SOCIAL MEDIA

Newsletter

PARTNER SITES
Select Language Select State

रोजचा 34 किलोमीटरचा फेरा टळणार? 'ते' पत्र मिळताच CM फडणवीस Action मोडमध्ये; 32 ठिकाणच्या स्थानिकांना मिळणार दिलासा

समृद्धी महामार्गासंदर्भातील एक महत्त्वाच्या तांत्रिक अडचणीबद्दल पत्र मिळाल्यानंतर थेट मुख्यमंत्री देवेंद्र फडणवीस यांनी या प्रकरणात लक्ष घातलं आहे. नेमकं हे प्रकरण काय समजून घ्या...

Reported By Swapnil Ghangale Written By Swapnil Ghangale
Published: Nov 19, 2026, 15:02 IST | Updated: Nov 19, 2026, 15:44 IST
Image Credit: हा प्रश्न मार्गी लागेल अशी स्थानिकांना आशा (प्रातिनिधिक फोटो)
Join

समृद्धी महामार्ग हा विकासाचा महामार्ग असल्याचं शासनाकडून सांगितलं जातं. एकूण 701 किलोमीटर लांबीच्या या मार्गामुळे अनेक गावांना उत्तम कनेक्टीव्हिटी मिळाली आहे. मात्र मुंबईमध्ये हा मार्ग ज्या ठिकाणी कनेक्ट करण्यात आला आहे तिथून काही अंतरावर एक वेगळीच समस्या स्थानिकांना जाणवत असून यासाठी आता एक दोन नाही तर तब्बल 32 गावांनी एकत्र येत हलचाल सुरु केली आहे. विशेष म्हणजे राज्याचे मुख्यमंत्री देवेंद्र फडणवीस यांनी स्वत: यामध्ये लक्ष घातलं असून खरोखरच ही समस्या सोडवली गेली तर स्थानिकांचा 34 किलोमीटरचा फेरफटका वाचणार आहे. नेमका हा सारा प्रकार काय जाणून घेऊयात...

कुठे आणि काय समस्या आहे?

कल्याण तालुक्यातील निंबवली येथे समृद्धी महामार्गाचा टोल प्लाझा आहे, मात्र तिथे एन्ट्री-एक्झिटची सुविधा नाही. त्यामुळे स्थानिक नागरिकांना महामार्गावर चढण्यासाठी 17 किलोमीटर पुढे जाऊन 17 किलोमीटर परत यावे लागते. तब्बल 34 किलोमीटरचा अतिरिक्त फेरा, वेळ, इंधन आणि पैसा वाया जातो.

स्थानिक आमदाराचं थेट मुख्यमंत्र्यांना पत्र

ही अडचण लक्षात घेऊन मुरबाडचे आमदार किसन कथोरे यांनी 28 जुलै 2026 रोजी मुख्यमंत्री देवेंद्र फडणवीस यांना पत्र दिले. टिटवाळा महागणपती मंदिर हे तीर्थक्षेत्र आणि खडवली पर्यटन स्थळ या परिसरात असून एन्ट्री-एक्झिट नसल्याने भाविक, पर्यटक, विद्यार्थी आणि प्रवाशांना किमान 20 किलोमीटरचा फेरा मारावा लागत असल्याचे पत्रात नमूद केले होते.

थेट मुख्यमंत्र्यांकडून आदेश

या पत्राची दखल घेत उपमुख्यमंत्री यांनी हे प्रकरण तपासून सादर करावे, असे निर्देश दिले. त्यानुसार सार्वजनिक बांधकाम विभागाने 30 सप्टेंबर 2026 रोजी एमएसआरडीसीला पत्र पाठवून उचित कार्यवाही करून त्याची माहिती आमदार कथोरे यांना देण्याची विनंती केली आहे. या मागणीला समृद्धी महामार्ग स्थानिक हक्क कृती समिती आणि 32 गावांतील ग्रामपंचायतींनी एकमताने ठराव मंजूर करून पाठिंबा दिला आहे.

32 गावातील लोकांना दिलासा

निंबवली-मोस, गुरवली, फळेगाव, सांगोडे-कोंढेरी, उतणे-चिंचवली, राया-ओझर्ली यासह परिसरातील गावांचा यात समावेश आहे. अनिल केणे आणि साईनाथ जाधव यांनी सातत्याने पाठपुरावा केल्याने 32 गावातील लोकांना मोठा दिलासा मिळाला आहे.

दोन ठिकाणं फारच जवळ

निंबवलीपासून टिटवाळा महागणपती मंदिर केवळ 7 किलोमीटरवर, तर खडवली परिसरातील पर्यटनस्थळे केवळ 3 किलोमीटरवर आहेत. त्यामुळे येथे एन्ट्री-एक्झिट मिळाल्यास धार्मिक आणि ग्रामीण पर्यटनाला मोठी चालना मिळेल, असा विश्वास व्यक्त केला जात आहे.

नेमक्या मागण्या काय?

समितीच्या प्रमुख मागण्यांमध्ये निंबवली टोल प्लाझा परिसरात एन्ट्री-एक्झिट तातडीने मंजूर करा, स्थानिक गावांना जोडणारे सर्व्हिस रोड, अंडरपास किंवा ओव्हरब्रिज उभारा, आणि आमदारांच्या अध्यक्षतेखाली एमएसआरडीसी अधिकारी व स्थानिक प्रतिनिधींची संयुक्त बैठक घ्या. ही मागणी कोणत्याही पक्षाची नसून 32 गावांतील नागरिकांच्या न्याय्य हक्काची आहे, असे समितीने स्पष्ट केले आहे. आता एमएसआरडीसी यावर काय कार्यवाही करते, याकडे निंबवलीसह संपूर्ण कल्याण ग्रामीणचे लक्ष लागले आहे.

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES