मुंबईत लक्झरी घरांची धूम! रोज 178 कोटींचे व्यवहार, 17 आलीशन घरांची रोज विक्री; 'हे' लोकेशन सर्वात फेव्हरेट
मुंबईत दररोज होतेय 17 घरांची विक्री होतेय. 178 कोटी रुपयांचा व्यवहार होताहेत. हे लोकेशन ठरतंय नंबर वन
मुंबईतील घर घेण्याचे स्वप्न प्रत्येकाचं असतं. मुंबईत घरांची मागणी वाढली आहे. मुंबई शहरासह उपनगरातील उच्चभ्रू, अलिशान घरांकडील ओढा दिवसेंदिवस वाढत चालला आहे. यंदाच्या एप्रिल ते सप्टेंबर या कालावधीत दररोज तब्बल सरासरी 17 घरांची विक्री झाली असून त्याची किंमत 178 कोटी रुपये इतकी आहे. म्हणजेच सहा महिन्यात 3,145 अलिशान घरांची विक्री झाली असून त्याची किमत 32,623 कोटींवर पोहोचले आहे.
सरासरी घरखरेदी मूल्य सहा टक्क्यांनी वाढून 10.7 कोटी झाले आहे. अंधेरी पश्चिम आणि वर्सोवाप्रमाणेच ताडदेव येथेही घरांच्या किंमती दुपटीने वाढल्या आहेत. मुंबईतील छोट्यांसह आलिशान घरांच्या खरेदी, विक्रीविषयी बाजारपेठेत कुतूहूल असते.
एप्रिल ते सप्टेंबरमध्ये आलिशान घरांची विक्री मोठ्या प्रमाणात झाल्याचे आढळून आले आहे. या कालावधीत 50 कोटी किंवा त्याहून अधिक किंमतीच्या 29 घरांची विक्री झाली आहे. त्यांचे मूल्य 2,536 कोटी रुपये आहे. पहिल्या तिमाहीत या वर्गवारीत नऊ घरांची विक्री झाली होती, तर दुसऱ्या तिमाहीत ही संख्या 20 वर गेली आहे.
एकट्या सप्टेंबरमध्ये अशा नऊ घरांची विक्री झाली आहे. 'लाइटहाऊस लग्झरी आणि प्रॉपर्टी रजिस्ट्रेशन इंटेलिजन्स प्लॅटफॉर्म' नुसार मुंबई प्रदेशात एप्रिल ते सप्टेंबर 2026 मध्ये 32,632 कोटी किंमतीच्या 3,145 आलिशान घरांची नोंदणी झाली. वरळी येथील सध्या चर्चेत असलेल्या एका सोसायटीत152 कोटी रुपयांच्या तीन घरांची विक्री झाली आहे. या तिन्ही घरांचे एकूण खरेदीमूल्य 456 कोटी रुपये एवढे आहे.
वरळीचे स्थान कायम
मुंबईत सर्वाधिक आलिशान घरांच्या विक्रीत वरळीचे स्थान कायम आहे. वरळीने 275 व्यवहारांतून सरासरी 20 कोटी रुपयांनुसार 5,558 कोटी रु इतके मूल्य गाठले आहे.
