मुंबईच्या लेकाने रणजी ट्रॉफीत पाडला धावांचा पाऊस! 400 धावांचा पराक्रम, कोण आहे चिन्मय सुतार?

रणजी ट्रॅाफीचे सामने सुरु आहेत, यामध्ये काही मोठे भारतीय संघातील क्रिकेट खेळाडू देखील सहभागी झाले आहेत. मागील काही दिवसांपासून ही स्पर्धा प्रेक्षकांचे मनोरंजन करत आहे. मिझोरामकडून खेळणारा 29 वर्षीय खेळाडू भारतीय क्रिकेटमध्ये सर्वांचे लक्ष वेधून घेतले आहे. रणजी ट्रॉफीमध्ये मिझोरामकडून खेळणारा चिन्मय सुतारने विक्रमी कामगिरी केली आहे. रणजी ट्रॅाफीमध्ये पहिल्याच नागालँडविरुद्धच्या प्लेट ग्रुप सामन्यात नाबाद 400 धावांची खेळी खेळल्यानंतर तो चर्चेत आला. त्याने आता प्रथम श्रेणी क्रिकेटमध्ये विश्वविक्रम प्रस्थापित केला आहे. कोण आहे चिन्मय सुतार यासंदर्भात सविस्तर जाणून घ्या. 

चिन्मय सुतारच्या रणजी ट्रॅाफी 2026 च्या कामगिरीबद्दल सांगायचे झाले तर मिझोरामसाठी खेळताना अरुणाचल प्रदेशविरुद्धच्या सामन्यात त्याने 175 धावांची खेळी खेळली. चिन्मयने प्रथम-श्रेणी क्रिकेटच्या पहिल्या पाच डावांमध्ये 834 धावा ठोकल्या आहेत. चिन्मय हा प्रथम-श्रेणी क्रिकेटच्या पहिल्या पाच डावांमध्ये सर्वाधिक धावा करणारा फलंदाज आहे. त्याने ऑस्ट्रेलियाच्या बिल पॉन्सफोर्ड यांचा विक्रम मोडला, ज्यांनी 724 धावा केल्या होत्या. पॉन्सफोर्ड यांनी हा विक्रम 1921 ते 1923 दरम्यान आपल्या नावावर ठेवला होता. त्यांचा हा विक्रम 103 वर्षे टिकून होता.

हे ही वाचा

IPL 2027: ऑक्शनपूर्वी CSK-SRH चा मोठा डाव, 4 खेळाडूंची अदलाबदल; कोण कोणत्या संघात एकदा पाहाच

रणजी ट्रॅाफीच्या सहाव्या डावामध्ये चिन्मय सुतारने एकही धाव केलेली नाही तरीही प्रथम श्रेणी क्रिकेटमध्ये पहिल्या डावामध्ये सर्वाधिक धावा करणाऱ्या फलंदाजांच्या यादीमध्ये तो अव्वल स्थानावर आहे. चिन्मय सुतारने अफगाणिस्तानच्या बशीर शाहला मागे टाकले, ज्याने आपल्या पहिल्या सहा प्रथम-श्रेणी डावांत 831 धावा केल्या होत्या. चिन्मय सुतार सध्या 29 वर्षे आणि 186 दिवसांचा आहे. अशा वेळी जेव्हा अनेक तरुण खेळाडू भारतीय क्रिकेटमध्ये स्वतःचे स्थान निर्माण करण्यासाठी धडपडत आहेत, तेव्हा तो सातत्याने मोठे विक्रम प्रस्थापित करत आहे.

कोण आहे चिन्मय सुतार?

चिन्मयने चालू रणजी ट्रॉफी हंगामात मणिपूरविरुद्ध प्रथम-श्रेणी क्रिकेटमध्ये पदार्पण केले. चिन्मय सुतार आपल्या यशाचे श्रेय मुंबई क्रिकेटमधील सुरुवातीच्या काळात शिकलेल्या धड्यांना देतो. त्याने TOI ला सांगितले की, तो आपल्या सातत्यपूर्ण धावा आणि विश्वविक्रम प्रस्थापित करण्याबद्दल आनंदी आहे. त्याने स्पष्ट केले की, मुंबई क्रिकेटमधील सुरुवातीच्या काळात तो शिकला की, जेव्हा एखादा फलंदाज चांगल्या फॉर्ममध्ये असतो, तेव्हा त्याने शक्य तितक्या जास्त धावा करण्याचा प्रयत्न केला पाहिजे.