Maharashtra Breaking News Today LIVE: पर्यावरण वाचविण्यासाठी भाजप युवा मोर्चा प्रदेश सचिव यांचा तडकाफडकी राजीनामा

स्वराज्याची राजधानी असलेल्या रायगड जिल्ह्यात प्रथमच छत्रपती शिवाजी महाराज यांचे भव्य दिव्य मंदिर उभ राहतय.कर्जत मधील उल्हास नदीवर या मंदिराची उभारणी होणार असून कर्जत परिवर्तन विकास आघाडीकडून या मंदिराचा विकास आराखडा तयार करण्यात आला आहे. यासाठी कर्जत नगरपरिषद मधून तब्बल कोट्यवधी रुपयांचा निधी खर्ची होणार आहे.या मंदिर परिसरात सर्वात मोठा स्वराज्य ध्वज ,म्युझियम, गार्डन आणि फूड कोर्ट यासारखे वास्तू उभे राहणार आहेत. येणाऱ्या भावी पिढीला या संकल्पनेतून आगळा वेगळा इतिहास आजमावता येणार आहे. कर्जत नगर परिषदेचे नगराध्यक्ष उपनगराध्यक्ष यांसह सर्व नगरसेवक यांनी या मंदिरा बाबत विशेष पुढाकार घेतलाय.

रायगडच्या कर्जत मधील साई डोंगर परिसरात सुरू असलेल्या टोरंट प्रकल्पासाठीची वृक्षतोड ही वनविभाग आणि पर्यावरण विभागाचे गैरकृत्य असून यासाठी सुरुवातीपासून विरोध करणाऱ्या कर्जत मधील भाजप युवा मोर्चाचे प्रदेश सचिव एडव्होकेट ऋषिकेश जोशी यांनी आपल्या पदाचा तडकाफडकी राजीनामा दिलाय.टोरंट प्रकल्पात जी काही गैरकृत्य वन विभाग आणि पर्यावरण विभाग यांनी केलेली आहेत ती धक्कादायक व घातक आहेत आणि त्याला विरोध करण हे राष्ट्रहिताचं कृत्य आहे अस म्हणत ऋषिकेश जोशी यांनी आपली नाराजी व्यक्त करत आपली खदखद सोशल मीडियावर व्यक्त करत हा राजीनामा दिलाय.मीं जिथे लहानाचा मोठा झालो, जिथे खेळलो बागडलो तिथे कोणी व्यापारी वृत्तीने बोगस कागद तयार करून आमच्या वृक्षवेलीवर, पशु पक्षावर व निसर्गावर घाला घालेल तर त्याच्या प्रोजेक्टच आम्ही श्राद्ध घालू अशी परखड भूमिका देखील जोशी यांनी मांडली आहे.

नागपूरमध्ये महायुतीची पदयात्रा काढली गेली. यावेळी मुख्यमंत्री देवेंद्र फडणवीस यांनी भाषण करून राहुल गांधी आणि विरोधकांवर घणाघात घातला.  यात बोलताना फडणवीस म्हणाले की, 'संविधानाची हत्या करण्याचं काम काँग्रेसने केलं.लाल संविधानाचा पुस्तक कुठून आणलं?' असा प्रश्न फडणवीसांनी उपस्थित केला. ते म्हणाले की, 'बाबासाहेब यांचं संविधान निळं होतं. आता राहुल गांधी लाल पुस्तक घेऊन निघाले आहे. एकीकडे संविधानाचं नाव घ्यायचं आणि संविधानाने एक विमान दिलेली व्यवस्था सोडवण्याचा काम केल्या जात आहे.'
 

नागपूरमध्ये महायुतीची पदयात्रा काढली गेली. यावेळी मुख्यमंत्री देवेंद्र फडणवीस यांनी भाषण करून राहुल गांधी आणि विरोधकांवर घणाघात घातला. यात त्यांनी म्हटलं की, 'राहुल गांधींच्या नेतृत्वात आंतरराष्ट्रीय षडयंत्र सुरू आहे. आम्हाला व्यवस्था परिवर्तन करायचं आहे असं गांधी म्हणत आहे. संविधानाने निर्माण केलेल्या संस्थामध्ये परिवर्तन करायचे आहे. जी व्यवस्था नेपाळ श्रीलंका बांगलादेश मध्ये झाली ती अति डावी व्यवस्था राहुल गांधी यांना भारतात निर्माण करायची. एका हातात संविधान ठेवायचं आणि दुसरीकडे संविधान विरोधी काम करायचं'.