SOCIAL MEDIA

Newsletter

PARTNER SITES
Select Language Select State

पुन्हा 'ऑपरेशन टायगर'; शिवसेनेकडून पवारांच्या आमदाराला मंत्रिपदाची ऑफर; महाराष्ट्राच्या राजकारणात खळबळ

शिंदे गटाचे मंत्री भरत गोगावले यांनी शरद पवार गटाचे आमदार अभिजीत पाटील यांना शिवसेनेत येण्याची आणि मंत्रिपदाची ऑफर दिली. पाटील यांनी काय स्पष्टीकरण दिले? जाणून घेऊया.

Reported By Pravin Dabholkar Written By Pravin Dabholkar
Published: Nov 21, 2026, 13:02 IST | Updated: Nov 21, 2026, 13:11 IST
Image Credit: ऑपरेशन टायगर
Join

राज्याच्या राजकारणात दोन्ही राष्ट्रवादी काँग्रेसच्या संभाव्य एकत्रीकरणाची चर्चा सुरू असतानाच शिंदेंच्या शिवसेनेच्या ऑफरमुळे नव्या राजकीय चर्चांना सुरुवात झालीय. राष्ट्रवादी काँग्रेस शरदचंद्र पवार पक्षाचे माढ्याचे आमदार अभिजीत पाटील यांना शिवसेनेत प्रवेश केल्यास मंत्रिपद देण्याची तयारी मंत्री भरत गोगावले यांनी जाहीरपणे दर्शवली. त्यामुळे शरद पवार गटातील आमदारांना शिंदे गटाकडून गळाला लावण्याचे प्रयत्न सुरू आहेत का?, असा प्रश्न उपस्थित होतोय.

पंढरपूर दौऱ्यात अभिजीत पाटील शिंदेंसोबत

कार्तिकी यात्रेच्या तयारीचा आढावा घेण्यासाठी उपमुख्यमंत्री एकनाथ शिंदे पंढरपूर दौऱ्यावर आले होते. या दौऱ्यात आमदार अभिजीत पाटील त्यांच्यासोबत दिसले. पंढरपूरमधील पाहणीदरम्यान पाटील यांनी शिंदे यांना बुलेटवरून परिसराची माहिती दिली. हेलिकॉप्टरमध्ये तांत्रिक बिघाड झाल्यानंतर शिंदे यांनी रस्तेमार्गे प्रवास करण्याचा निर्णय घेतला. या घडामोडींमुळे दोघांमधील जवळीक चर्चेचा विषय ठरली.

कार्तिकी एकादशीलाही नेत्यांची उपस्थिती

21 नोव्हेंबरला कार्तिकी एकादशीच्या शासकीय महापूजेसाठी शिंदे पुन्हा पंढरपुरात आले. यावेळी आमदार अभिजीत पाटील आणि राजू खरे यांच्यासह विविध लोकप्रतिनिधी उपस्थित होते. पुण्यातील वडगाव शेरीचे आमदार बापूसाहेब पठारे यांचीही शिंदे यांच्याशी भेट झाली.

भरत गोगावलेंकडून थेट मंत्रिपदाची ऑफर

या सगळ्यात मंत्री भरत गोगावले यांच्या वक्तव्याने चर्चेला अधिक रंग चढला. अभिजीत पाटील यांनी शिवसेनेत प्रवेश केल्यास त्यांना मंत्रिपद देऊ शकतो, असे गोगावले म्हणाले. एवढेच नव्हे, तर त्यांच्यासाठी स्वतःचे अडीच वर्षांचे मंत्रिपद सोडण्याची तयारी असल्याचेही त्यांनी सांगितले. ही ऑफर सार्वजनिक कार्यक्रमात देण्यात आली.

अभिजीत पाटील यांची भूमिका काय?

या ऑफरनंतर अभिजीत पाटील यांनी पक्षांतराचे संकेत दिलेले नाहीत. शिंदे उपमुख्यमंत्री म्हणून मतदारसंघात आले होते. त्यांच्यासमोर मतदारसंघातील विकासकामांचे प्रश्न मांडणे आणि त्यांचा सत्कार करणे हे लोकप्रतिनिधी म्हणून आपले कर्तव्य असल्याचे त्यांनी स्पष्ट केले. गोगावले यांनी दिलेली ऑफर हा त्यांच्या मनाचा मोठेपणा असल्याचेही पाटील म्हणाले.

विलिनीकरण की ऑपरेशन टायगर?

दोन्ही राष्ट्रवादींच्या विलिनीकरणाबाबतही अद्याप ठोस निर्णय किंवा अधिकृत घोषणा झालेली नाही. शरद पवार गटाच्या नेत्या सुप्रिया सुळे यांनी विलिनीकरणाचा कोणताही प्रस्ताव आपल्याकडे नसल्याचे यापूर्वी स्पष्ट केले होते. अशा परिस्थितीत शिंदे गटाच्या मंत्र्याने दिलेली ऑफर आणि पंढरपुरातील भेटीगाठी यामुळे राजकीय चर्चांना नवे वळण मिळाले आहे.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES