SOCIAL MEDIA

Newsletter

PARTNER SITES
Select Language Select State

10 मिनिटांत तयार करा क्रीमी पनीर नूडल्स; जाणून घ्या सोपी रेसिपी

आज तुम्हाला या लेखामध्ये एक नवीन आणि चमचमीत रेसिपी सांगणार आहोत. पण यावेळी तुम्हाला तुमच्या आरोग्याकडे दुर्लक्ष करावे लागणार आहे. आजच्या लेखामध्ये क्रीमी पनीर नूडल्स कसे तयार करायचे यासंदर्भात जाणून घ्या.

Written By Shubhangi Mere Edited By Shubhangi Mere
Published: Nov 12, 2026, 21:43 IST | Updated: Nov 12, 2026, 21:53 IST
Join

जर तुम्हा चमचमीत काही तरी खायचे असेल तर आज तुम्हाला या लेखामध्ये एक नवीन आणि चमचमीत रेसिपी सांगणार आहोत. पण यावेळी तुम्हाला तुमच्या आरोग्याकडे दुर्लक्ष करावे लागणार आहे. अनेक शेफ अशा पाककृती शेअर करतात, ज्या केवळ आरोग्यदायीच नाहीत तर चवीलाही अप्रतिम लागतात. जसे की शेफ सलोनी कुकरेजा यांनी शेअर केलेली ही क्रीमी पनीर नूडल्सची रेसिपी. आजच्या लेखामध्ये क्रीमी पनीर नूडल्स कसे तयार करायचे यासंदर्भात जाणून घ्या. 

क्रीमी पनीर नूडल्ससाठी लागणारे साहित्य

200 ग्रॅम पनीर
2 ते 3 हिरवे कांदे
अर्धा कप दूध
पाव कप पाणी
दोन चमचे मिरचीचे तेल
लसणाच्या 6 पाकळ्या
आल्याचा एक इंचाचा तुकडा
एक चमचा साखर
एक चमचा सोया सॉस
एक चमचा धणे पूड
भाजीपाला स्टॉक
मीठ आणि मिरपूड
नूडल्स
दोन चमचे पांढरे तीळ
हिरव्या कांद्याच्या पाती

कसे बनवायचे क्रीमी पनीर नूडल्स?

क्रीमी पनीर नूडल्स तयार करण्यासाठी सर्वात आधी 100 ग्रॅम चीज गरम पाण्यात घालून बाजूला ठेवा, म्हणजेच ते चांगले वितळेल. त्यानंतर नूडल्य तयार करण्यासाठी मोठ्या पातेल्यात नूडल्स घालून उकळा, नूडल्स गाळून घ्या आणि पाणी बाजूला ठेवा. क्रीमी सॉस बनवण्यासाठी सर्वात आधी पनीर वाटून घ्यावे लागणार आहे. पनीरचा सॅास तयार करण्यासाठी पनीरमध्ये अर्धा कप दूध आणि थोडे नूडल्सचे पाणी घालून त्याचा सॉस तयार होईपर्यंत वाटून घ्या. आता कढईत एक चमचाभर तेल घाला, उरलेले १०० ग्रॅम पनीर कुस्करून तेलात टाका. हलक्या हाताने ढवळा आणि त्यावर चिली ऑइल शिंपडा, मंद आचेवर पनीर ढवळून कुरकुरीत करा.

पनीर कुरकुरीत केल्यानंतर आता पनीर काढून बाजूला ठेवा आणि त्याच कढईत आठ ते दहा बारीक चिरलेल्या लसणाच्या पाकळ्या घाला. तसेच बारीक चिरलेला कांदा आणि आले घालून सर्व मंद आचेवर परतून घ्या. जेव्हा कांदा आणि लसूण हलके परतले जातील, तेव्हा त्यात एक चमचा धणेपूड घाला. तसेच व्हेजिटेबल स्टॉक घालून ढवळा, त्यासोबत एक चमचा मिरचीचे तेल घाला. साखर, सोया सॉस, थोडे नूडल्सचे पाणी घालून सर्व एकत्र मिसळा. त्यासोबत तयार केलेले पनीरचे मिश्रण घाला. चवीनुसार मीठ घाला आणि सर्व एकत्र उकळू द्या, जेव्हा ते चांगले उकळून शिजेल, तेव्हा त्यात नूडल्स घालून शिजवा. क्रीमी नूडल्स तयार आहेत. ते एका प्लेटमध्ये वाढा आणि त्यावर कुरकुरीत तयार पनीरचा चुरा घाला.

Add Zee News as a Preferred Source
TAGS:

About the Author

शुभांगी संतोष मेरे या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 3.5 वर्षांहून अधिक काळाचा अनुभव आहे. सध्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. कारकीर्दमध्ये आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा, इतर आंतरराष्ट्रीय स्पर्धा पत्रकार म्हणून कव्हर केल्या आहेत. याशिवाय मनोरंजन क्षेत्रातील काही महत्त्वाच्या बातम्या त्याचबरोबर लाईफस्टाईल आणि टेक त्राशी निगडित बातम्यांमध्ये सुद्धा त्यांचा हातखंड आहे.डिजिटल मीडियाची कारकीर्द:2023 मध्ये टाईम महाराष्ट्र मधून कामाला सुरूवात केली आहे. काही महिने मीडिया क्षेत्राचा अनुभव घेतल्यानंतर 2023 ते 2026 पर्यंत नवराष्ट्र डिजिटल येथे क्रीडा संबंधी बातम्यांवर, विश्लेषण आणि संशोधनावर काम केले आहे, नवराष्ट्र वेबसाईटसाठी 2.5 वर्ष क्रीडा क्षेत्रातील घडामोडी आवडीने मांडल्या. मागील काही वर्ष क्रीडा पत्रकारीतेमध्ये काम केल्यानंतर आता झी 24 तासमध्ये कंटेन्ट सब एडिटर म्हणून क्रीडा विभागात काम करत आहे.भारत क्रीडा पत्रकारिता ही केवळ क्रिकेट पुरतीच मर्यादीत आहे. पण मला या खेरीज टेनिस, कब्बडी, फुटबॉल, आर्चरी, कुस्ती, बॉक्सिंग या विषयात विशेष रुची आहे. या क्षेत्रातील बातम्यांवर प्रभुत्त्व मिळविण्याचा प्रयत्न सुरू आहे. शुभांगी यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्यांनी आधी स्वत: मैदानावर धावपट्टू धावल्या आहेत.शैक्षणिक पात्रताशुभांगी मेरे यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES