नमन धीरच्या कॅचवरुन वाद! केएल राहुल थेट अंपायरशी भिडला, नक्की झाले काय?
भारत विरुद्ध न्यूझीलंड या सामन्यादरम्यानचा एक व्हिडिओ व्हायरल होत आहे यामध्ये नमन धीरच्या कॅचवरुन वाद झाल्याचे पाहायला मिळत आहे नक्की झाले काय? यासंदर्भात सविस्तर वाचा.
भारत विरुद्ध न्यूझीलंड यांच्यामध्ये झालेल्या एकदिवसीय मालिकेच्या दुसऱ्या सामन्यामध्ये टीम इंडियाने डीएसएस मेथडने पहिल्या दोन सामन्यामध्ये विजय मिळवला आहे. आजच्या या सामन्यामध्ये भारताच्या संघाने विजय मिळवून मालिकेमध्ये 2-0 अशी आघाडी घेतली आहे. या सामन्यामध्ये भारताच्या संघाने तर विजय मिळवला पण त्यानंतर सध्या सोशल मिडियावर एक नवा वाद पाहायला मिळत आहे यामध्ये नमन धीर सोबत अन्याय झाल्याचे सर्वांना वाटत आहे. सीमारेषेवर घेतलेल्या या कॅचची चर्चा सोशल मिडियावर मोठ्या प्रमाणात सुरु आहे नक्की झाले काय यासंदर्भात सविस्तर वाचा.
नेमकं झाल काय?
भारत विरुद्ध न्यूझीलंड यांच्यामध्ये सुरु असलेल्या एकदिवसीय मालिकेच्या दुसऱ्या सामन्यात ही घटना 25 व्या ओव्हरमध्ये घडली. या षटकाच्या चौथ्या चेंडूवर नमन धीरने जेकब डफीच्या गोलंदाजीवर फटका मारला. चेंडू थेट सीमारेषेच्या बाहेर गेला. सीमारेषेवर उभे असलेल्या टीम सायफर्टने अप्रतिम झेल घेतला. मात्र, असे दिसले की सायफर्टचा पाय सीमारेषेच्या दोरीला लागला होता. मैदानातील पंचांनी तिसऱ्या पंचांची मदत घेतली, ज्यानंतर नमनला बाद घोषित करण्यात आले. नमन बाद झाल्यानंतर विवेक राजदान यांनी प्रश्न उपस्थित केले. राजदान म्हणाले की, जर चेंडू थेट सीमारेषेच्या दोरीला लागला असता, तर तो नाबाद ठरला असता. नमनची विकेट वैध होती की नाही, यावर चर्चा तीव्र झाली आहे.
अंपायरने नमन धीरला बाद केल्यानंतर केएल राहुल या निर्णयावर असमाधानी दिसला. तो मैदानातील पंचांकडे गेला आणि त्यांच्याशी बराच वेळ चर्चा केली. त्याने रिप्लेमधील वेगवेगळ्या कॅमेरा अँगलवरही आपली चिंता व्यक्त केली. तथापि, व्हिडिओचे पुनरावलोकन केल्यानंतर, तिसऱ्या पंचांनी झेल कायम ठेवला आणि नमन धीरला बाद घोषित केले. त्यानंतर भारतीय संघाने आपले आंदोलन मागे घेतले आणि खेळ सुरू ठेवला. या निर्णयावर सोशल मीडियावर प्रचंड संताप व्यक्त झाला. अनेक चाहत्यांनी तिसऱ्या पंचांच्या निर्णयावर प्रश्नचिन्ह उपस्थित केले.
हे ही वाचा
'जर आम्ही हरलो असतो तर...' सामन्यानंतर शुभमन गिलने केला मोठा खुलासा!
भारत विरुद्ध न्यूझीलंड यांच्यामध्ये एकदिवसीय मालिकेचा तिसरा सामना हा 10 नोव्हेंबर रोजी खेळवला जाणार आहे. हा सामना दोन्ही संघासाठी महत्त्वाचा असणार आहे, टीम इंडियाला या सामन्यामध्ये अभेद्य आघाडी घेण्याची संधी असणार आहे तर या या मालिकेमध्ये टिकून राहण्यासाठी न्यूझीलंडच्या संघाला तिसरा सामना जिंकणे अनिवार्य असणार आहे त्यामुळे आता तिसऱ्या सामन्यावर सर्वांची नजर असणार आहे.
