SOCIAL MEDIA

Newsletter

PARTNER SITES
Select Language Select State

15 वर्षांपूर्वी दुसरं लग्न; मुलगा, सून, मुलगी यांनी...; नाशिकमधील RTO अधिकाऱ्याच्या मृत्यू प्रकरणात ट्विस्ट! पत्नी म्हणाली,'ती शेवटची तारीख...'

नाशिकमध्ये सेवानिवृत्त आरटीओ अधिकाऱ्याच्या आत्महत्येप्रकरणी मोठा ट्विस्ट आला आहे. मालमत्तेच्या वादातून मानसिक, शारीरिक आणि आर्थिक छळ केल्याचा पत्नीचा गंभीर आरोप केला आहे.

Written By Neha Chaudhari Edited By Neha Chaudhari
Published: Nov 22, 2026, 21:07 IST | Updated: Nov 22, 2026, 21:12 IST
Image Credit: nashik crime rto officer
Join

नाशिकच्या आरटीओ विभागातील सेवानिवृत्त सहाय्यक प्रादेशिक परिवहन अधिकारी हेमंत गोविंद हेमाडे यांच्या आत्महत्येप्रकरणी पोलिसांनी दोघांना अटक केली आहे. 20 नोव्हेंबर रोजी हेमंत हेमाडे यांनी स्वतःच्या डोक्यात गोळी झाडून जीवन संपवलं होतं. या घटनेनंतर त्यांच्या पत्नीने दिलेल्या तक्रारीतून कौटुंबिक वादाचं कारण समोर आलं आहे. मालमत्तेच्या वादातून हेमंत हेमाडे यांचा मानसिक, शारीरिक आणि आर्थिक छळ केला जात होता. न्यायालयीन प्रकरणं मागे घेण्यासाठी दबाव टाकला जात होता. तसंच जीवे मारण्याच्या धमक्याही दिल्या जात असल्याचा गंभीर आरोप पत्नी योगिता हेमाडे यांनी केला आहे. या सततच्या त्रासाला कंटाळूनच हेमाडे यांनी आत्महत्येचं टोकाचं पाऊल उचलल्याचा दावा पत्नीने केला आहे.

योगिता हेमाडे या हेमंत हेमाडे यांच्या दुसऱ्या पत्नी आहेत. पहिल्या पत्नीच्या निधनानंतर हेमाडे यांनी 15 वर्षांपूर्वी दुसरं लग्न केलं होतं. या लग्नामुळे पहिल्या पत्नीची दोन्ही विवाहित मुले त्यांच्यावर नाराज होती. त्यानंतर हा मालमत्तेचा वाद सुरू झाला असा दावा योगिता हेमाडे यांनी केला आहे.  

हेमंत हेमाडे यांच्या पत्नीने असंही देखील म्हटला आहे की, गेल्या काही महिन्यांपासून अनेक वेळा माझ्या पत्नीला मुलगा आणि मुलीकडून मारहाण होत असे त्याचबरोबर मुलाचा सासरा देखील हेमाडे यांना मारहाण करत असल्याचं योगिता हेमाडे यांनी म्हटले. त्यांच्यामुळेच माझ्या पतीने आत्महत्या केली असल्याचं म्हटलं असून त्यांच्यावर कठोरात कठोर शिक्षा व्हावी अशी मागणी केली आहे.

हेसुद्धा वाचा -  नाशिक हादरलं! निवृत्त आरटीओ अधिकारी हेमंत हेमाडेंच्या घरातून गोळीबाराचा आवाज आला अन्...दृश्य पाहून थरकाप उडाला

पत्नी योगिता हेमाडे यांच्या तक्रारीवरून मुलगा यश हेमाडे, सून भाग्यश्री हेमाडे, मुलगी प्रियांका खोपकर आणि मुलगा यश हेमाडे यांचे सासरे मल्लिकार्जुन उमडी यांच्याविरोधात गंगापूर पोलीस ठाण्यात गुन्हा दाखल करण्यात आला आहे. दरम्यान, या प्रकरणात पोलिसांनी मुलगा यश हेमाडे आणि मुलगा यश यांचे सासरे मल्लिकार्जुन उमडी या दोघांना अटक केली आहे. तर उर्वरित आरोपींबाबत आणि या प्रकरणातील इतर पैलूंबाबत पोलिसांकडून तपास सुरू आहे.


मालमत्तेच्या वादातून एका सेवानिवृत्त अधिकाऱ्याला आत्महत्येपर्यंत जाण्याची वेळ आल्याचा पत्नीचा आरोप आहे. या प्रकरणात दाखल गुन्ह्याचा तपास सुरू असून, पोलीस तपासातून आणखी कोणते खुलासे होतात, हे पाहणं महत्त्वाचं ठरणार आहे. कौटुंबिक वादातून घडलेल्या या धक्कादायक घटनेने नाशिकमध्ये खळबळ उडाली असून, आरटीओ अधिकाऱ्याच्या आत्महत्येप्रकरणी पोलिसांचा पुढील तपास सुरू आहे. 

Add Zee News as a Preferred Source
TAGS:

About the Author

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत.शैक्षणिक पात्रतानेहा चौधरी यांनी बॅचरल ऑफ कम्युनिकेशन आणि जर्नालिझम ही पदवी घेतली आहे. संरक्षण शास्त्रातून बीए, नाशिक भोसला मिलटरी कॉलेजमधून केलं आहे. डिजिटल मार्केटिंग या विषयाचा सुद्धा अभ्यास केलाय.व्हिडीओ कंटेटझी 24 तास सोशल मीडियासाठी  त्या ज्योतिषशास्त्र, सणवार, विज्ञान, ट्रेंडिंग विषय आणि आरोग्याशी संबंधित तज्ज्ञांच्या मुलाखत घेतात.  यातून लेखनासोबतच व्हिडीओच्या माध्यमातून पोहोचण्यास मदत होते.या विषयांमध्ये हातखंडत्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही लिखाण करतात.  ज्योतिष, अंकशास्त्र, टॅरो कार्ड आणि धर्म यावर लिखणा करतात. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन करुन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व, याबद्दल बातम्यांमधून समतोल राखतात. मोकळ्या वेळेत त्यांना धार्मिक ग्रंथांच वाचन तसंच प्रवास, खाद्य पदार्थ बनवणे, संगीताची आवड आहे.
Read More

ZEENEWS TRENDING STORIES