राजकीय उलथापालथ, आंदोलनानंतर महिलांची सत्ता येणार अन् 7 दिवसात पाऊस कोसळणार, फरांडे बाबांची भाकणूक चर्चेत

कोल्हापूर जिल्ह्यातील पट्टणकोडोलीच्या श्री विठ्ठल बिरदेव यात्रेत भंडाऱ्याची उधळण करण्यात आली. कोल्हापूर जिल्ह्यातील ही यात्रा महाराष्ट्रातच नाहीतर कर्नाटक, आंध्र प्रदेश आणि तेलंगणामध्येही प्रसिद्ध आहे. या यात्रेसाठी देशविदेशातून भाविक येत असतात. ही यात्रा आणखीन एका कारणासाठी प्रसिद्ध आहे. ती म्हणजे फरांडे बाबांचं भाकणूक... देशात राजकारणापासून पावसापर्यंत प्रत्येक गोष्टचं भाकीत ते करतात. यावर्षी नेमकं भाकनूकमध्ये काय येणार हे ऐकण्यासाठी सर्व भक्त आतुर असतात.

फरांडे बाबांनी भाकणूक काय केली?

या यात्रेतील प्रसिद्ध फराडे बाबांनी भाकनुकीत काय सांगितलं पाहूयात. फरांडे बाबा म्हणाले की, पुढील सात दिवसात पाऊस कोसळणार आहे. रोहिणीचा पाऊस आणि मृग नक्षत्रातील पेरणी सर्वत्र होणार आहे. तर केंद्रासह राज्यात राजकीय उलथापालख पाहिला मिळणार आहे. अनेक ठिकाणी राजकीय गोंधळ निर्माण होणार आहे. त्यासोबत देशावर महिला राज येणार आहे. मिरची आणि साखरेचे दर वाढणार आहे.  इतकंच नाही तर मोठी आंदोलनं होणार असून लढाई होणार आहेत.  

तर धान्याचे दर परिस्थितीनुसार बदलणा आहे. तेवढंच नाही तर कडधान्ये महागणार आहे. सोन्या-चांदीच्या दरांत मोठी चढ-उतार पाहिला मिळणार आहे.  तर देशात भक्तिमय वातावरण राहणार आहे. जगात अनेक ठिकाणी नवे संशोधन होणार आहे; पण त्यातून मानवी जीवनाला त्रास होण्याचे संकेत आहेत. जगाची लोकसंख्या मोठ्या प्रमाणात वाढणार आहे. तर देवाची उपासना करणारे भक्त रोगराईपासून दूर राहतील. तर गुरूंची सेवा करणाऱ्यांवर कृपा राहील,असं भाकणुकीतून सांगण्यात आलंय. 
पट्टणकोडोलीतील ही यात्रा तीन दिवस असून 29 ऑक्टोबरला सुरूवात झाली आहे. तर 31 ऑक्टोबरला यात्रेची सांगता होणार आहे. पहिल्याच दिवशी भंडाऱ्याची उधळण करत भाविकांनी यात्रेचा आनंद घेतला आहे. 

विठ्ठल-बिरदेव यात्रा उत्साहात 10 लाख भाविकांची उपस्थिती पाहिला मिळाली. शेकडो टन भंडाऱ्याची मुक्त उधळण करण्यात आली. धनगरी ढोलांचा निनाद आणि ‘चांगभलं’चा अखंड गजर अशा भक्तिमय वातावरणात कोल्हापूर जिल्ह्यातील पट्टणकोडोलीची श्री विठ्ठल- बिरदेव यात्रा उत्सव डोळे दिपवणारा होता. खारीक, खोबरे आणि पिवळ्या भंडाऱ्याची उधळण, कैताळाचे सूर यामुळे संपूर्ण पट्टणकोडोली भक्तिरंगात न्हाऊन निघाले.