संध्याकाळच्या भुकेसाठी बेस्ट! घरच्या घरी तयार करा टेस्टी मिनी समोसे
तोच बोरिंग नाश्ता खाऊन कंटाळला असाल तर मग आता तुम्हाला आज एक विशेष खास रेसिपी या लेखामध्ये सांगणार आहोत. घरच्या घरी मिनी समोसा कसा तयार करायचा यासंदर्भात तुम्हाला सांगणार आहोत.
रोज तेच पोहे, शिरा किंवा उपमा खाऊन अनेकदा कंटाळा येतो त्यामुळे जर तुम्ही रोज तोच तोच बोरिंग नाश्ता खाऊन कंटाळला असाल तर मग आता तुम्हाला आज एक विशेष खास रेसिपी या लेखामध्ये सांगणार आहोत. आपल्याला घरी काहीतरी स्वादिष्ट खाण्याची इच्छा होते आणि आपल्या पाहुण्यांनाही आपल्या हातच्या पदार्थांची चव द्यायची असते; कारण त्यामुळेच आपल्याला प्रशंसा मिळते. आजच्या लेखामध्ये तुम्हाला टेस्टी मिनी समोसे कसे तयार करायचे यासंदर्भात सांगणार आहोत.
मिनी समोसा बनवण्यासाठी लागणारे साहित्य
मैदा – 2 कप
तूप किंवा तेल – गरजेनुसार
अजमोदा – अर्धा चमचा
मीठ – चवीनुसार
पाणी – गरजेनुसार
उकडलेले बटाटे – 4
उकडलेले वाटाणे – अर्धा कप
धणेपूड – 1 चमचा
लाल तिखट – अर्धा चमचा आमचूर
पूड – अर्धा चमचा
जिरे – अर्धा चमचा
गरम मसाला – अर्धा चमचा
बडीशेप – एक चमचा
हिरवी कोथिंबीर – 1 मोठे चमचे
कसा बनवायचा मिनी समोसा?
मिनी समोसा तयार करण्यासाठी सर्वात आधी पीठ मिळून घ्या. त्यानंतर एका मोठ्या भांड्यामध्ये मैदा घ्या आणि त्यामध्ये ओवा मीठ आणि 3-4 चमचे तूप घाला. त्यानंतर ते मिश्रण चांगले मिसळून घ्या आणि पाणी घालून ते पीठ चांगले घट्ट मळून घ्या. पीठ मळून झाल्यावर सुमारे 20 मिनिटे बाजूला ठेवा. यानंतर, बटाट्याचे सारण तयार करा. एका कढईत थोडे तेल गरम करून त्यात जिरे आणि बडीशेप घाला. सर्व मसाले, उकडलेले बटाटे आणि वाटाणे घालून ते चांगले कुस्करून घ्या, नंतर, मीठ आणि कोथिंबीर घाला, सारण तयार आहे.
हे ही वाचा
हलवाईसारखी बालुशाही आता घरातच; परफेक्ट चवीसाठी फॉलो करा ही रेसिपी
समोस्याचे सारण तयार केल्यानंतर मळलेल्या पिठाचे लहान लहान गोळे तयार करा आणि ते लाटून घ्या, त्यानंतर ते अर्धे कापून घ्या आणि त्याचे दोन समान भाग करा. प्रत्येक भागामध्ये बटाट्याचे सारण भरा आणि त्यानंतर कडांना पाणी लावून समोशांचा आकार देऊन ते बंद करा. एक महत्त्वाची टीप म्हणजेच समोशाच्या एकमेकांना घट्ट चिकटतील याची काळजी घ्या. आता एका कढईत तेल गरम करा. त्यात समोसे घालून सोनेरी तपकिरी होईपर्यंत तळा. सोनेरी तपकिरी आणि कुरकुरीत झाल्यावर ते एका प्लेटमध्ये काढून ठेवा. तुमचे गरमा गरम मिनी समोसे तयार आहेत.
