण हा देश समुद्रात बुडत आहे. इथल्या नागरिकांचे दुसऱ्या देशात स्थलांतर केले जात आहे. 

तुवालू असे या देशाचे नाव आहे. पॅसिफिक महासागराच्या मध्यभागी वसलेला हा देश सध्या वादळी लाटा आणि समुद्राच्या तीव्र प्रवाहांच्या तडाख्याशी झुंज देत आहे. हवामान बदलाचा सर्वात मोठा या देशाला बसला असून देशाचे अस्तित्वच नष्ट होण्याच्या मार्गावर आहे. हा देश सध्या जगातील सर्वात असुरक्षित देशांपैकी एक बनला आहे. 

समुद्राच्या जोरदार प्रवाहामुळे बेटाच्या किनाऱ्यांची धूप होत आहे. यामुळे सुमुद्र किनाऱ्या जवळील जमीन हळूहळू पाण्याखाली जात आहे. सुमद्राने मोठा  भूभाग गिळंकृत केला आहे. येथील हजारो लोकांवर स्थलांतर करण्याची वेळ आली आहे. वारंवार येणारी वादळे आणि वाढत्या पाण्याच्या पातळीमुळे देशातील अनेक प्रमुख रस्ते पाण्याखाली गेले आहेत.  जर लवकरच उपाययोजना केली नाही, तर येत्या दोन दशकांत हा देश पाण्याखाली जाऊ शकतो अशी भिती व्यक्त केली जात आहे.

तुवालूची राजधानी बुडण्याच्या मार्गावर

तुवालू हा देश पॅसिफिक महासागरात, ऑस्ट्रेलिया आणि हवाईच्या मध्यभागी वसलेले आहे. तुवालू देश भारतापासून अंदाजे 12,000 किलोमीटर अंतरावर आहे. या देशाचे क्षेत्रफळ केवळ 26 चौरस किलोमीटर असून लोकसंख्या अंदाजे 12,000 आहे. जेव्हा समुद्राला मोठी भरती येते तेव्हा  तुवालूचा अंदाजे 40 टक्के भूभाग पाण्याखाली जातो.  2050 पर्यंत, तुवालूची राजधानी फुनाफुटीचा अर्धा भाग पाण्याखाली जाईल असा अंदाज व्यक्त केला जात आहे.

तुवालू देशाला समुद्राचा धोका

तुवालू हा देश नऊ लहान प्रवाळ बेटांचा समूह आहे. त्यांची सरासरी उंची समुद्रसपाटीपासून फक्त सुमारे 2 मीटर म्हणजेच 6 ते 10 फूट इतकी आहे. गेल्या शतकात समुद्राची पातळी सरासरी 0.2 मीटरने म्हणजेच जवळपास 7 फूटांनी वाढली आहे. यामुळे खारे पाणी जमिनीत झिरपले आहे. यामुळे गोड्या पाण्याच्या स्रोत नष्ट होत आहेत. पिकांचे मोठे नुकसान झाले आहे. वाढत्या समुद्राच्या पातळीव्यतिरिक्त, तुवालूमध्ये चक्रीवादळे आणि समुद्राच्या लाटांसारख्या हवामानातील घटनांची वारंवारता आणि तीव्रता वाढत आहे, ज्यामुळे तेथील रहिवाशांना अनेक नैसर्गिक संकटांचा सामना करावा लागत आहे. 

तुवालूचा ऑस्ट्रेलियासोबत करार

तुवालू देश समुद्रात बुडण्याच्या धोक्यामुळे स्थानिकांमध्ये भीती निर्माण झाली आहे, ज्यामुळे लोक आपला देश सोडून जात आहेत. पुढील पाच ते दहा वर्षांत हा देश राहण्यायोग्य राहणार नाही अशी भिती अनेकांना वाटत आहे. या परिस्थितीला तोंड देण्यासाठी, तुवालूने ऑस्ट्रेलियासोबत 'फालेपिली युनियन ट्रीटी'वर स्वाक्षरी केली आहे.
 

9 नोव्हेंबर 2023 रोजी हा करार करण्यात आला. 28 ऑगस्ट 2024 रोजी अधिकृतपणे हा अंमलात आला. या करारानुसार, ऑस्ट्रेलियाला जमीन परत मिळवण्यासाठी आणि फुनाफुटीचे क्षेत्रफळ अंदाजे 6 टक्क्यांनी वाढवण्यासाठी 16.9 दशलक्ष ऑस्ट्रेलियन डॉलर्स मिळतील. यामुळे तुवालूला नवीन घरे उपलब्ध होतील.

तुवालूच्या नागरिकांचे ऑस्ट्रेलिया सुरक्षित स्थलांतर

या करारानुसार, ऑस्ट्रेलियामध्ये कायमस्वरूपी राहण्यासाठी, काम करण्यासाठी आणि शिक्षण घेण्यासाठी दरवर्षी जास्तीत जास्त 280 तुवालू नागरिकांना विशेष व्हिसा दिला जातो. ऑस्ट्रेलियात येणाऱ्या तुवालू नागरिकांना, ऑस्ट्रेलियन नागरिकांप्रमाणेच आरोग्यसेवा, शिक्षण, निवास, रोजगार आणि सामाजिक सुरक्षा लाभांचा पूर्णपणे लाभ मिळतो. थोडक्यात  तुवालूच्या नागरिकांचे ऑस्ट्रेलिया सुरक्षित स्थलांतर करण्यासाठी हा करार अत्यंत महत्वाचा आहे.