पुढचे सात दिवस पाणी उकळूनच प्या, कारण...; मुंबईकरांना BMCचे आव्हान

नागरिकांनी पुढील सात दिवस पिण्याचे पाणी उकळून आणि गाळून वापरावे, असे आवाहन मुंबई प्रशासनाने केले आहे. कारण काय? जाणून घ्या

Written ByMansi KshirsagarEdited ByMansi Kshirsagar

Published: Oct 28, 2026, 08:41 AM IST|Updated: Oct 28, 2026, 08:48 AM IST

join share

पुढचे सात दिवस पाणी उकळूनच प्या, कारण...; मुंबईकरांना BMCचे आव्हान

Image Credit: Mumbai news

मुंबईकरांसाठी एक महत्त्वाची बातमी समोर येतेय. पुढचे सात दिवस पाणी उकळून प्यावे, असं अवाहन महानगरपालिकेकडून करण्यात येत आहे. पिसे-पांजरापूर संकुलातील येवई येथील जलाशयाच्या कप्पा क्रमांक 2 चे दुरुस्तीचे काम पूर्ण झाले आहे. हा कप्पा बुधवारी 28 ऑक्टोबर रोजी सुरू होणार असून त्यामुळं पाण्याची गुणवत्ता ढासळू शकते. त्यामुळं पुढील सात दिवस पाणी उकळून व गाळून पिण्याचे अवाहन करण्यात येत आहे.

मुंबई शहर, पूर्व उपनगरे तसेच ठाणे आणि भिवंडी महापालिका क्षेत्रांत आज, बुधवारपासून वितरित होणाऱ्या पाण्याच्या गुणवत्तेवर परिणाम होण्याची शक्यता आहे. महापालिका पिसे-पांजरापूर संकुलातील येवई येथील महासंतुलक जलाशयाच्या कप्पा क्रमांक 2 च्या दुरुस्तीचे काम पूर्ण झाले असून, हा कप्पा कार्यान्वित करण्यात येणार आहे.

या प्रक्रियेचा परिणाम पाण्याच्या गुणवत्तेवर होण्याची शक्यता आहे. त्यामुळे मुंबई शहरातील ए विभागातील नेव्हल डॉकयार्ड आणि बीपीटी परिसरासह बी, ई, एफ दक्षिण आणि एफ उत्तर विभागांत पाणी उकळून पिण्याच्या सूचनेची अंमलबजावणी करावी लागणार आहे.

पूर्व उपनगरांतील टी विभागातील मुलुंड पूर्व आणि पश्चिम, एस विभागातील भांडुप, नाहूर, कांजुरमार्ग आणि विक्रोळी पूर्व, एन विभागातील विक्रोळी व घाटकोपर परिसर, एल विभागातील कुर्ला पूर्व तसेच एम पूर्व आणि एम पश्चिम विभागांचाही यात समावेश आहे.

महाराष्ट्राला नर्मदेचे पाच टीएमसी पाणी

नर्मदा जलविवाद निवाड्यानुसार महाराष्ट्राच्या वाट्याचे उकाई धरणातील पाच टीएमसी पाणी उपलब्ध करून देण्याचा निर्णय केंद्रीय जलशक्तिमंत्री सी. आर. पाटील यांनी मंगळवारी घेतला. नर्मदा नियंत्रण प्राधिकरणाच्या पुनर्विचार समितीच्या बैठकीत हा निर्णय झाल्याची माहिती मुख्यमंत्री देवेंद्र फडणवीस यांनी दिली.
दूरचित्रसंवादाच्या माध्यमातून झालेल्या या बैठकीला केंद्रीय जलशक्तिमंत्री सी. आर. पाटील, गुजरातचे मुख्यमंत्री भूपेंद्र पटेल, मध्य प्रदेशचे मुख्यमंत्री मोहनलाल यादव आणि राजस्थानचे मुख्यमंत्री भजनलाल शर्मा उपस्थित होते.

टँकर लॉबीवर देखरेखीसाठी पालिकेची डिजिटल व्यवस्था

मुंबईतील टँकर लॉबी आणि पाणी वितरणातील गडबडी टाळण्यासाठी मुंबई महापालिकेने 33 हायड्रंटवर डिजिटल फ्लो मीटर बसवण्याचा निर्णय घेतला आहे. फ्लो मीटर बसवल्याने किती पाणी वितरित झाल्याचे अचूक मोजमाप करणे शक्य होणार आहे. यामुळे पाणीपुरवठ्यातील अनियमितता रोखण्यासह टँकर लॉबीला लगाम घालणे शक्य होणार आहे.

Add Zee News as a Preferred Source

TAGS:

Mumbai News

Mumbai

About the Author

Mansi Kshirsagar

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे. गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या. मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.