SOCIAL MEDIA

Newsletter

PARTNER SITES
Select Language Select State

दुष्काळात तेरावा महिना! मुंबईला पाणी पुरवणाऱ्या जिल्ह्यावरच पाणीटंचाईचे सवाट; 5.9 कोटी लिटर पाणी...

दुष्काळसदृश परिस्थिती आणि संभाव्य पाणीटंचाईच्या पार्श्वभूमीवर ठाणे महापालिकेने पाणीकपातीचा निर्णय घेतला आहे.

Written By Mansi Kshirsagar Edited By Mansi Kshirsagar
Published: Nov 19, 2026, 08:05 IST | Updated: Nov 19, 2026, 08:06 IST
Image Credit: Thane to face a further reduction of 59 million litres of water
Join

एल निनोमुळं यंदा महाराष्ट्रात पावसाची मोठी तूट होती. जुलैमध्ये झालेल्या मुसळधार पावसानंतर ऑगस्ट आणि सप्टेंबरमध्ये पाऊसच झाला नाही. त्याचा परिणाम म्हणजे महाराष्ट्रावर भीषण दुष्काळाचं सावट आहे. राज्यात दुष्काळ जाहीर करण्यात आला आहे. तर दुसरे संकट म्हणजे तापमानामुळं धरणातील पाणीसाठाही कमी होत चालला आहे. त्यामुळं महानगरांसह गावागावात पाणीटंचाईची भीती व्यक्त करण्यात येत आहे. ऐन हिवाळ्यातच पाणीसाठा आटत चालल्याने चिंता व्यक्त करण्यात येत आहे. अनेक शहरांत पाणीकपात लागू करण्यात आली आहे.

दुष्काळी परिस्थितीच्या पार्श्वभूमीवर ठाणे महापालिकेने 10 टक्के पाणी कपात लागू केली आहे. मात्र, ती लागू होण्यापूर्वीच ठाणेकरांना दररोज 47 दशलक्ष लिटर पाण्याची तूट सहन करावी लागत होती. आता आणखी 59 दशलक्ष लिटरची घट होणार असल्याने शहरातील पाणीटंचाईचे संकट अधिक गडद झाले आहे. त्यातून मागणी आणि पुरवठ्यातील दररोजची तफावत तब्बल 106 दशलक्ष लिटरपर्यंत पोहोचू शकते.

वाढती लोकसंख्या आणि नव्या गृह संकुलांमुळे शहराची पाण्याची गरज 637 दशलक्ष लिटरवर पोहोचली असताना प्रत्यक्षात केवळ 590 दशलक्ष लिटर पाणी उपलब्ध आहे. कपातीनंतर ही उपलब्धता सुमारे 531 दशलक्ष लिटरवर येण्याची शक्यता आहे. त्याचा सर्वाधिक फटका घोडबंदर रोड, वर्तकनगर, लोकमान्यनगर, कळवा, मुंब्रा आणि दिवा परिसराला बसत आहे.

ठाणे शहरातील काही भागांत कमी दाबाने किंवा अपुऱ्या वेळेत पाणी मिळत असल्याच्या तक्रारी आहेत. शहरात ऑक्टोबरपासूनच दररोज सरासरी 75 टँकरच्या फेऱ्या सुरू आहेत.

19, 20 नोव्हेंबर रोजी पाणी कपात

ठाण्यातील मुंब्रा, दिवा, कळवा प्रभागांतील काही भागांत गुरुवारी पाणी पुरवठा बंद राहणार आहे. एमआयडीसीच्या जांभूळ जलशुध्दीकरण केंद्र वेचून होणारा पाणीपुरवठा बंद ठेवण्यात नेणार असल्याने नागरिकांना पाणी टंचाईचा सामना करावा लागणार आहे. पाणीपुरवठा सुरू झाल्यानंतर पुढील एक ते दोन दिवस कमी दाबाने पाणी मिळणार असल्याचे ठाणे महापालिकेने स्पष्ट केले.

शासनाच्या निर्णयानुसार 10 टक्के पाणीकपात लागू करण्याचे ठरले आहे. त्यानुसार एमआयडीसीच्या जांभूळ जलशुद्धीकरण केंद्रातून गुरुवार, 19 नोव्हेंबर रोजी रात्री 12 वाजल्यापासून शुक्रवार, 20 नोव्हेंबर रोजी दुपारी 12 वाजेपर्यंत पाणीपुरवठा बंद राहणार आहे. या कालावधीत दिवा, मुंब्रा (प्रभाग क्रमांक 26 आणि 31 मधील काही भाग वगळता) आणि कळवा प्रभाग समित्यांच्या हवीतील सर्व भागांत पाणीपुरवठा पूर्णपणे बंद राहील.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES