भारत विरुद्ध न्यूझीलंड दुसऱ्या वनडेत पाऊस खेळ बिघडवणार? काय आहे हवामानाचा अंदाज?
IND VS NZ 2nd ODI : भारत विरुद्ध न्यूझीलंड सीरिजमधील दुसरा वनडे सामना हा वेलिंगटनच्या हेनरी स्टेडियमवर खेळवला जाणार आहे. तेव्हा दुसऱ्या सामन्यात हवामान कसं असेल आणि पावसाची शक्यता आहे का? याविषयी माहिती जाणून घेऊयात.
IND VS NZ 2nd ODI : भारत विरुद्ध न्यूझीलंड यांच्यात पाच सामन्यांची वनडे सीरिज खेळवली जात असून यातील दुसरा सामना हा 7 नोव्हेंबर रोजी होणार आहे. पहिल्या सामन्यात भारताने 5 विकेटने विजय मिळवलेला होता. आता दुसरा वनडे सामना हा वेलिंगटनच्या हेनरी स्टेडियमवर खेळवला जाणार आहे. दुसऱ्या सामन्यावर सुद्धा पावसाचं सावट आहे, तेव्हा शनिवारी होणाऱ्या भारत - न्यूझीलंड सामन्याबाबत हवामानाचा अंदाज कसा आहे याविषयी जाणून घेऊयात.
वनडे सीरिजमध्ये टीम इंडिया सध्या 1-0 च्या आघाडीने पुढे आहे. ऑकलँडमध्ये खेळवण्यात आलेल्या पहिल्या वनडे सामन्यात पावसामुळे सामना उशिरा सुरु झाला. DLS पद्धतीच्यानुसार टीम इंडियाला 143 सामन्यांचं लक्ष देण्यात आलं होतं. ज्याला भारताने 22.4 ओव्हरमध्ये 5 विकेटने आघाडी घेऊन जिंकलं होतं.
कसं असणार हवामान?
भारत विरुद्ध न्यूझीलंड दुसऱ्या वनडे सामन्यावर पावसाचं सावट असून शुक्रवारी वेलिंगटनमध्ये पावसामुळे न्यूझीलंड संघाला त्यांचा सराव हा चार भिंतीच्या मध्ये करावा लागला. तर टीम इंडियाचं सराव सत्र हे पावसामुळे रद्द करण्यात आलं आणि खेळाडू हे हॉटेलमध्येच थांबले. एक्यूवेदरनुसार शनिवारी वेलिंगटनमध्ये 60 टक्के पावसाची शक्यता आहे. न्यूझीलंडच्या वेळेनुसार दुपारी 3 वाजता सामना सुरू होणार आहे. त्या वेळीही पावसाची 60 टक्के शक्यता आहे. स्थानिक वेळेनुसार, संध्याकाळी 5 ते 7 या दरम्यान पावसाची शक्यता सर्वात कमी आहे. मात्र या काळातही हलक्या पावसामुळे खेळात व्यत्यय येऊ शकतो. फक्त पाऊसच नाही तर वेलिंग्टनमध्ये केवळ पाऊसच पडेल असे नाही, तर तिथे थंडी आणि 25 किमी/तास वेगाचे जोरदार वारेही वाहू शकतात. सामना रद्द होण्याची शक्यताही नाकारता येणार नाही.
हेही वाचा : IND vs NZ: संपूर्ण सीरिजमधून बाहेर पडला स्टार फलंदाज, प्रॅक्टिस दरम्यान झालेली दुखापत, संघाचं टेन्शन वाढलं
वेलिंगटन कसा आहे हेड टू हेड रिकॉर्ड :
वेलिंगटन हेनरी स्टेडियममध्ये भारत आणि न्यूझीलंड यांच्यात 4 वनडे सामने खेळवले गेलेत. सामन्यांपैकी दोन वेळा भारतीय संघ विजयी ठरला आहे. तर एकदा न्यूझीलंडने विजय मिळवला आहे आणि एक सामना अनिर्णित राहिला आहे. या मैदानावर त्यांच्यातील शेवटची लढत 2019 मध्ये झाली होती, ज्यामध्ये भारतीय संघ 252 धावांत बाद झाला होता. मात्र भारतीय गोलंदाजांनी दमदार पुनरागमन करत न्यूझीलंडला 217 धावांत गुंडाळले आणि आपल्या संघासाठी 35 धावांनी विजय मिळवून दिला.
