टेलिव्हिजनवरची प्रसिद्ध अभिनेत्री दिव्यांका त्रिपाठीने सोशल मिडियावर एक पोस्ट शेअर केली आहे त्यानंतर सर्वांनाच धक्का बसला आहे. अभिनेत्री दिव्यांका त्रिपाठी आणि तिचा पती अभिनेता विवेक दहियाच्या वाढदिवसाच्या आदल्या रात्री मुंबईमधील तिच्या राहत्या इमारतीमध्ये अचानक भीषण आग लागली आणि या आगीमध्ये सुरक्षा रक्षकाचा मृत्यू झाल्याची माहिती सोशल मिडियावर अभिनेत्री शेअर करुन शोक व्यक्त केला आहे. अभिनेत्री दिव्यांकाने सोशल मिडियावर एक भावूक पोस्ट शेअर केली यामध्ये तिने व्हिडिओ देखील शेअर केला आहे आणि आपले मन मोकळे केले आहे. नक्की झाले काय यासंदर्भात सविस्तर वाचा.
सोशल मिडियावर दिव्यांकाने या घटनेचा एक व्हिडिओ शेअर केला आहे, ज्यामध्ये तिच्या इमारतीतून आगीच्या ज्वाला बाहेर पडताना दिसत आहेत. तिच्या इमारतीला लागलेल्या आगीने लोकांना धक्का बसला आहे. दिलासादायक बाब म्हणजे अभिनेत्री आणि तिचे कुटुंब या अपघातातून थोडक्यात बचावले. मात्र, त्या रक्षकाच्या मृत्यूमुळे तिचे मन खचले आहे. दिव्यांकाने त्या रक्षकासोबतचा स्वतःचा एक अविस्मरणीय व्हिडिओ शेअर करून आपले दुःख व्यक्त केले. त्या पोस्टमध्ये तिने नमूद केले आहे की, जेव्हा ती तिच्या जुळ्या मुलांना पहिल्यांदा रुग्णालयातून घरी घेऊन आली होती, तेव्हा त्याच रक्षकाने त्यांना आशीर्वाद दिला होता. दिव्यांकाने त्या रात्री घडलेल्या घटनेचा सविस्तर तपशीलही दिला आहे.
हे ही वाचा
पुढे अभिनेत्रीने पोस्टमध्ये लिहीले आहे की, दिवाळीच्या आदल्या रात्री आणि विवेकच्या वाढदिवसाच्या दिवशी तिच्या बिल्डिंगमध्ये भीषण आग लागली होती. त्या संध्याकाळी आम्ही बाहेर जायचे ठरवले होचे पण काही ना काही कारणांमुळे ते बेत पुढे ढकलले जात होते. जेव्हा ही दुर्घटना घडली तेव्हा आम्ही घरीच होतो. पण आम्हाला वेळेवर धोका लक्षात आला आणि आम्ही आमच्या मुलांसह, कुटुंबासह आणि कर्मचाऱ्यांसह सुरक्षितपणे बाहेर पडलो." काही काळ आम्हाला वाटले की हा फक्त एक अपघात आहे, त्यामुळे फक्त आमच्या काही वस्तूंचे नुकसान झाले असेल.
पण नंतर आम्हाला कळलं की त्या अपघातात आम्ही धनपत काकांना गमावलं होतं. विवेक आणि मला यावर विश्वासच बसत नव्हता. हे खरं नसावं, अशी आम्ही सतत प्रार्थना करत होतो. जड अंतःकरणाने श्रद्धांजली वाहताना दिव्यांकाने लिहिले, "धनपत काका, तुम्ही केवळ आमच्या इमारतीचे रक्षक नव्हतात. तुम्ही आमच्या रोजच्या जीवनाचा एक भाग होता. एक अशी व्यक्ती ज्यांच्यावर आम्ही विश्वास ठेवला, एक अशी व्यक्ती जी आमच्या मुलांच्या भविष्याचा एक भाग असेल असे आम्हाला वाटले." तिने शेवटी म्हटले की, जेव्हा त्यांची मुले मोठी होतील, तेव्हा ती आणि विवेक त्यांना त्या दयाळू माणसाविषयी सांगतील, ज्यांनी आशीर्वाद देऊन त्यांचे घरी स्वागत केले होते.