SOCIAL MEDIA

Newsletter

PARTNER SITES
Select Language Select State

सकाळच्या चहाची मजा दुप्पट करेल ही मूग डाळ टिक्की; जाणून घ्या सोपी रेसिपी

तुम्ही रोज सकाळच्या नाश्ताला जर तेचतेच बोरिंग पोहे आणि उपमा खाऊन कंटाळला असाल तर आज तुम्हाला मूग डाळ टिक्की कशी तयार करायची यासंदर्भात संपूर्ण रेसिपी या लेखामध्ये तुम्हाला देणार आहोत.

Written By Shubhangi Mere Edited By Shubhangi Mere
Published: Nov 20, 2026, 22:34 IST | Updated: Nov 20, 2026, 22:45 IST
Join

सकाळच्या चहाबरोबर अनेकांना वेगवेगळ्या प्रकारचा नाश्ता करायची सवय असते. जर तुम्हाला मसालेदार आणि कुरकुरीत खाण्याची इच्छा असेल तर तुमच्यासाठी हा लेख उपयुक्त आहे. तुम्ही रोज सकाळच्या नाश्ताला जर तेचतेच बोरिंग पोहे आणि उपमा खाऊन कंटाळला असाल तर आज तुम्हाला मूग डाळ टिक्की कशी तयार करायची यासंदर्भात संपूर्ण रेसिपी या लेखामध्ये तुम्हाला देणार आहोत. बाहेरून कुरकुरीत आणि आतून मऊ असलेली ही टिक्की अतिशय स्वादिष्ट लागते. विशेष गोष्ट म्हणजे, ती घरात सहज उपलब्ध असलेल्या साध्या साहित्याचा वापर करून बनवता येते.

मूग डाळ टिक्की बनवण्यासाठी लागणार साहित्य

मूग डाळ – 1 कप धुतलेली 
बटाटा – 1 उकडलेला 
कांदा – 1 बारीक चिरलेला 
हिरव्या मिरच्या – 2 बारीक चिरलेल्या 
आले-लसूण पेस्ट – 2 चमचा 
कोथिंबीर – 2 टेबलस्पून बारीक चिरलेली 
जिरे – अर्धा चमचा 
लाल मिरची पावडर – अर्धा चमचा 
धणे पूड – अर्धा चमचा 
गरम मसाला – अर्धा चमचा 
चाट मसाला - अर्धा चमचा 
बेसन किंवा ब्रेड क्रम्स – 3 टेबलस्पून 
मीठ - चवीनुसार 
तेल – आवश्यकतेनुसार

कशी बनवायची मूग डाळ टिक्की?

मूग डाळ टिक्की बनवण्यासाठी सर्वात आधी मूग दाळ स्वच्छ धुवून करा, त्यानंतर दाळ 4 तास पाण्यामध्ये भिजवून ठेवा. मुगाची डाळ पाण्यामध्ये फुगल्यानंतर पाणी त्यामधून काढून टाका, भिजवलेले मूग मिक्सरमध्ये घालून जाडसर वाटा. वाटताना जास्त पाणी घालणार नाही याची काळजी घ्या. टिक्कीचे मिश्रण सहज आकार देता येईल इतके घट्ट असावे एवढेच पाणी मिश्रणामध्ये घालावे. आता, वाटलेले मूग एका मोठ्या भांड्यात काढा. त्यात उकडलेल्या बटाट्याचा लगदा, बारीक चिरलेला कांदा, हिरव्या मिरच्या, आले-लसूण पेस्ट आणि कोथिंबीर घाला. नंतर, जिरेपूड, लाल तिखट, धणेपूड, गरम मसाला, चाट मसाला आणि मीठ घाला सर्व व्यवस्थित मिसळून घ्या.

मिश्रण जास्त ओले वाटत असल्यास, त्यात थोडे बेसन किंवा ब्रेडक्रंब्स घाला. यामुळे टिक्कीला आकार देणे सोपे जाईल आणि तळताना त्या तुटणार नाहीत. हातांना थोडे तेल लावा आणि मिश्रणाचे छोटे गोळे बनवा. तळहातांच्या साहाय्याने त्यांना दाबून गोल, चपट्या टिक्की बनवा. कढईत तेल गरम करा. तेल गरम झाल्यावर त्यात टिक्की घालून मंद आचेवर दोन्ही बाजूंनी सोनेरी तपकिरी आणि कुरकुरीत होईपर्यंत तळा. एकाच वेळी खूप जास्त टिक्की घालणे टाळा, कारण त्या एकमेकांना चिकटू शकतात. टिक्की पूर्णपणे शिजल्यावर त्या एका ताटलीत काढून ठेवा. दही आणि हिरव्या चटणीसोबत सर्व्ह करा. 

Add Zee News as a Preferred Source
TAGS:

About the Author

शुभांगी संतोष मेरे या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 3.5 वर्षांहून अधिक काळाचा अनुभव आहे. सध्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. कारकीर्दमध्ये आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा, इतर आंतरराष्ट्रीय स्पर्धा पत्रकार म्हणून कव्हर केल्या आहेत. याशिवाय मनोरंजन क्षेत्रातील काही महत्त्वाच्या बातम्या त्याचबरोबर लाईफस्टाईल आणि टेक त्राशी निगडित बातम्यांमध्ये सुद्धा त्यांचा हातखंड आहे.डिजिटल मीडियाची कारकीर्द:2023 मध्ये टाईम महाराष्ट्र मधून कामाला सुरूवात केली आहे. काही महिने मीडिया क्षेत्राचा अनुभव घेतल्यानंतर 2023 ते 2026 पर्यंत नवराष्ट्र डिजिटल येथे क्रीडा संबंधी बातम्यांवर, विश्लेषण आणि संशोधनावर काम केले आहे, नवराष्ट्र वेबसाईटसाठी 2.5 वर्ष क्रीडा क्षेत्रातील घडामोडी आवडीने मांडल्या. मागील काही वर्ष क्रीडा पत्रकारीतेमध्ये काम केल्यानंतर आता झी 24 तासमध्ये कंटेन्ट सब एडिटर म्हणून क्रीडा विभागात काम करत आहे.भारत क्रीडा पत्रकारिता ही केवळ क्रिकेट पुरतीच मर्यादीत आहे. पण मला या खेरीज टेनिस, कब्बडी, फुटबॉल, आर्चरी, कुस्ती, बॉक्सिंग या विषयात विशेष रुची आहे. या क्षेत्रातील बातम्यांवर प्रभुत्त्व मिळविण्याचा प्रयत्न सुरू आहे. शुभांगी यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्यांनी आधी स्वत: मैदानावर धावपट्टू धावल्या आहेत.शैक्षणिक पात्रताशुभांगी मेरे यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES