6,6,6,6,6,6,6,6,6,6,6,6,6....; फलंदाजांचा कहर! ठोकले तब्बल 27 षटकार आणि 14 चौकार, 36 चेंडूत कुटल्या 135 धावा, ऑस्ट्रेलियाचा धुमाकूळ

ऑस्ट्रेलियाने हाँगकाँगविरोधातील सामन्यात धावांचा अक्षरश: पाऊस पाडला. ऑस्ट्रेलियाने फक्त सहा ओव्हर्समध्ये तब्बल 135 धावा ठोकल्या. कर्णधार मॅक्स ब्रायंटने अवघ्या 13 चेंडूंत 56 धावा कुटल्या. प्रत्युत्तरात, हाँगकाँगचा संघ केवळ 107 धावाच करू शकला. स्ट्रेलियाने हाँगकाँगचा 28 धावांनी पराभव केला. 'हाँगकाँग सिक्स 2026' स्पर्धेला आज सुरुवात झाली आहे.

हा या स्पर्धेतील पहिलाच सामना होता. कर्णधार मॅक्स ब्रायंटसोबत निक हॉब्सनने 12 चेंडूंत 40 धावा केल्या, तर ख्रिस ग्रीननेही आक्रमक फलंदाजी करत 10 चेंडूंत 36 धावांची खेळी केली. ऑस्ट्रेलियाच्या डावात चौकारांपेक्षा षटकारांची संख्या अधिक होती. ऑस्ट्रेलियाच्या फलंदाजांनी एकूण 18 षटकार आणि 5 चौकार लगावले.

यजमान हाँगकाँगला सुरुवातीलाच धक्के बसले आणि पहिल्या सात चेंडूंतच त्यांनी दोन विकेट्स गमावल्या. कर्णधार यतीम मुर्तझा याने 13 चेंडूंत 32 धावा केल्या, तर नसरुल्ला राणाने 10 चेंडूंत 30 धावांचे योगदान दिले. या आक्रमक खेळीनंतरही, हाँगकाँगचा संघ 107 धावांपर्यंतच मजल मारू शकला.

27 षटकार, 14 चौकार

हाँगकाँग सिक्स स्पर्धेत एका डावात केवळ सहा ओव्हर्स असतात. या सामन्यांत ऑस्ट्रेलिया आणि हाँगकाँगच्या फलंदाजांनी मिळून 27 षटकार आणि 14 चौकार लगावले. विशेष म्हणजे, या स्पर्धेच्या नियमांनुसार, एखादा फलंदाज 50 धावा पूर्ण करतो, तेव्हा त्याला 'रिटायर आऊट' व्हावे लागते. म्हणजेच 50 धावा पूर्ण केल्यानंतर तो पुढे फलंदाजी करू शकत नाही.

हाँगकाँगच्या गोलंदाजांचा ऑस्ट्रेलियाच्या फलंदाजांनी घाम काढला. बाबर हयातने एका षटकात 29 धावा दिल्या, तर एजाज खानने आपल्या षटकात 27 धावा दिल्या. त्याचप्रमाणे, एहसान खानने 6 चेंडूंमध्ये 24 धावा दिल्या. याउलट, कर्णधार यासिम मुर्तझाने अचूक गोलंदाजी करत आपल्या षटकात केवळ 10 धावा दिल्या.

1 नोव्हेंबरपर्यंत चालणार स्पर्धा

ही स्पर्धा आज, 30 ऑक्टोबरपासून सुरू होत असून 1 नोव्हेंबरपर्यंत चालणार आहे. भारताला पाकिस्तान आणि संयुक्त अरब अमिराती (UAE) सोबत 'ग्रुप सी'मध्ये ठेवण्यात आले आहे. भारतीय संघ आज आपला पहिला सामना पाकिस्तानविरुद्ध खेळणार आहे. या स्पर्धेत एकूण 12 संघ सहभागी झाले आहेत.