SOCIAL MEDIA

Newsletter

PARTNER SITES
Select Language Select State

रत्नागिरीत 25 एकरावर उभं राहतंय विमानतळ, एकाच वेळी 4 विमाने पार्क होणार; कुठं आहे लोकेशन? वाचा

रत्नागिरीत लवकरच विमानप्रवास सुरू होणार आहे. कुठे असेल विमानतळ, वाचा सर्वकाही

Written By Mansi Kshirsagar Edited By Mansi Kshirsagar
Published: Nov 16, 2026, 01:36 PM IST | Updated: Nov 16, 2026, 01:38 PM IST
Image Credit: Ratnagiri Airport
Join

सिंधुदुर्गात विमानसेवा सुरू झाली आहे. त्यापाठोपाठ आता रत्नागिरी येथेही विमानतळाच्या हालचालींना वेग आला आहे. रत्नागिरी विमानतळाची टर्मिनल इमारतीचे काम पूर्ण झाले असून ती आता पूर्णपणे सज्ज आहे. येत्या जानेवारीपासून महिन्याच्या पहिल्या आठवड्यापर्यंत येथून विमानसेवा सुरू होण्याची शक्यता आहे. तसे संकेतच राज्याचे उद्योगमंत्री उदय सामंत यांनी दिली आहेत.

सिंधुदुर्गातील चिपी विमानतळाची इमारतीसाठी 8 वर्ष लागले. मात्र रत्नागिरी विमानतळाची टर्मिनल इमारत फक्त 2 वर्षांत बांधून पूर्ण करण्यात आली आहे. चिपी विमानतळाच्या तुलनेत रत्नागिरीचे विमानतळ अधिक सुसज्य आणि सोयीस्कर असेल. हे विमानतळ जिल्हाधिकारी कार्यालयापासून फक्त 2 किमी अंतरावर असणार आहे.

रत्नागिरी विमानतळाच्या अंतर्गंत कामांनी सध्या वेग घेतला आहे. बहुतांश कामे अंतिम टप्प्यात आली आहेत. संरक्षक भिंत आणि विजेची सर्व आवश्यक कामे 90 टक्क्यांपर्यंत पूर्ण झाले आहेत. सुमारे 25 एकर जागेवर तब्बल 100 कोटी रुपये खर्चून हा भव्य विमानतळ प्रकल्प पूर्ण होत आहे. तसंच, व्यावसायिक विमान उड्डाणांसाठी कोस्टगार्डच्या धावपट्टीचा वापर केला जाणार आहे.

रत्नागिरी विमानतळाची क्षमता 72 आसनी विमानांच्या उड्डाणासाठी योग्य असणार. तसंच, विमानतळावर एकाच वेळी 4 विमाने पार्क करण्याची क्षमता असेल. रत्नागिरी विमानतळ हे महाराष्ट्राच्या कोकण विभागातील रत्नागिरी जिल्ह्यातील मिरजोळे येथे स्थित आहे

197 कोटींच्या खर्चाला मान्यता

रत्नागिरी विमानतळाच्या सर्वांगीण विकासासाठी राज्य शासनाने 27 ऑगस्ट 2026 रोजी 197.05 कोटी रुपयांच्या तृतीय सुधारित प्रशासकीय व वित्तीय मान्यतेला मंजुरी दिली आहे. या आराखड्यात भूसंपादनासाठी 66.22 कोटी, प्रवासी टर्मिनल इमारतीसाठी 55.56 कोटी, ॲप्रॉन, लिंक टॅक्सी वे आणि जोडरस्त्यांसाठी 31.62 कोटी, बीएसएनएल टॉवर स्थलांतरासाठी 2.26 कोटी, सुरक्षा व अतिरिक्त कामांसाठी 5.75 कोटी आणि अन्य तरतुदींचा समावेश आहे.

चिपी विमानतळ सुरू

सिंधुदुर्ग जिल्ह्यातील चिपी विमानतळ आणि नवी मुंबई आंतरराष्ट्रीय विमानतळ यांच्यातील  थेट विमानसेवा 16 नोव्हेंबरपासून सुरू होत आहे. ही सेवा आठवड्याचे सातही दिवस उपलब्ध असेल. त्यामुळे आता  एक तास 10 मिनिटात आता थेट सिंधुदुर्गला पोहोचता येणार आहे. या विमानसेवेला उत्स्फूर्त प्रतिसाद मिळाला असून, सर्व तिकिटे विकली गेल्याचे ‘फ्लाय ९१’च्या संकेतस्थळावर दिसत आहे.

नवी मुंबईहून सकाळी उड्डाण या मार्गावरील विमानांचे वेळापत्रकही जाहीर झाले आहे. नवी मुंबई ते सिंधुदुर्ग हे विमान सकाळी 7.55 वाजता उड्डाण घेईल, तर सकाळी 9.05 वाजता चिपी येथे पोहोचेल. तर सिंधुदुर्ग ते नवी मुंबई हे विमान सकाळी 9.25 वाजता निघून सकाळी साडेदहाच्या सुमारास नवी मुंबईत पोहोचेल.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES