'आई रुग्णालयात होती, तेव्हा फोन करायचे...,' नाना पाटेकर यांच्या निधनानंतर पाकिस्तानी माजी खेळाडूने केला मोठा खुलासा!

दिग्गज अभिनेते नाना पाटेकर यांच्या निधनानंतर सर्वांनाच धक्का बसला, भारतामध्ये तर त्याच्या निधनानंतर शोक व्यक्त केला जात आहे. पाकिस्तानचे माजी क्रिकेटपटू बासित अली यांनी नाना पाटेकर यांना भावपूर्ण श्रद्धांजली वाहिली आहे. गुरुवारी पहाटे गोव्यातील त्यांच्या निवासस्थानी हृदयविकाराच्या झटक्याने वयाच्या 75व्या वर्षी नानांचे निधन झाले. पाकिस्तानच्या माजी खेळाडूने आता नाना पाटेकर यांच्या विधनानंतर एक व्हिडिओ शेअर केला आहे यामध्ये त्याने काही खुलासे केले आहेत. नक्की काय म्हणाला पाकिस्तानचा माजी खेळाडू यासंदर्भात सविस्तर वाचा.

पाकिस्तानचे माजी खेळाडू बासित अली यांनी एक व्हिडिओ शेअर केला आहे यामध्ये त्यांनी नाना पाटेकर आणि त्यांच्या नात्याबद्दल खुलासा केला आहे. एका व्हिडिओ संदेशात, बासित अली यांनी नाना पाटेकर यांना एक प्रिय भाऊ, एक सच्चा मित्र आणि एक जिवंत दंतकथा म्हणून स्मरले. पाकिस्तानी क्रिकेटपटू उमर अकमलनेही त्यांच्या निधनाबद्दल तीव्र दुःख व्यक्त केले आहे. सोशल मीडियावर नाना पाटेकर यांचा एक फोटो शेअर करत उमरने लिहिले की, त्यांचे कार्य पूर्ण झाले आहे, परंतु त्यांचा प्रभाव पिढ्यानपिढ्या जाणवत राहील. सर, तुम्ही नेहमीच स्मरणात राहाल असे माजी खेळाडू म्हणाला.

75 वर्षीय नाना पाटेकर यांचे गुरुवारी पहाटे गोव्यातील त्यांच्या निवासस्थानी हृदयविकाराच्या झटक्याने निधन झाले. प्रकृती खालावल्यानंतर त्यांना मणिपाल रुग्णालयात दाखल करण्यात आले, जिथे डॉक्टरांच्या पथकाने सुमारे 45 मिनिटे ते एक तास सीपीआर आणि इतर जीव वाचवण्याचे प्रयत्न केले, परंतु त्यांचा जीव वाचू शकला नाही. त्यांच्या अचानक झालेल्या निधनाने त्यांचे चाहते हादरले आहेत. नाना पाटेकर यांच्यासोबतच्या मैत्रीच्या आठवणींना उजाळा देताना बासित अलीने सांगितले की, नाना पडद्यावर जितके कणखर आणि खंबीर दिसत होते, तितकेच ते खऱ्या आयुष्यातही प्रेमळ आणि दयाळू होते.

Former Pakistan cricketer Basit Ali’s emotional tribute to Nana Patekar is a beautiful reminder of a friendship that transcended borders. He recalled how the Bollywood legend stayed in touch for decades, checked on his mother during her illness, and reached out after Basit’s own heart surgery. Beyond the screen, Basit remembered Nana as a warm, caring and genuinely good human being. His words also showed just how deeply Nana Patekar was admired in Pakistan. Some artists belong to everyone. Nana Patekar was loved equally on both sides of the border.

— Brutal Truth (@sarkarstix) October 8, 2026

या दोघांमधील संवाद 2019 साली सुरू झाला, जो हळूहळू एका घनिष्ठ नात्यात बदलला. बासित अलीने सांगितले की, जेव्हा त्याच्या आईला रुग्णालयात दाखल केले होते, तेव्हा नाना पाटेकर दर आठवड्याला फोन करायचे. ते केवळ त्यांच्या तब्येतीची चौकशीच करत नसत, तर त्यांच्या आईशी सविस्तर बोलायचे, त्यांना आशीर्वाद द्यायचे आणि त्यांच्या जुन्या आठवणी सांगायचे. आईच्या निधनानंतरही, नानांनी बासित अलीला फोन करून स्वतःच्या आरोग्याची विशेष काळजी घेण्याचा सल्ला दिला होता.