SOCIAL MEDIA

Newsletter

PARTNER SITES
Select Language Select State

महाराष्ट्रात आत्तापर्यंत कितीवेळा ऑपरेशन टायगर? किती नेते शिंदेंच्या शिवसेनेत?

गेल्या काही दिवसांपासून राज्यात पुन्हा एकदा ऑपरेशन टायगरच्या चर्चा सुरु झाल्यात.

Written By Mansi Kshirsagar Edited By Mansi Kshirsagar
Published: Nov 20, 2026, 12:16 IST | Updated: Nov 20, 2026, 13:09 IST
Image Credit: How many times has the Shiv Sena carried out Operation Tiger Which leaders joined Shinde's Shiv Sena
Join

महाराष्ट्राच्या राजकारणात खळबळ उडवून देणारी घटना म्हणजे 5 वर्षांपूर्वी राबवण्यात आलेले ऑपरेशन टायगर. एकनाथ शिंदे यांनी उद्धव ठाकरेंच्या नेतृत्वाविरोधात बंड करत काही आमदार व खासदारांना सोबत घेऊन ठाकरेंचं सरकार पाडले. तेव्हापासून ऑपरेशन टायगर चर्चेत आलं आहे. आत्तापर्यंत दोनदा ऑपरेशन टायगर राबवत शिंदेंच्या शिवसेनेत अनेक खासदार-आमदारांसह महत्त्वाच्या पदाधिकाऱ्यांनी प्रवेश केला. आता पुन्हा एकदा ऑपरेशन टायगरची चर्चा रंगली आहे.

पहिल्यांदा कधी राबवलं ऑपरेशन टायगर

जून 2022 मध्ये एकनाथ शिंदे यांनी उद्धव ठाकरे यांच्या नेतृत्वाविरोधात बंड केले. यावेळी शिवसेनेचे 40 आमदार आणि 12 खासदार शिंदे यांच्यासोबत गेले आणि राज्यात सत्तांतर होऊन महायुतीचे सरकार स्थापन झाले. मंत्री उदय सामंत यांनी या ऐतिहासिक बंडाचा उल्लेख पहिले 'ऑपरेशन टायगर' म्हणून केला आहे.

जून 2026 मध्ये खासदारांचा पक्षप्रवेश

ऑपरेशन टायगर 2.0 मुळं पुन्हा एकदा उद्धव ठाकरे यांच्या पक्षाला मोठं खिंडार पडलं. ठाकरे गटाच्या 9 खासदारांपैकी 6 खासदारांनी शिंदेंच्या शिवसेनेत प्रवेश केला. या घडामोडीला ऑपरेशन टायगरचा सर्वात मोठा राजकीय विजय मानलं गेलं. त्याचबरोबर, नेते सचिन अहिर यांच्या पक्षप्रवेशानंतर शिंदे गटातील नेत्यांनी 'ऑपरेशन टायगर 3' सुरू झाल्याचा दावा केला होता. तसंच, ठाकरे गटातील आणखी आमदार पक्षप्रवेश करणार असल्याची चर्चा सुरू झाली.

कोणत्या सहा खासदारांनी पक्षप्रवेश केला?

संजय जाधव, संजय दिना पाटील, संजय देशमुख, ओमराजे निंबाळकर,नागेश पाटील आष्टीकर,भाऊसाहेब वाकचौरे

ऑपरेशन टायगरची पुन्हा चर्चा का?

14 नोव्हेंबर रोजी मंत्री उदय सामंत यांनी ऑपरेशन टायगरबाबत मोठं विधान केलं. चार वर्षांपूर्वी जसं मोठं ऑपरेशन झालं, तसंच काहीतरी पुन्हा होण्याचे संकेत त्यांनी दिले. त्यानंतर नव्या पक्षप्रवेशांबाबत राजकीय चर्चांना सुरुवात झाली. राज्याचे उद्योगमंत्री उदय सामंत आणि मंत्री संजय शिरसाट यांनी महाविकास आघाडीतील अनेक आमदार आणि नेते संपर्कात असून लवकरच तिसरे ऑपरेशन पार पडेल, असे संकेत दिले आहेत.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES