'रामायण'च्या बजेटबाबतच्या चर्चांना पूर्णविराम? चित्रपट निर्माते राम गोपाल वर्मा म्हणाले...

मागील अनेक दिवसांपासून बॅाक्स ऑफिसवर चर्चेत असलेली रामायण सिनेमा बंपर कमाई करत आहे. सुरुवातीला या सिनेमावर मोठ्या प्रमाणात टीका करण्यात आली पण तरीही या सिनेमाने बॅाक्स ऑफिसवर 1000 कोटींची कमाई केली आहे. मागील अनेक दिवसांपासून रामायण सिनेमाची निर्मीतीसाठी लागणाऱ्या बजेटची चर्चा पाहायला मिळत आहे. आता या सिनेमाच्या निर्मात्यांनीच हा सिनेमावर किती खर्च केला आहे यासंदर्भात सांगितले आहे. मागील काही दिवसांपासून रामायण सिनेमाचे अनेक दावे केले जात होते आता निर्मात्यांनी यावर काय सांगितले यासंदर्भात सविस्तर वाचा.

राम गोपाल वर्मा यांनी इन्स्टाग्रामवरील एका ट्विटमध्ये उघड केले आहे की, त्यांची आई त्या राहत असलेल्या इमारतीमधील घरगुती कर्मचारी आणि चौकीदारांसाठी रामायणाची तिकिटे खरेदी करत आहेत. निर्मात्याने लिहिले, "माझ्या सर्वोत्कृष्ट चित्रपटांसाठीही त्यांनी हे केलेले नाही, पण माझी आई तिच्या राहत्या इमारतीमधील नोकर, पहारेकरी इत्यादींसाठी नमित मल्होत्राच्या 'रामायण' चित्रपटाची तिकिटे खरेदी करत आहे. अशा प्रचंड उत्साहाच्या वातावरणात, हा चित्रपट बॉक्स ऑफिसचे सर्व विक्रम मोडत आहे आणि भारतीय चित्रपटसृष्टीच्या इतिहासातील सर्वात मोठा हिट चित्रपट बनण्याच्या दिशेने वेगाने वाटचाल करत आहे."

हे ही वाचा

'तनुश्री प्रकरणाला अवाजवी महत्त्व...', नाना पाटेकर यांचे मित्र महेश मांजरेकरांनी केले धक्कादायक विधान!

राम गोपाल वर्मा यांनी 'X' वर एक विस्तृत लेख लिहिला आहे, ज्यात त्यांनी रामायणाची प्रशंसा केली आहे आणि त्याच्या बजेटबद्दल काही दावे केले आहेत. त्यांचा दावा आहे की पहिला भाग 2000 कोटींमध्ये नव्हे, तर 800 कोटी किंवा त्याहून कमी खर्चात बनवला गेला होता. त्या चित्रपट निर्मात्याने लिहिले, "मला असे समजले आहे की चित्रपटाच्या पहिल्या भागाच्या निर्मितीचा प्रत्यक्ष खर्च 800 कोटींपेक्षा किंचित कमी होता. यामध्ये जगभरात उपलब्ध असलेले विविध परस्पर फायदेशीर करार, कर सवलती आणि अनुदानांचा समावेश आहे. या सर्वानंतर, चित्रपटाचा खर्च आणखी कमी होईल."

फक्त मलाच नाही, तर चित्रपट निर्मितीचा थोडा जरी अनुभव असलेल्या कोणालाही हे सहज दिसेल की, हा चित्रपट बनवायला 800 कोटी रुपयांपेक्षा जास्त खर्च आला नसेल. असा विचार करणे म्हणजे चित्रपटाच्या मध्यांतरापूर्वीच्या आणि मध्यांतरानंतरच्या भागांचा खर्च सारखाच असतो, असे गृहीत धरण्यासारखे आहे. मला अशा चित्रपटांची माहिती आहे, ज्यात 50 टक्के बजेट केवळ क्लायमॅक्सवरच खर्च झाले होते.