दिवाळीसाठी चकली बनवायची? ही सोपी रेसिपी फॉलो करा, झंझटच नाही

दिवाळीचा सण जवळ येताच, लोक आपल्या घराच्या स्वच्छतेची आणि सजावटीची तयारी सुरू करतात. हिंदू धर्मात, दिवाळी हा देवी लक्ष्मीच्या स्वागताचा सण मानला जातो. धार्मिक मान्यतेनुसार, देवी लक्ष्मी स्वच्छ घरात वास करते. म्हणूनच दिवाळीपूर्वी घराचा प्रत्येक कोपरा स्वच्छ केला जातो. दिवाळीच्या या सणाला आपली किंवा ताई घरी फराळ तयार करणे अजिबात विसरत नाही. दिवाळीला वेगवेगळ्या प्रकारचे पदार्थ तयार केले जातात यामध्ये पोह्यांचा चिवडा, शंकरपाळी, करंजी आणि सर्वाची फेव्हरेट म्हणजेच चकली. अनेकजण वेगवेगळ्या प्रकारे चकली तयार करतात काहीजण चकलीचे पीठ घरच्या घरी तयार करतात तर काहीजण चकलीचे पीठ हे रेडिमेड दुकानामधून आणतात.

काही लोक बाजारातून बहुतेक पदार्थ विकत घेणे पसंत करतात कारण ते बनवणे किचकट असते. तथापि, जे लोक भेसळ आणि स्वच्छतेबद्दल जागरूक असतात, ते हे पदार्थ घरीच बनवण्यास प्राधान्य देतात. जेव्हा चकलीचा विषय येतो, तेव्हा बहुतेक लोकांना ती आवडते कारण ती शिजलेली आणि चविष्ट असते. लोकांना प्रश्न पडतो की, घरी जशी चकली मिळते तशी आपण बनवू शकतो का. तथापि, योग्य पद्धतीचा अवलंब करून, तुम्ही घरी मिळणाऱ्या चकलीसारखी चकली बनवू शकता. मी एक सोपी रेसिपी तुम्हाला या लेखामध्ये सांगणार आहे.

चकली बनवण्यासाठी लागणारे साहित्य

एक कप तांदळाचे पीठ
अर्धा कप बेसन
अर्धा चमचा ओवा
1/4 चमचा हिंग
अर्धा चमचा लाल मिरची पावडर
अर्धा चमचा धणे पूड
अर्धा चमचा हळद पावडर
चवीनुसार मीठ
तळण्यासाठी तेल

कशी बनवायची घरच्या घरी चकली?

चकली तयार करण्यासाठी सर्वात महत्त्वाचे म्हणजेच तुमच्याकडे चकली बनवण्याचे मशीन असणे गरजेचे आहे. घरच्या घरी चकली तयार करण्यासाठी सर्वात आधी एका मोठ्या भांड्यात तांदळाचे पीठ, बेसन, हिंग, लाल तिखट, धणेपूड, हळद आणि मीठ एकत्र करून चांगले मिसळून घ्या. त्यानंतर पीठ मळण्यासाठी थोडे थोडे पाणी घालून घट्ट पीठ मळून घ्या. पीठ जास्त घट्ट किंवा जास्त मऊ होऊ नये हे लक्षात ठेवा. पीठ मळून झाल्यानंतर ते चकलीच्या मशीनमध्ये घ्यायचे किंवा तुमच्याकडे प्लॅस्टिकच्या पिशवीचा देखील पर्याय आहे. मशीनमध्ये किंवा प्लॅस्टिकच्या पिशवीत थोडे चकलीचे पीठ भरा. चकलीला गोल आकार द्या. कढईत तेल गरम करून चकली सोनेरी तपकिरी होईपर्यंत तळा. जास्तीचे तेल शोषून घेण्यासाठी टिश्यू पेपरवर काढून ठेवा.