भारत-बांग्लादेश तणाव संपला, 6 सामन्यांची मालिका होणार? दौऱ्याला ग्रीन सिग्नल

मागील काही काळापासून भारत आणि बांग्लादेश यांच्यामध्ये तणावाचे वातावरण पाहायला मिळाले आहे. त्यामुळे मागील काही काळापासून टीम इंडियाने बांग्लादेश दौरा केला नाही आणि तर बांग्लादेशने देखील भारतामध्ये मालिका किंवा सामने खेळण्यास नकार दिला आहे. 2026 मध्ये झालेल्या टी20 विश्वचषकामध्ये बांग्लादेशच्या संघाने बहिष्कार टाकला होता, कारण त्याचे आयोजन हे भारतामध्ये करण्यात आले होते. त्यावेळी बीसीसीआय आणि बीसीबी यांच्यामध्ये तणाव आणखीनच वाढला होता. आता यावर बांग्लादेशच्या एका मुख्य अधिकाऱ्याने यासंदर्भात मोठी अपडेट दिली आहे यासंदर्भात सविस्तर वाचा.

मागील काही काळापासून भारत विरुद्ध बांग्लादेश यांच्यामध्ये होणाऱ्या मालिका सातत्याने रद्द करण्यात आल्या होत्या. आता नवीन वर्षामध्ये भारताचा संघ हा बांग्लादेश दौरा करण्याची शक्यता वर्तवली जात आहे. बांगलादेश क्रिकेट बोर्ड (BCB) आणि भारतीय क्रिकेट नियामक मंडळ (BCCI) यांनी अद्याप याला अधिकृतपणे दुजोरा दिलेला नसला तरी, इंडिया टुडेच्या वृत्तानुसार दोन्ही मंडळांमधील चर्चा अंतिम टप्प्यात आहे. भारतीय संघ आपल्या बांगलादेश दौऱ्यात तीन एकदिवसीय आणि तेवढेच टी20 सामने खेळू शकतो. 

हे ही वाचा

भारताचा ऐतिहासिक विजय! आशियाई चॅम्पियन्स ट्रॉफीवर सहाव्यांदा कोरलं नाव

बांग्लादेशमध्ये हिंदूंवर झालेल्या अत्याचारांनंतर बांग्लादेशचा वेगवान गोलंदाज मुस्तफिजुर रहमानला आयपीएल 2026 मधून बाहेर केले होते. त्यानंतर दोन्ही देशामध्ये तणाव जास्त वाढला होता, त्यानंतर दोन्ही देशांमधील क्रिकेट संबंध बिघडले होते. परिस्थिती इतकी बिघडली होती की बांगलादेशने भारतात आयोजित टी20 विश्वचषकावर बहिष्कार टाकला होता. आता बांग्लादेशमध्ये नवीन सरकार आले आहे त्यानंतर भारत आणि बांग्लादेशमध्ये संबंध पुन्हा नव्याने सुधारत आहेत. 

सूत्रांनी दिलेल्या माहितीनुसार, बांगलादेश दौऱ्यासाठी जागा निर्माण करण्याकरिता झिम्बाब्वेविरुद्धची तीन एकदिवसीय सामन्यांची मालिका पुढे ढकलली जाऊ शकते, मात्र याबाबत अद्याप कोणताही अधिकृत निर्णय झालेला नाही. नवीन वेळापत्रकात ऑस्ट्रेलिया मालिकेच्या तयारीचाही विचार करावा लागेल, कारण 21 जानेवारीपासून सामने सुरू होण्यापूर्वी संघाला कसोटी मालिकेची तयारी सुरू करणे आवश्यक आहे. टीम इंडियाने शेवटचा बांग्लादेश दौरा 2022 मध्ये केला होता. जिथे तीन एकदिवसीय आणि दोन कसोटी सामने खेळले गेले होते. जर भारतीय संघाने जानेवारी 2027 मध्ये बांगलादेश दौरा केला, तर चार वर्षांहून अधिक काळानंतर द्विपक्षीय क्रिकेटसाठी भारताने केलेला हा पहिलाच दौरा असेल.