SOCIAL MEDIA

Newsletter

PARTNER SITES
Select Language Select State

गोंदिया एअर होस्टेस मृत्यू प्रकरणात मोठा ट्विस्ट! पोलिसांच्या हाती लागली हादरवणारी माहिती, प्रेमसंबंध सहन न झाल्याने 13 लाख...

पुणेकर एअर होस्टेस गोंदियाला माहेरी आल्यावर तिची हत्या झाली. या प्रकरणात मोठा ट्विस्ट असून अखेर हत्येचा उलगडा झाला आहे.

Written By Neha Chaudhari Edited By Neha Chaudhari
Published: Nov 19, 2026, 17:08 IST | Updated: Nov 19, 2026, 17:20 IST
Image Credit: gondia air hostess
Join

पुणेकर एअर होस्टेस वर्षा धुर्नलाल तुरकर हिचा मृतदेह 14 नोव्हेंबर रोजी गोंदिया जिल्ह्यातील बोंडराणी जंगल परिसरात सापडल्याने खळबळ माजली होती. दिवाळीनिमित्त आपल्या तीन वर्षीय मुलीसह ती माहेरी आली होती. घटनेच्या दिवशी ती मित्रासोबत फिरायला गेली असताना लुटमारीच्या प्रकरणात तिची हत्या झाल्याचे प्रथमदर्शीनी भासवण्यात आले. त्यानंतर वर्षाच्या आई आणि पतीने वेगळाच संशय होता. त्यांनी पोलिसांकडे आरोप केला की, वर्षाची हत्या तिच्या मित्राने केली आहे. पण आता वर्षाच्या हत्येचा उलगडा झाला असून यात मोठा ट्विस आला आहे. वर्षाची हत्या मित्र, पती यांनी नाही तर एका वेगळ्या व्यक्तीने केली आहे. वर्षाची हत्या करण्यासाठी 13 लाखांची सुपारी देण्यात आली होती.

वर्षाच्या हत्येचा उलगडा!

पोलिसांनी दिलेल्या माहितीनुसार वर्षा ज्या मित्रासोबत फिरायला गेली होती तो नितेश अग्रवाल यांचे प्रेमसंबंध होते. नितेश आणि वर्षाचे हे प्रेमसंबंध नितेशच्या बायकोला सहन होत नव्हते. त्यामुळे तिने माहेरी आलेल्या वर्षाचा काटा काढण्याचा कट रचला. नितेश पत्नी मोना अग्रवाल हिने वर्षाची हत्या करण्यासाठी शेजारी राहणाऱ्या कुणाल श्यामलाल कुंभलकर याची मदत घेतली.

श्यामलालच्या मदतिने शाहरूख खान फिरोज खान पाठण याच्याशी त्यांनी संपर्क साधला. त्याच्याला मोनी अग्रवाल हिने वर्षाला मारण्यासाठी 13 लाखांची सुपारी दिली. गोदिंया पोलीस अधीक्षक गोरख भामरे यांनी या संपूर्ण गुन्ह्याचा उलगडा करण्यात यश आलं आहे.

हेसुद्धा वाचा - लेकीसोबत दिवाळी सुट्टीसाठी माहेरी आली, मित्रासोबत गाडीतून फिरायला गेली अन् पुणेकर एअर हॉस्टेसची जंगलात सापडली बॉडी

त्यांनी माहिती दिली की, हा हत्येचा थरार 14 नोव्हेंबर रोजी संध्याकाळी 5.30 ते 6 वाजेच्या सुमारस झाला. तिरोडा तालुक्यातील बोंडराणी जंगल परिसरात वर्षा आणि नितेश फिरायला गेले होते, तिच संधी हत्येसाठी साधण्यात आली. चोरीच्या करायला असं भासवून वर्षाची धारदार शस्त्राने निर्घृणरित्या हत्या करण्यात आली.

या गुन्हाचा शोध लावण्यासाठी पोलिसांची 6 विशेष पथके तयार केली होती. प्रत्यक्षदर्शींकडून हत्या करण्याऱ्या आरोपींचे वर्णन नोट करण्यात आलं. त्याअनुषंगाने गोंदिया आणि शेजारील बालाघाट जिल्ह्यात शोधमोहीम घेण्यात आली. सलग चार दिवस तिरोडा, खैरलांजी, वारासिवनी ते गोंदिया या मार्गावरील सुमारे 250 ते 300 सीसीटीव्ही कॅमेऱ्यांचे फुटेज तपासण्यात आले. अखेर एका सीसीटीव्ही कॅमेऱ्यात हल्लेखोराचा चेहरा स्पष्ट दिसल्यामुळे पोलिसांना मोठ यश हाती आलं. त्यानंतर पोलिसांनी या हत्येप्रकरणात पहिली अटक इम्रान करीम शेख केली. त्यानंतर पोलिसांच्या कसून चौकशीत शाहरूख पठाणने सुपारी दिल्याचे त्याने कबुली दिली. या कबुलीनंतर पोलिसांनी शाहरूख, कुणाल कुंभलकर आणि कट रचणारी मोना अग्रवाल यांना अटक केली. पण अद्याप 2 आरोपी फरार आहेत. 

Add Zee News as a Preferred Source
TAGS:

About the Author

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत.शैक्षणिक पात्रतानेहा चौधरी यांनी बॅचरल ऑफ कम्युनिकेशन आणि जर्नालिझम ही पदवी घेतली आहे. संरक्षण शास्त्रातून बीए, नाशिक भोसला मिलटरी कॉलेजमधून केलं आहे. डिजिटल मार्केटिंग या विषयाचा सुद्धा अभ्यास केलाय.व्हिडीओ कंटेटझी 24 तास सोशल मीडियासाठी  त्या ज्योतिषशास्त्र, सणवार, विज्ञान, ट्रेंडिंग विषय आणि आरोग्याशी संबंधित तज्ज्ञांच्या मुलाखत घेतात.  यातून लेखनासोबतच व्हिडीओच्या माध्यमातून पोहोचण्यास मदत होते.या विषयांमध्ये हातखंडत्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही लिखाण करतात.  ज्योतिष, अंकशास्त्र, टॅरो कार्ड आणि धर्म यावर लिखणा करतात. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन करुन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व, याबद्दल बातम्यांमधून समतोल राखतात. मोकळ्या वेळेत त्यांना धार्मिक ग्रंथांच वाचन तसंच प्रवास, खाद्य पदार्थ बनवणे, संगीताची आवड आहे.
Read More

ZEENEWS TRENDING STORIES