आता एजंटची दादागिरी संपणार, म्हाडा भाड्याने घरे उपलब्ध करून देणार, लवकरच पोर्टल येणार

मुंबईत घरांची मागणी वाढली आहे. बाहेरील राज्यातील तरुण-तरुणी कॉलेजसाठी असो किंवा कामाच्या निमित्ताने मुंबईत येतात. अशावेळी ते राहण्यासाठी भाड्याने घर शोधत असतात. पण मुंबईत सहजासहजी भाड्याने घरं मिळत नाही. मात्र आता ही कटकट मिळणार आहे. म्हाडाने आता मुंबईसह राज्यभरात भाड्याने घरे उपलब्ध करुन देणार आहे.

म्हाडा दिवाळीत रेंटल हाऊसिंग पोर्टल सुरू करणार आहे. या पोर्टलची निर्मिती, व्यवस्थापन आणि अंमलबजावणीसाठी गृहनिर्माण विभागाकडून म्हाडाची नोडल एजन्सी म्हणून नियुक्ती करण्यात येणार आहे. येत्या आठवडाभरात याबाबत निर्णय होण्याची शक्यता आहे. त्यामुळे पोर्टलच्या कामाला गती मिजण्यासोबतच शासनाच्या विविध विभागाशी समन्वय साधणे म्हाडाला सोपे होणार आहे.

मुंबईसह उपनगरात ग्रोथ हब उभारले जाणार आहे. त्यामुळे भविष्यात भाड्याच्या घरांना मोठी मागणी असणार आहे. त्या पार्श्वभूमीवर राज्य सरकारने म्हाडाच्या माध्यमातून रेंडल हाऊसिंग पॉलिसी तयार केली असून मंजुरीच्या प्रतीक्षेत आहे. त्याचाच एक भाग म्हणून म्हाडा स्वतःचे पोर्टल लाँच करणार आहे. या पोर्टलच्या निर्मितीसाठी म्हाडाने टाटा कन्सल्टन्सी सर्व्हिसेसला कंत्राट दिले आहे. म्हाडाच्या या पोर्टलमुळे घर भाड्याने घेण्यासाठी किंवा देण्यासाठी दलालांवर विसंबून राहण्याची गरज भासणार नाही.

रेंट अॅग्रीमेंट, पोलीस व्हेरिफिकेशन यासारख्या सुविधा पोर्टलवर उपलब्ध असणार आहेत. एकाच प्लॅटफॉर्मवर या सुविधा उपलब्ध व्हाव्यात यासाठी म्हाडाला नोंदणी व मुद्रांक विभाग, पोलीस, महापालिकेचे काही विभाग जशा विविध विभागांशी समन्यसावा लागणार आहे. म्हाडाच्या पोर्टलच्या माध्यमातून घर भाड्याने दिल्यास किंवा घेतल्यास त्याला कायदेशीरदृश्या संरक्षण असणार आहे.

म्हाडा अर्जांची मुदतवाढ 22 ऑक्टोबर पर्यंत

पुणे गृहनिर्माण व क्षेत्र विकास मंडळाच्या 15% सामाजिक आणि 20% सर्व समावेशक योजनेतील सदनिकांसाठी ऑनलाईन अर्ज करण्याची मुदत 22 ऑक्टोबर पर्यंत वाढवण्यात आली आहे. कागदपत्रांच्या तांत्रिक पडताळणीला होणारा विलंब लक्षात घेऊन म्हाडाने हा निर्णय घेतला आहे मुदत वाढ झाल्याने आता 4 डिसेंबरला अंतिम सोडत काढली जाणार आहे.