IND VS NZ ODI : भारत विरुद्ध न्यूझीलंड यांच्यात पाच सामन्यांची वनडे सीरिज खेळवली गेली. रविवार 15 नोव्हेंबर रोजी या वनडे सीरिजमधील पाचवा सामना हा भारताने जिंकला आणि सीरिज 3-1 ने आघाडी घेत जिंकली. त्यानंतर आता सोशल मीडियावर एक व्हिडीओ व्हायरल होत आहे. जेव्हा सुरक्षा तोडून एक फॅन मैदानावर पोहोचला. या फॅनच्या हातात भारताचा झेंडा होता. मात्र हा फॅन कोणत्याही खेळाडूच्या जवळ पोहोचेल तेवढ्यात सुरक्षा रक्षकांनी त्याला पकडलं. या झटापटीदरम्यान फॅनच्या हातातील तिरंगा हा जमिनीवर पडला. सुरक्षा रक्षकाने तिरंगा आपल्या हाताने तो खेचला. याच दरम्यान तिरंगा हा जमिनीवर पडलेला पाहून मोहम्मद सिराजचे त्याच्याकडे लक्ष गेले आणि तो त्या दिशेने धावला आणि त्याने तिरंगा लेगचच उचलला.
नेमकं काय घडलं?
जमिनीवर पडलेला तिरंगा पाहून मोहम्मद सिराज तडक इथे धावत गेला. सिराजने जमिनीवरील तिरंगा लगेचच उचलला आणि मैदानाबाहेर नेण्यासाठी आपल्या एका सहकाऱ्याकडे दिली. या घटनेचा एक व्हिडिओ सोशल मीडियावर व्हायरल होत आहे. बे ओव्हलमध्ये खेळण्यात आलेल्या पाचव्या वनडे सामन्यात भारताने 209 धावांचे लक्ष्य बचावताना गोलंदाजांच्या उत्कृष्ट कामगिरीच्या जोरावर 22 धावांनी विजय मिळवला. अर्शदीप सिंगने सर्वाधिक 3 विकेट घेतले, तर मोहम्मद सिराज आणि अक्षर पटेल यांनी प्रत्येकी 2 विकेट घेतले. या विजयासह भारतीय संघाने सीरिज 3-1 अशी जिंकली.
अर्शदीप सिंहला या सामन्यात प्लेयर ऑफ द मॅच निवडण्यात आले. तर गुरनूर बरार प्लेयर ऑफ द सीरिज ठरला. गुरनूर बरार ने 3 सामन्यात 9 विकेट घेतल्या. पाचव्या वनडे सामन्यापूर्वी तो टेस्ट संघात सामील झाला, ज्यामुळे मोहम्मद सिराजला शेवटच्या वनडे सामन्यासाठी प्लेईंग 11 खेळाडूंच्या संघात स्थान मिळण्याचा मार्ग मोकळा झाला. आता भारत आणि न्यूझीलंड यांच्यात दोन सामन्यांची टेस्ट सीरिज खेळवली जाणार असून, पहिला सामना 19 नोव्हेंबरपासून सुरू होईल.