बंगळुरू सामूहिक हत्याकांडात धक्कादायक ट्विस्ट; 7 जणांसोबत अजून 2 जणांच्या हत्येचा होता कट, त्या अल्पवयीन मुलीने...
बंगळुरूमधील एकाच कुटुंबातील 7 जणांची 19 दिवसात हत्या करण्यात आली. पोलिसांनी त्या नराधमाला अटक केली आहे. पण अजून दोन जणांना मारण्याचा त्याचा कट होता.
कर्नाटकातील बंगळुरूमधील श्रीरामपुरामधील सामूहिक हत्याकांडामुळे देश हादरला आहे. एका 52 वर्षीय नरामधमाने पत्नीसह सासू, दोन मेहुणे, त्यांच्या बायका आणि एका लहान मुलाची हत्या केली आहे. या नराधमाला पोलिसांनी अटक केली आहे. पण या प्रकरणात धक्कादायक ट्विस्ट समोर आलं आहे. त्याला अजून दोन जणांची हत्या करायची होती पण त्यापूर्वी त्याला अटक झाली. हा नराधम एक टॅक्सी चालक असून त्याचे नाव इंदुशेखर आहे.
न्यूज 18 कन्नडच्या वृत्तानुसार शेखरला या भयानक हत्याकांडात त्याला 17 वर्षीय अल्पवयीन मुलीने मदत केली आहे, असा आरोप पोलिसांच्या तपासात समोर आला आहे. पोलिसांच्या कथित जबाबानुसार या अल्पवयीन मुलीने इंदुशेखरला मृतदेह बाहेर नेणे, ते पिशव्यांमध्ये भरणे आणि रक्ताचे डाग साफ करण्यात मदत केल्याचा तपासातून समोर आला आहे. ही अल्पवयीन मुलगी इंदुशेखरची मुलगी आहे. तपासातून असं समोर आलंय की, इंदुशेखरने आपल्या मुलीवर सतत आईच्या माहेरीच्या लोकांबद्दल द्वेष भरला होता. त्यामुळे या मुलीनेही मानलं होतं की, आईच्या कुटुंबातील लोक हे आपले शत्रू आहेत. म्हणून या अल्पवयीन मुलीने आपल्या इंदुशेखरला हत्या करण्यासाठी मदत केली. बुधवारी जेव्हा इंदुशेखरला अटक झाली त्याच्यासोबत एक अल्पवयीन मुलगा सापडला होता. तो त्याचा आठवा बळी ठरला असता.
पोलिसांनी सांगितलं की, या हत्या 16 ऑक्टोबर ते 31 ऑक्टोबर 2026 दरम्यान झाल्या आहेत. या सात जणांमध्ये इंदुशेखरची पत्नी सुनीता, सासू रुपावती, मेहुणे शिवकुमार आणि शंकर, त्यांच्या पत्नी दिव्या आणि नलिनी, शिवकुमारचा सात वर्षांचा मुलगा पुनीत हे आहेत. धक्कादायक म्हणजे पुनीतचा मृतदेह सापडला आहे. पण इतर मृतदेह अजून सापडले नाहीत. इंदुशेखरने हे सर्व मृतदेह शव चिकबल्लापूर जिल्ह्यातील नंदी हिल्स आणि किनारपट्टीवरील कर्नाटकच्या चर्माडी घाट अशा विविध ठिकाणी फेकून दिले आहेत. त्यामुळे हे शोधण्यात पोलिसांसमोर मोठे आव्हान आहे.
त्याने एक एक व्यक्तीला आपल्या बसवेश्वर सर्कलजवळील एका निवासी भागात बोलावून त्यांची हत्या केली. पत्नीची हत्या पहिले केली. त्यानंतर सासूची हत्या केली. त्यानंतर पार्टीच्या बहाण्याने मेहुण्यांचा कुटुंबियांना घरी बोलावलं आणि त्यांची हत्या केली. इंदुशेखरने पोलिसांना दिलेल्या जबाबमध्ये सांगितलं की, त्याचे हत्याचे लक्ष्य पूर्ण झाल्यानंतर तो स्वत:चाही जीव देणार होता. धक्कादायक म्हणजे तो हत्या करताना घरातील टीव्हीचा आवाज मोठा ठेवायचा. जेणे करून पीडिताचे ओरडणे घराबाहेर कोणाला ऐकू येऊ नये.
हे हत्याकांड कौटुंबिक वादातून झाल्याचे बोलं जातंय. 20 वर्षांच्या संसारात इंदुशेखर आणि त्याची पत्नी सुनीतामध्ये वादविवाद व्हायचे. सुनीताचा कल जास्त करून माहेरी असायचा. ती वरच्यावर माहेरी जात होती. नवरा बायकोमध्ये 12 वर्षांचा फरक होता. त्यामुळे बायको इंदुशेखरला मुडुका म्हणजे म्हातारा असं म्हणायची. या रागातून इंदुशेखर याने या हत्या केल्या आहेत.
