SOCIAL MEDIA

Newsletter

PARTNER SITES
Select Language Select State

'अत्यंत उर्मट...'; दीया मिर्झाचे नवाजुद्दीन सिद्दीकीवर गंभीर आरोप, म्हणाली, 'त्याच्यासोबत काम करणे म्हणजे...'

बॉलिवूड अभिनेत्री दीया मिर्झा हिने अभिनेता नवाजुद्दीन सिद्दीकीवर गंभीर आरोप केले आहेत. तिने एक पोस्ट केली आहे.

Written By Mansi Kshirsagar Edited By Mansi Kshirsagar
Published: Nov 18, 2026, 10:49 IST | Updated: Nov 18, 2026, 10:52 IST
Image Credit: Dia Mirza made a strong remark about Nawazuddin Siddiqui calling him a nightmare to work with
Join

बॉलिवूड अभिनेत्री दीया मिर्झा पुन्हा एकदा चर्चेत आली आहे. सोशल मीडियावर केलेल्या एका पोस्टमध्ये तिने अभिनेता नवाजुद्दीन सिद्दीकीवर गंभीर आरोप केले आहेत. नवाजुद्दीनला बोलण्याचीही शिस्त नाही, त्याच्यासोबत काम करणे हे एखाद्या घाणेरड्या स्वप्नासारखे आहे, असं दीयाने म्हटलं आहे. दीयाच्या या आरोपांनंतर एकच खळबळ उडाली आहे.

अभिनेत्री दीया मिर्झाने सोशल मीडिया प्लॅटफॉर्म इन्स्टाग्रामवर एक पोस्ट केली आहे. या पोस्टमध्ये तिने नवाजुद्दीन सिद्दीकीवर केलेल्या आरोपांमुळं कलाविश्वात एकच खळबळ उडाली आहे. तिने पोस्टमध्ये म्हटलं आहे की, त्याच्यासोबत काम करणे म्हणजे एका घाणेरड्या स्वप्नासारखे आहे. त्याला बोलण्याचीही शिस्त नाही. तर त्याचा अॅटिट्युडही वेगळ्याच लेव्हलला आहे. अत्यंत उर्मट व्यक्ती आहे. दीयाने या पोस्टमध्ये नवाजुद्दीनला टॅगदेखील केलं आहे.

दीया मिर्झाची ही पोस्ट सोशल मीडियावर वेगाने व्हायरल होत आहे. अवघ्या काही मिनिटांतच तिच्या पोस्टवर शंभरहून अधिक जणांच्या कमेंट आल्या आहेत. काहींनी हा पीआर स्टंट असून नवाज आणि दीया एका प्रोजेक्टवर काम करत असणार, असं म्हटलं आहे. तर एकाने म्हटलं आहे की, प्रमोशन सुरू आहे. नवाज हा खूप चांगला व्यक्ती आहे.

दीयाच्या पोस्टनंतर काहींनी तिला ट्रोल करायलादेखील सुरुवात केली आहे. तो तुझ्यासारखा नाहीये, अशी कमेंट एकाने केली आहे. तर, एकाने त्याने करवाचौथ आणि दिवाळी साजरी करु नका, असं तरी म्हटलं नाहीये अशी कमेंट केली आहे.

दरम्यान, दीयाच्या स्टेटसनंतर चर्चा रंगली आहे की सेक्रेड गेम्सच्या तिसरा सिझनची. गणेश गायतोंडे पुन्हा येतोय का? असा सवाल नेटकरी करत आहेत. तर एका युजरने हिंट देत म्हटलंय की, तिने कॅरेटक्टर असं म्हटलंय त्यातच समजून जा की हे वेबसिरीज किंवा चित्रपटाचे प्रमोशन आहे. दीयाच्या या पोस्टचा नेमका अर्थ काय हे मात्र कळू शकले नाहीये. खरंच दीया आणि नवाजमध्ये काही वाद झालाय का? की हा कोणता पीआर स्टंट आहे, याची उत्सुकता आता लागून राहिली आहे. 

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES