6 सेकंदात मृत्यू! नववधू हॉटेलच्या खोलीत शिरताच खाली कोसळली अन् क्षणात..., वडिलांनी केले गंभीर आरोप

लग्नानंतर तीनच महिन्यात नवविवाहितेचा मृत्यू झाल्याचे समोर आले आहे. मयत तरुणीच्या वडिलांनी पती निलेशवर हत्येचा आरोप केला आहे. 24 ऑक्टोबरची ही घटना असल्याचे समोर आले आहे. मुस्कान सिमौलिया असं तरुणीचे नाव असून ती पतीसोबत एका हॉटेलच्या रूममध्ये थांबली होती. तेव्हा अचानक ती खाली कोसळली आणि तिचा मृत्यू झाला, असा दावा मुस्कानचा पती निलेशने केला आहे. पोलीस या प्रकरणाचा अधिक तपास करत असून मृतदेहाचे शवविच्छेदन करण्यात येणार असून आरोपीला ताब्यात घेण्यात आले आहे. तसंच, सीसीटीव्हीच्या आधारे या प्रकरणाचा तपास केला जात आहे.

सोशल मीडियावर 47 सेकंदाचा एक सीसीटीव्ही व्हिडिओ चांगलाच व्हायरल होत आहे. या व्हिडिओत तुम्ही पाहू शकता की, तीन लोक हॉटेलच्या गॅलरीतून खोलीत जात आहेत. त्यानंतर दोन लोक खोलीत जातात व त्याच्या मागे ती तरुणीदेखील आत जाते. त्याचवेळेला ती खोलीच्या दरवाजातच अचानक खाली कोसळते. त्यानंतर नवविवाहितेला तात्काळ रुग्णालयात दाखल करण्यात आले. मात्र डॉक्टरांनी तिला मृत घोषित केले.

नवविवाहित तरुणीचे वडील रामजी लाल अहिरवार यांनी तरुणीचा पती निलेशवर हत्येचा गंभीर आरोप केला आहे. तक्रारीत त्यांनी म्हटलंय की, त्यांच्या मुलीचे लग्न 29 जून रोजी झालं होतं. लग्नानंतर मुलीने सांगितले होते की, निलेशचे पहिलेच लग्न झाले होते. व त्याची पहिली पत्नी इंदौरला राहते. यावरुन निलेश आणि मुस्कानचे वाद व्हायचे. तो तिला सतत टोमणे मारायचा. वडिलांनी आरोप केला आहे की, निलेशने तिचे केस पकडून तिचं डोकं भिंतीवर आपटले. त्यानंतर तिच्या कपाळाला मार बसला आणि त्यातच तिचा मृत्यू झाला.

पोलिसांनी दिलेल्या माहितीनुसार, मुस्कानला रुग्णालयात दाखल केले तेव्हा तिचा मृत्यू झाला होता. पोलिसांनी मुस्कानच्या पतीची चौकशी केल्यानंतर त्याने म्हटलं की, ते दोघ ऋषभ हॉटेलमध्ये थांबले होते, सकाळी चेकआउट करताना अचानक त्याची पत्नी खाली कोसळली. पोलिसांनी सीसीटीव्ही फुटेज तपासत आहेत. तसंच, सध्या पोलिस पोस्टमार्टम रिपोर्टची वाट पाहत आहेत.  तसंच, वडिलांनी केलेल्या आरोपांवरुन पुढील तपास केला जात आहे.