SOCIAL MEDIA

Newsletter

PARTNER SITES
Select Language Select State

लग्नसराईच्या दिवसांत ग्राहकांना मोठा दिलासा, सोनं 65 हजारांनी स्वस्त, चांदीचे दरही घसरले, वाचा 24 कॅरेटचा दर

सोन्याच्या दरात आता मोठ्या प्रमाणात घसरण झाली आहे. आज सोन्याचे दर काय आहेत? वाचा सविस्तर

Written By Mansi Kshirsagar Edited By Mansi Kshirsagar
Published: Nov 19, 2026, 12:51 IST | Updated: Nov 19, 2026, 12:52 IST
Image Credit: Gold And Silver Prices Today Check Rates For Delhi Mumbai 65 thousand rupees cheaper
Join

सोन्या-चांदीच्या दरात मोठे उलटफेर झाले आहेत. बुधवारी मौल्यवान धातुच्या किंमतीत मोठी घसरण झाली होती. तर, आजदेखील ही घसरण कायम आहे. गुरुवारी 19 नोव्हेंबर रोजी मल्टी कमोडिटी एक्सचेंज म्हणजेच एमसीएक्सवर दोन्ही मौल्यवान धातुच्यां किमती घसरल्या आहेत. या दरम्यान, चांदीच्या तुलनेत सोन्याच्या दरात अधिक घसरण नोंदवली गेली आहे. सोनं 1.28 लाख प्रति तोळावर स्थिरावले आहे. या घसरणीनंतर सोनं उच्चांकीनंतर तब्बल 65 हजारांनी स्वस्त झालं आहे.

एमसीएक्सवर गुरुवारी वायदा बाजार सुरू होताच  10 ग्रॅम 24 कॅरेट सोन्याचा दर 1,28,310 रुपयांवर पोहोचला आहे. तर, गुरुवारी सोन्याचा दर घसरून 1,29,814 रुपये प्रतितोळा वर स्थिरावला होता. या हिशोबाने बाजार सुरू होताच सोन्याचे दर 1504 रुपये प्रति 10 ग्रॅमने स्वस्त झाले आहेत.

गुरुवारी सकाळच्या सत्रात एमसीएक्स सोन्याच्या दरात झालेल्या या घसरणीनंतर, 24-कॅरेट सोन्याचे वायदे त्याच्या आतापर्यंतच्या उच्चांकापेक्षाही स्वस्त झाले आहेत. वास्तविक पाहता, यावर्षी 29 जानेवारी रोजी सोन्याचा भाव 1.93 लाख रुपयांच्या उच्चांकापर्यंत झपाट्याने वाढला होता आणि आता, सध्याच्या किमतीच्या तुलनेत एक मोठी घसरण दिसून येत आहे. सोने त्याच्या उच्चांकापेक्षा 65,000 रुपयांनी स्वस्त झाले आहे.

सोन्याच्या दरात सुरू असलेल्या घसरणीच्या पार्श्वभूमीवर, चांदीच्या दराने गुंतवणूकदारांना आश्चर्यचकित केले आहे आणि ज्यांनी जास्त दरात खरेदी केली होती त्यांना मोठा फटका बसला आहे. गुरुवारी, 4 डिसेंबर रोजी मुदत संपणाऱ्या 1 किलो चांदीचा भाव 1,50,321  रुपयांपर्यंत घसरला. इतर उच्चांकांच्या तुलनेत, चांदीचा भाव आता 4,20,048 रुपयांच्या आतापर्यंतच्या उच्चांकावरून घसरून 2,60,727 रुपये प्रति किलो झाला आहे.

सोन्याचा दर

1 ग्रॅम- 24 कॅरेट    22 कॅरेट     18   कॅरेट
1 ग्रॅम    13,069     11,980      9,802
8 ग्रॅम    1,04,552   95,840      78,416
10 ग्रॅम   1,30,690   1,19,800     98,020
100 ग्रॅम  13,06,900   11,98,000   9,80,200

बुधवारी चांदीसोबतच सोन्याच्या दरातही मोठी घसरण झाली आणि ही घसरण एमसीएक्स फ्युचर्स ट्रेडिंगपासून ते दिल्लीच्या सराफा बाजारांपर्यंत दिसून आली. आयबीजेएच्या वेबसाइटनुसार, 24-कॅरेट सोन्याचा भाव 3,000 रुपयांनी घसरून प्रति 10 ग्रॅम 1,31,505 रुपये झाला. दरम्यान, 22 कॅरेट सोन्याचा भाव सुमारे 2,900 रुपयांनी घसरून 1,20,459 रुपये झाला. 18-कॅरेट सोन्याचा भाव प्रति 10 ग्रॅम 98,629 रुपये होता.

या महिन्यात चांदी घसरली

चांदीच्या वाढत्या किंमतीचा फुगा नोव्हेंबरमध्येही फुटला आहे. गेल्या महिन्याच्या शेवटच्या ट्रेडिंग दिवशी, 30 ऑक्टोबर रोजी, एमसीएक्सवरील चांदीचा वायदा भाव ₹179,132 प्रति किलोवर स्थिरावला होता. तर  गुरुवार, 19 नोव्हेंबर रोजीचा चांदीचा भाव पाहता, हा ₹19,811 प्रति किलोवर स्थिरावला आहे.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES