- झी न्यूज मराठी
- /फोटो
- /रोहित शर्माच्या फॅन्ससाठी आनंदाची बातमी, 'या' स्पर्धेतही खेळणार हिटमॅन, विराटचही करणार पुनरागमन?
रोहित शर्माच्या फॅन्ससाठी आनंदाची बातमी, 'या' स्पर्धेतही खेळणार हिटमॅन, विराटचही करणार पुनरागमन?
Reported Bypooja pawar
Published: Nov 01, 2026, 11:46 AM IST|Updated: Nov 01, 2026, 11:57 AM IST
Rohit Sharma Vijay Hajare Trophy : भारताचा माजी कर्णधार आणि स्टार फलंदाज रोहित शर्मा हा पुन्हा एकदा विजय हजारे ट्रॉफीच्या मैदानात उतरू शकतो. मिळालेल्या माहितीनुसार रोहित शर्माने डिसेंबर महिन्यात होणाऱ्या विजय हजारे ट्रॉफी स्पर्धेसाठी तो उपलब्ध असेल असं मुंबई क्रिकेट असोसिएशनला सांगितल्याची माहिती सूत्रांनी दिली आहे. त्यामुळे रोहित शर्मा हा पुन्हा देशांतर्गत क्रिकेट स्पर्धेत खेळताना दिसणार आहे.
1/6रोहित शर्मा
रिपोर्ट्सनुसार रोहित शर्मा हा श्रीलंकेविरुद्ध भारताच्या भूमीवर मैदानावर होणाऱ्या तीन वनडे सामन्यांच्या सीरिजसाठी टीम इंडियाचा भाग आहे. ही सीरिज 13 ते 19 डिसेंबर दरम्यान खेळवली जाईल. याचे सामने दिल्ली, बेंगळुरू आणि अहमदाबाद येथे आयोजित केले जातील.
2/6भारत विरुद्ध श्रीलंका
भारत विरुद्ध श्रीलंका यांच्यात पहिला सामना हा विजय हजारे ट्रॉफी सुरु होण्याच्या एक दिवस आधी खेळवला जाणार आहे. एमसीएच्या एका सूत्राने सांगितलं की रोहित शर्माने सूचित केलं आहे की तो विजय हजारे ट्रॉफीमध्ये मुंबईसाठी खेळेल.
3/6रोहितने वेळ मागितला :
श्रीलंकेविरुद्धच्या तीन सामन्यांच्या वनडे सीरिजसाठी आपली उपलब्धता विचारात घेण्याकरता रोहितने वेळ मागितला आहे. स्पर्धेतील किती सामन्यांत तो खेळणार आहे, याबद्दलची माहिती रोहित नंतर देईल असं सांगण्यात येतंय.
4/6विजय हजारे ट्रॉफी
रोहित शर्माने मागच्या विजय हजारे ट्रॉफी सीजनमध्ये सुद्धा 2 सामने खेळले होते. रोहितने सिक्किम विरुद्ध 94 बॉलमध्ये कामगिरी करून 155 धावा केल्या तर दुसरीकडे, उत्तराखंडविरुद्ध तो पहिल्याच बॉलवर बाद झाला.
5/6विराट कोहली सुद्धा विजय हजारे ट्रॉफी खेळणार?
रोहितच्या या निर्णयामुळे आता विराट कोहली सुद्धा विजय हजारे ट्रॉफी खेळणार का? याकडे सर्वांचं लक्ष आहे. मागच्या सीजनमध्ये हंगामात कोहलीने दोन सामन्यांत 131 आणि 77 धावांच्या खेळी केल्या होत्या.
6/6विराट कोहली आणि रोहित शर्मा न्यूझीलंड दौऱ्यावर
सध्या विराट कोहली आणि रोहित शर्मा हे दोघे न्यूझीलंड दौऱ्यावर भारताच्या वनडे संघाचा भाग आहेत. मागच्या वनडे सीरिजमध्ये इंग्लंड विरुद्ध विराट कोहली आणि रोहित शर्माने उत्तम कामगिरी केली होती आता त्यांच्या आगामी सीजनमधील कामगिरीकडे सर्वांचं लक्ष असणार आहे.ट्रेंडिंग
- न्यूज़
- फोटो
- व्हिडीओ
)