सांगली - पडळकरांच्या जत सोसायटी गटाच्या मतमोजणीदरम्यान मतपेटीत चिठ्ठी सापडल्याने खळबळ; आत लिहिलं होतं 'लिंगायत...'

आमदार गोपीचंद पडळकर यांच्या जत सोसायटी गटाच्या मतमोजणीला सुरुवात झाली असता, मतपेटीमध्ये पन्नास रुपयांची नोट आणि चिठ्ठी सापडली.

Reported ByShivraj Yadav

Published: Nov 03, 2026, 11:34 AM IST|Updated: Nov 03, 2026, 11:48 AM IST

join share

सांगली - पडळकरांच्या जत सोसायटी गटाच्या मतमोजणीदरम्यान मतपेटीत चिठ्ठी सापडल्याने खळबळ; आत लिहिलं होतं 'लिंगायत...'

Image Credit: सांगली बँक जिल्हा निवडणुकीच्या मतमोजणीदरम्यान सापडली 50 रुपयांची नोट आणि चिठ्ठी

सांगली जिल्हा बँक निवडणुकीत भाजपा नेते गोपीचंद पडळकर यांनी विजयाचा गुलाल उधळला आहे. राष्ट्रवादी काँग्रेसचे नेते जयंत पाटील यांच्या रणनितीला शह देत गोपीचंद पडळकर जत सोसायटी गटातून विजयी झाले असून अनेकांना आश्चर्याचा धक्का दिला आहे. या विजयासह गोपीचंद पडळकरांनी सांगली जिल्हा बँकेत प्रवेश मिळवला आहे. दरम्यान मतमोजणीला सुरुवात झाली तेव्हा मतपेटीमध्ये 50 रुपयांची नोट आणि एक चिठ्ठी सापडली. या चिठ्ठीत नेमकं काय लिहिलं आहे जाणून घ्या.

आमदार गोपीचंद पडळकर यांच्या जत सोसायटी गटाच्या मतमोजणीला सुरुवात झाली असता मतमोजणी अधिकाऱ्यांना मतपेटीमध्ये पन्नास रुपयांची नोट आणि चिठ्ठी सापडली. या
चिठ्ठीमध्ये काँग्रेस आमदार विश्वजीत कदम व खासदार विशाल पाटलांच्या बाबतीत टीकेचा मजकूर आहे.

हे ही वाचा - जयंत पाटलांना धक्का! सांगली जिल्हा बँक निवडणुकीत पडळकरांचा मोठा विजय; रणनिती भेदत जिल्हा बँकेत दणदणीत एंट्री

गोपीचंद पडळकर यांच्या मागे लिंगायत मतदार आहेत, त्यामुळे आमदार पडळकरांचा विजय होणार असा विश्वास त्यात व्यक्त करण्यात आला होता. तसंच विश्वजीत कदम आणि विशाल पाटलांनी लिंगायत समाजाला दिलेला आश्वासन पाळलं नसल्याची खंतही या चिठ्ठीत व्यक्त करण्यात आली होती.

जनतेने टप्प्यात आणून करेक्ट कार्यक्रम केला

सांगली जिल्हा मध्यवर्ती बँकेच्या निवडणुकीमध्ये जतच्या जनतेने टप्प्यात आणून करेक्ट कार्यक्रम केला, अशी खोचक टीका भाजप आमदार गोपीचंद पडळकर यांनी आमदार जयंत पाटील यांच्यावर केली आहे. जिल्हा मध्यवर्ती बँकेच्या निवडणुकीमध्ये गोपीचंद पडळकर यांचा एकतर्फी विजय झालेला आहे. 54 मतांनी पडळकर विजय झाले आहेत, सर्वपक्षीय निवडणूक होताना गोपीचंद पडळकर यांच्यासह सहा जागांवर निवडणूक झाली होती त्यामध्ये गोपीचंद पडळकर यांच्या जत सोसायटी गटातील निवडणुकीकडे संपूर्ण जिल्ह्याचा राज्याचे लक्ष लागून राहिलं होतं. अखेर निवडणुकीमध्ये महाविकास आघाडीच्या विनोद पवार यांचा दारुण पराभव करत जिल्हा बँकेत एन्ट्री केली आहे.

हे ही वाचा - निलेश लंकेंनी भाकरीच फिरवली! मातब्बर नेत्यांना शह, अहिल्यानगर जिल्हा बँकेत दणदणीत विजय; विखेंच्या कट्टर समर्थकाचा पराभव

विजयानंतर सदाभाऊ खोतांनी पडळकर यांना खांद्यावर घेत केला जल्लोष

सांगली जिल्हा मध्यवर्ती बँकेच्या निवडणुकीत भाजपा आमदार गोपीचंद पडळकर यांनी दणदणीत विजय मिळवल्यानंतर आमदार सदाभाऊ खोत यांनी भाजपा आमदार पडळकर यांना चक्क खांद्यावर घेत जल्लोष केला. मिरज येथील मतदान केंद्रावर गोपीचंद पडळकर समर्थकांकडून एकच जल्लोष सुरू असताना आमदार सदाभाऊ खोत यांची देखील एंट्री झाली आणि त्यानंतर सदाभाऊ खोत यांनी जल्लोष करत गोपीचंद पडळकर यांना खांद्यावर घेत मतदान केंद्राच्या बाहेर नेलं. यावेळी पडळकर यांनी डोळ्यावर गॉगल लावत,डॉन गाण्यावर ठेका धरला.

Add Zee News as a Preferred Source

TAGS:

Gopichand Padalkar

Jayant Patil

Sangli

About the Author

Shivraj Yadav

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा