अर्जुन राजपूतचं शतक व्यर्थ, पाकिस्तानविरुद्ध टीम इंडियाचा 3 विकेट्सने पराभव
भारत विरुद्ध पाकिस्तान अंडर 19 आशिया कपमध्ये पाकिस्तानच्या संघाने भारताला 3 विकेट्सने पराभूत केले आहे आणि यासह आता संघाने सेमीफायनलमध्ये देखील प्रवेश केला आहे.
भारत विरुद्ध पाकिस्तान अंडर 19 आशिया कपमध्ये दोन्ही संघ एकमेकांसमोर आले होते. या सामन्यामध्ये भारताच्या संघाला पराभवाचा सामना करावा लागला आहे, या सामन्यामध्ये टीम इंडियाच्या कमकुवत फलंदाजीमुळे टीम इंडियाचा कर्णधाराने नाणेफेक जिंकून फलंदाजी करण्याचा निर्णय घेतला आणि तो निर्णय टीम इंडियाला चांगलाच महागात पडला. भारताच्या संघाने या सामन्यामध्ये फलंदाजी करत पहिल्या डावामध्ये फक्त 208 धावा केल्या. हे लक्ष्य पाकिस्तानच्या संघाने पार केले आणि विजय मिळवला. या सामन्यामध्ये पाकिस्तानच्या संघाने टीम इंडियाला 3 विकेट्सने पराभूत केले आहे. या सामन्यामध्ये दोन्ही संघाची कामगिरी कशी राहिली यासंदर्भात सविस्तर वाचा.
भारत विरुद्ध पाकिस्तान या सामन्याबद्दल सांगायचे झाले तर भारताचा अंडर 19 संघाचा कर्णधार लक्ष्य रायचंदानी याने नाणेफेक जिंकून पहिले फलंदाजी करण्याचा निर्णय घेतला होता. अर्जुन राजपूतने 85 चेंडूंमध्ये 107 धावा करून संघासाठी सर्वाधिक धावा केल्या. त्याव्यतिरिक्त, इतर कोणत्याही फलंदाजाने लक्षणीय प्रभाव पाडला नाही. भारताचा कर्णधार दुसऱ्याच चेंडूवर बाद झाला आणि त्यानंतर टीम इंडियावर प्रभाव पाकिस्तानच्या गोलंदाजांनी पाडला. वीरेंद्र सेहवागचा मुलगा आर्यवीर सेहवागने काही वेळासाठी खेळी सांभाळली पण तो मोठी खेळी खेळण्यात अपयशी ठरला. त्याने 22 धावा केल्या आणि विकेट गमावली.
हे ही वाचा
आशिया कपसाठी भारतीय संघात मोठा फेरबदल... रजत पाटीदार बाहेर, 'या' अनुभवी खेळाडूला मिळाले संघात स्थान
तिसऱ्या क्रमांकावर फलंदाजीला आलेला व्ही. के. विनीतही अवघ्या 8 धावांवर बाद झाला. चौथ्या क्रमांकावर आलेल्या यशवर्धन चौहानला केवळ 1 धाव करता आली. भारताने अवघ्या 22 धावांत तीन गडी गमावले. चौहानची विकेट पडल्यानंतर अर्जुन राजपूत फलंदाजीसाठी आला. भारतीय फलंदाज दबावाखाली असताना, अर्जुन राजपूतने पहिल्याच चेंडूपासून पाकिस्तानी गोलंदाजांवर दबाव टाकायला सुरुवात केली. अर्जुनने अन्वय द्रविडसोबत पाचव्या विकेटसाठी ४४ धावा जोडल्या, ज्यात अन्वयचे योगदान केवळ १० धावांचे होते. त्यानंतर राजपूतने मनाल चौहानसोबत सहाव्या विकेटसाठी 55 चेंडूंमध्ये 64 धावांची भागीदारी केली. त्या 64 धावांपैकी 50 धावा अर्जुनने केल्या. त्याने ८० चेंडूंमध्ये आपले शतक पूर्ण केले.
पाकिस्तानच्या संघासाठीहमजा झहूरने कमालीची खेळी खेळली आणि हमजाने पाकिस्तानला विजय मिळवून दिला. त्याने हसनेन अब्बाससोबत (67 चेंडूंत 38 धावा, दोन चौकार) सहाव्या विकेटसाठी 107 धावांची भागीदारी केली. ही भागीदारी ३८ व्या षटकात संपुष्टात आली. हमजाने १०८ चेंडूंचा सामना करत १० चौकार आणि तीन षटकारांसह नाबाद १०० धावा केल्या.