हिंदू पंचांगानुसार, देवउठनी एकादशीचा उपवास कार्तिक महिन्याच्या शुक्ल पक्षाच्या एकादशीला केला जातो. एकादशींमध्ये ही एकादशी विशेष आहे, कारण याच दिवशी भगवान विष्णू आपल्या चार महिन्यांच्या योगिक निद्रेतून जागे होतात आणि चातुर्मासाचा शेवट होतो. या एकादशीला प्रबोधिनी एकादशी, देवोत्थान एकादशी, हरी प्रबोधिनी एकादशी आणि भागवत एकादशी या नावानेही ओळखली जाते. यंदा एकादशीचा उपवास कधी करायचा याबद्दल संभ्रम आहे.
द्रिक पंचांगानुसार, कार्तिक महिन्याच्या शुक्ल पक्षातील एकादशी 20 नोव्हेंबर रोजी सकाळी 7:15 वाजेपासून 21 नोव्हेंबर रोजी सकाळी 6:31 वाजेपर्यंत असणार आहे.
ज्येष्ठ पंचागकर्ते दा.कृ.सोमण यांनी याबद्दल सांगितलं आहे. ते म्हणाले की, या वर्षी कार्तिक प्रबोधिनी एकादशीचा उपवास कधी करायचा हा प्रश्न विचारला जातोय. यावर्षी कार्तिक शुक्ल एकादशी क्षय तिथी आहे. म्हणजे ही तिथी कोणत्याही दिवशी सूर्योदयाला नाही. त्यामुळे नियमाप्रमाणे शैव म्हणजे शंकराच्या उपासकांनी स्मार्त प्रबोधिनी एकादशीला शुक्रवार 20 नोव्हेंबर रोजी उपवास करावयाचा आहे. तर वैष्णव म्हणजे विष्णू भक्तांनी म्हणजेच वारकरी उपासकांनी शनिवारी 21 नोव्हेंबर रोजी उपवास करावयाचा आहे. त्याच दिवशी पंढरपूर यात्रा आहे. तर तुळशी विवाह शनिवार 21 नोव्हेंबर पासून मंगळवार 24 नोव्हेंबर पर्यंत करावयाचे आहेत.
देवउठानी एकादशी व्रताला या मंत्राचा जप करा
ओम अं वासुदेवाय नम:
ॐ
अंकर्षनाय नम: ॐ अं प्रद्युम्नाय नम:
ॐ अनिरुद्धाय नम:
ॐ नरायनाय नम:
ॐ नमो भागवाते वासुदेवाय
ॐ ओम विष्णवे नम:
ॐ विष्णवे नम:
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)