18 वर्षीय क्रिकेटपटूचे अचानक निधन; क्रिकेटविश्वात शोककळा
क्रिकेट विश्वाला मोठा धक्का बसला, 18 वर्षीय क्रिकेटपटूचे निधन झाल्याची माहिती समोर आली आहे, बोर्डाने ही माहिती सोशल मिडियावर शेअर केली आहे.
क्रिकेट विश्वामध्ये शोककळा पसरली आहे, बांगलादेशचा उदयोन्मुख युवा क्रिकेटपटू मेहदी हसन हृदोय याचे वयाच्या 18व्या वर्षी निधन झाले आहे. बांग्लादेश क्रिकेट बोर्डाने त्यांच्या सोशल मिडियावर पोस्ट शेअर करुन ही माहिती दिली आहे. मेहदी हसन हृदोय हा अंडर 18 च्या बांग्लादेश संघाकडून खेळला होता, मेहदी हसन हृदोय याला ल्युकेमियाने ग्रस्त होता आणि त्याच्यावर उपचार सुरू होते. 24 ऑक्टोबर रोजी राजधानी ढाका येथे त्याचे निधन झाले. बांग्लादेशचा हा युवा खेळाडू मेहदी हसन हृदोय याच्या निधनानंतर क्रिकेट जगताला धक्का बसला आहे.
बांग्लादेश क्रिकेट बोर्डाने सोशल मिडियावर एक पोस्ट शेअर केली आहे यामध्ये त्यांनी मेहदी हसन हृदोय याच्या निधनाची माहिती दिली आहे. बांगलादेश क्रिकेट बोर्डाने सोशल मिडियावर हृदोयच्या निधनाबद्दल पोस्ट शेअर करुन शोक व्यक्त केला आहे. आपल्या सोशल मीडिया हँडलवर एक पोस्ट शेअर करत बीसीबीने लिहिले, "हृदोयने चट्टोग्राम डिव्हिजनच्या 18 वर्षांखालील संघाचे प्रतिनिधित्व केले होते आणि एक उज्ज्वल भविष्य असलेला आश्वासक डावखुरा वेगवान गोलंदाज म्हणून त्याच्याकडे पाहिले जात होते. या कठीण काळात बीसीबी हृदोयच्या कुटुंबियांना आणि प्रियजनांना आपल्या मनःपूर्वक संवेदना व्यक्त करते. देव त्याच्या आत्म्याला शांती देवो आणि या दुःखाच्या काळात त्याच्या कुटुंबियांना शक्ती व धैर्य देवो."
हे ही वाचा
एमएस धोनी आयपीएल 2027 खेळणार की नाही? THALA ने स्वतः सांगितले! म्हणाला 'तुम्हाला खात्री'
बांगलादेशी प्रसारमाध्यमांच्या वृत्तांनी दिलेल्या माहितीनुसार, ढाका येथे बांग्लादेशचा खेळाडू ह्रदॉय याला उपचारासाठी नेण्यात आले होते. यावेळी त्याला रुग्णवाहिकेमध्ये नेत असतानाशनिवारी मेहदी हसन हृदोय यांचे निधन झाले, ही माहिती बोर्डाने शेअर केली आहे. मेहदी हसन हृदोय याच्या वैद्यकीय खर्चासाठी बांग्लादेश क्रिकेट बोर्डाने वैद्यकीय खर्चासाठी आर्थिक मदत देखील केली आहे. 2 जुलै रोजी, युवा आणि क्रीडा राज्यमंत्री अमीनुल हक यांनी बीसीबी कार्यालयात हृदोय यांचे वडील अबुल कासेम यांना 5,00,000 टकांचा धनादेश सुपूर्द केला.
5 जुलै रोजी बांग्लादेश सरकारने देखील मदत केली होती, युवा आणि क्रिडा मंत्रालयाने हृदोयच्या वैद्यकीय खर्चासाठी त्यांच्या कुटुंबाला आर्थिक मदत केली होती. खेळाडूच्या कुटुंबाला 5,00,000 टाकांची स्वतंत्र रक्कमही दिली. हृदोयच्या मृत्यूमुळे त्याचे कुटुंब, नातेवाईक आणि बांगलादेश क्रिकेट समुदायात धक्का बसला आहे.
