वैभव सूर्यवंशी दिसणार अॅक्शनमध्ये, जिओहॅाटस्टारवर नाही 'येथे' पाहता येणार सामन्याची Live Streaming
भारतीय संघाचा पहिला ग्रुप स्टेज सामना नेपाळविरुद्ध होणार आहे, या सामन्याची लाईव्ह स्ट्रिमिंग कधी आणि कुठे होणार आहे, त्याचबरोबर या सामन्याची लाईव्ह स्ट्रिमिंग किती वाजता सुरु होणार आहे यासंदर्भात सविस्तर वाचा.
इमर्जिंग आशिया कप 2026 सुरु व्हायला काही तास शिल्लक राहिले आहेत, बीसीसीआयने भारत अ संघ एक मजबूत संघ पाठवला आहे. तिलक वर्माच्या नेतृत्वाखाली भारताचा संघ ही स्पर्धा खेळताना दिसणार आहे. या संघामध्ये अभिषेक शर्मा, वैभव सूर्यवंशी हे भारतीय पुरुष टी20 संघामध्ये खेळणारे महत्त्वाचे खेळाडू देखील या स्पर्धेमध्ये सहभागी होणार आहे. त्याचबरोबर असे काही खेळाडू आहेत त्यांनी काही वेळेआधी भारतासाठी पदार्पण केले आहे त्यांना देखील स्पर्धा खेळावी लागणार आहे. पहिला ग्रुप स्टेज सामना टीम इंडियाचा नेपाळविरुद्ध होणार आहे, या सामन्याची लाईव्ह स्ट्रिमिंग कधी आणि कुठे होणार आहे, त्याचबरोबर या सामन्याची लाईव्ह स्ट्रिमिंग किती वाजता सुरु होणार आहे यासंदर्भात सविस्तर वाचा.
किती वाजता सुरु होणार भारत ए विरुद्ध नेपाळ सामना?
भारत अ संघ तिलक वर्माच्या नेतृत्वाखाली आशिया कप रायझिंग स्टार्स स्पर्धेचा पहिला सामना नेपाळविरुद्ध शुक्रवार, 20 नोव्हेंबर रोजी कतारची राजधानी दोहा येथे खेळवला जाणार आहे. सामना भारतीय प्रमाणवेळेनुसार दुपारी 3.30 वाजता सुरू होईल, तर नाणेफेक सामना सुरू होण्याच्या केवळ अर्धा तास आधी, दुपारी 3.00 वाजता होईल. प्रेक्षकांनी हे लक्षात घ्यावे की ही स्पर्धा 50 षटकांच्या एकदिवसीय स्वरूपात खेळवली जात आहे, टी20 स्वरूपात नाही. त्याच दिवशी पाकिस्तानचा संघही युएईविरुद्ध मैदानात उतरेल. हा सामना भारतीय प्रमाणवेळेनुसार सकाळी 11.30 वाजता सुरू होईल. तर या सामन्याचे भारतीय प्रमाणवेळेनुसार 11.00 वाजता होणार आहे.
हे ही वाचा
सिराजला पहिल्या सामन्यातून का वगळलं, बॅटींग कोचने दिलं स्पष्टीकरण! म्हणाले - 'सिराजबाबत कोणतीही...'
कुठे पाहता येणार सामन्याचे लाईव्ह?
भारत विरुद्ध नेपाळ यांच्यामध्ये होणार इमर्जिंग आशिया कप 2026 ग्रुप स्टेजच्या सामन्याचे टेलिव्हिजवर थेट प्रक्षेपण सोनी स्पोर्ट्स नेटवर्कवर पाहता येणार आहे, तर सोनी लिव्ह ॲप किंवा प्लॅटफॉर्मद्वारे लॅपटॉप आणि टॅब्लेटवरही सामना थेट पाहता येईल. तथापि, हा सामना पाहण्यासाठी कोणताही पूर्णपणे विनामूल्य पर्याय उपलब्ध नाही आणि थेट प्रक्षेपणासाठी वर्गणी किंवा शुल्क आवश्यक असेल. म्हणजेच सामना पाहण्यासाठी चाहत्यांना सब्स्क्रिशनची गरज भासणार आहे.
भारताचा संपूर्ण अ संघ
अभिषेक शर्मा, वैभव सूर्यवंशी, प्रभसिमरन सिंह (विकेटकीपर), तिलक वर्मा (कर्णधार), रिंकू सिंह (उपकर्णधार), कुमार कुशाग्र, सूर्यांश शेंडगे, शाहबाज अहमद, विप्रज निगम, हर्ष दुबे, तनुश कोटियन, हर्षित राणा, प्रिंस यादव, अरशद खान आणि आयुष बडोनी.