दिवाळीआधीच मुंबई इंडियन्सचा धमाका, नव्या हेड कोचची घोषणा, चाहत्यांमध्ये उत्साह

Mumbai Indians New Head Coach Announcement : आयपीएल २०२७ च्या सीजनसाठी मुंबई इंडियन्सने त्यांच्या नव्या हेड कोचची घोषणा केली आहे. इंडियन प्रीमियर लीगचं २० व्या सीजनसाठी मुंबईने १६ वर्षांपासून त्यांच्या सोबत असलेल्या दिग्गज खेळाडूवर हेड कोच पदाची जबाबदारी सोपवली.

Reported Bypooja pawar

Published: Oct 24, 2026, 10:08 AM IST|Updated: Oct 24, 2026, 10:42 AM IST

join share

दिवाळीआधीच मुंबई इंडियन्सचा धमाका, नव्या हेड कोचची घोषणा, चाहत्यांमध्ये उत्साह

Image Credit: मुंबई इंडियन्सचा नवा हेड कोच ठरला

Mumbai Indians New Head Coach Announcement : आयपीएल 2027 च्या सीजनसाठी सर्व फ्रेंचायझी त्यांच्या संघांची मूठ बांधत आहेत. आगामी सीजन हे इंडियन प्रीमियर लीगचं 20 वं सीजन ठरणार आहे. तेव्हा त्या अगोदर मुंबई इंडियन्सने त्यांच्या नव्या कोचची घोषणा केली आहे. आयपीएल 2026 मध्ये महेला जयवर्धने याच्या खांद्यावर हेड कोच पदाची जबाबदारी होती, मात्र या सीजननंतर तो संघापासून वेगळा झाला. त्यानंतर मुंबई इंडियन्सने 2027 साठी कायरन पोलार्डची नवा हेड कोच म्हणून घोषणा केली आहे. कायरन पोलार्ड हा जवळपास 16 वर्षांपासून मुंबई इंडियन्स सोबत आहे. यापूर्वी त्याने खेळाडू म्हणून मुंबई संघातून आयपीएल सामने खेळले तर मागील काही वर्षांपासून तो बॅटिंग कोच म्हणून काम पाहत होता.

खेळाडू ते हेड कोच पर्यंतचा प्रवास :

39 वर्षांचा कायरन पोलार्ड हा मूळचा वेस्ट इंडिजचा स्टार खेळाडू असून इंडियन प्रीमियर लीगमध्ये तो 22 वर्षांचा असताना मुंबई इंडियन्समध्ये सामील झाला होता. मागची 16 वर्ष तो मुंबई इंडियन्स संघाचा अविभाज्य भाग राहिला. 13 सीजन मुंबई इंडियन्स सोबत खेळल्यावर त्याने 2022 मध्ये निवृत्तीची घोषणा केली. पोलार्डने 189 सामन्यांत 3412 धावा आणि 69 विकेट घेतल्यानंतर, आयपीएलमधून खेळाडू म्हणून निवृत्तची घोषणा केली. त्यानंतर तो मुंबई इंडियन्समध्ये फलंदाजी कोच म्हणून कार्यरत होता. आयपीएल 2026 मध्ये मुंबई इंडियन्सचा परफॉर्मन्स हा अगदीच खाली घसरला आणि त्यानंतर महेला जयवर्धने यांनी हेड कोचपद सोडले. त्यानंतर आगामी आयपीएल 2027 पूर्वी कायरान पोलार्डची नवीन हेड कोच म्हणून मुंबई इंडियन्सने 24 ऑक्टोबर रोजी घोषणा केली.

काय म्हणाला पोलार्ड?

मुंबई इंडियन्सच्या हेड कोचपदी नियुक्ती झाल्यावर कायरन पोलार्ड म्हणाला की, 'मुंबई इंडियन्सच्या मुख्य प्रशिक्षकपदाची जबाबदारी स्वीकारणे, ही माझ्यासाठी सन्मानाची गोष्ट आहे. मुंबई इंडियन्स माझ्या आयुष्याचा आणि कारकिर्दीचा एक मोठा भाग राहिले आहेत. या संघाशी, खेळाडूंशी आणि 'पलटन'शी माझे जे नाते आहे, ते माझ्यासाठी अत्यंत मोलाचे आहे. खेळाडू आणि त्यानंतर प्रशिक्षक अशा दोन्ही भूमिकांतून हा प्रवास अनुभवल्यामुळे, मुंबई इंडियन्सची मूल्ये काय आहेत आणि 'ब्लू अँड गोल्ड' रंगांचे प्रतिनिधित्व करण्यासोबत कोणती जबाबदारी येते, हे मला उत्तम प्रकारे ठाऊक आहे. मी खेळाडू आणि सपोर्ट स्टाफसोबत मिळून काम करण्यास, संघाचा वारसा पुढे नेण्यास, आपल्या प्रतिभावान खेळाडूंच्या जडणघडणीत मदत करण्यास आणि 'पलटन'ला आनंद साजरा करण्याच्या आणखी अनेक संधी मिळवून देण्यास उत्सुक आहे'.

Add Zee News as a Preferred Source

TAGS:

IPL

Cricket News

Marathi News

About the Author

pooja pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.