मुंबई लोकलबाबत मोठी अपडेट, दीड तासांचा प्रवास 40 मिनिटांत, मध्य रेल्वेची नवी मार्गिका लवकरच सुरू होणार
पनवेल कर्जत रेल्वे मार्गिका लवकरच पूर्णत्वास येणार आहे. या मार्गिकेचे 99 टक्के काम पूर्ण झाले आहे.
प्रवाशांना मध्य रेल्वे लवकरच आनंदाची बातमी येणार आहे. पनवेल-कर्जत उपनगरीय रेल्वे मार्गावर लवकरच लोकल धावणार आहे. 'मुंबई अर्बन ट्रान्सपोर्ट प्रोजेक्ट फेज-3' अंतर्गत काम केले जात असलेल्या या प्रकल्पाचे 99 टक्के पूर्ण झाले आहे. या प्रकल्पामुळं उपनगरीय रेल्वेची कनेक्टिव्हीटी वाढणार आहे. त्यामुळं नागरिकांचा प्रवास सुकर होणार आहे.
पनवेल-कर्जत उपनगरीय रेल्वे मार्गामुळं नवी मुंबई, रायगड आणि आसपासच्या परिसराचा विकास होणार आहे. या प्रकल्पासाठी 2,782 कोटी रुपयांचा खर्च मंजूर करण्यात आला असून 29.6 किमी लांबीच्या दुहेरी उपनगरीय रेल्वे मार्गाचे काम करण्यात येत आहे. या यामध्ये 9 मोठे पूल, 35 छोटे पूल, 5 रोड़ ओव्हर ब्रिज, 16 रोड अंडर ब्रिज आणि पनवेल व कर्जत येथील दोन्ही रेल्वे फ्लायओव्हर्सचे काम पूर्ण झाले आहे.
तसेच तीनही बोगद्यांचे काम, बोगद्यांतील विद्युत आणि यांत्रिक कामे प्रगतिपथावर आहेत. रेल्वे मार्ग जोडणी (ट्रॅक लिंकिंग) पूर्णत्वाच्या दिशेने असून एकूण 69.70 किमीपैकी 68.70 किमी मार्ग बनवण्यात आला आहे. तसेच 68.70 किमी अंतरापर्यंत खडीचा थर तयार करण्याचे आणि ट्रॅक नूतनीकरणाचे कामही पूर्ण झाले आहे.
सिग्नलिंगची कामे 95 टक्क्यांपर्यंत
चिखले आणि मोहापे येथील स्थानक इमारती, चौक येथे स्थानक इमारत व सब वे, प्लॅटफॉर्मवरील शेल्टर आणि परिसरातील कामे झाली आहेत. कर्जत स्थानकावर प्लॅटफॉर्मचा विकास, स्थानक इमारती, प्लॅटफॉर्मवरील छत, लिफ्ट, सरकते जिने आणि इतर प्रवासी सुविधांचे काम अंतिम टप्प्यात आहे. सिग्नलिंगची कामे सुमारे 95 टक्क्यांपर्यंत पोहोचली आहेत. संपूर्ण प्रकल्प डिसेंबर 2026 पर्यंत पूर्ण करण्याचे उद्दिष्ट ठेवले आहे.
पनवेल कर्जत रेल्वे मार्ग सुरू झाल्यानंतर दीड तासांचा प्रवास अवघ्या 40 मिनिटांत पूर्ण होणार आहे. या प्रकल्पामुळे कल्याण आणि ठाणे स्थानकावरील प्रवाशांचा भार कमी होणार असून नवी मुंबई आणि रायगडमधील कनेक्टिव्हिटी सुधारणार आहे.
एकूण 5 स्थानके
पनवेल, चिखले, पोयंजे (पूर्वीचे मोहपे), चौक, कर्जत
