'तुम्ही 2 जणांना मारले, तर 70 हजार नेमबाज आहेत...', अनिल पंडितचा नवा ऑडिओ! म्हणाला 'सुशांतसिंह राजपूतच्या'

बॅालिवूडचा अभिनेता टायगर श्रॅाफ यांच्यावर जुहूमध्ये अचानक गोळीबार झाला आणि त्यानंतर सर्वत्र भीतीचे वातावरण पसरले आहे. टायगर श्रॉफवरील हल्ल्यामुळे लॉरेन्स बिश्नोई टोळी पुन्हा एकदा चर्चेत आली आहे. दरम्यान, परदेशात राहणाऱ्या अनिल पंडित नावाच्या एका गुंडाने एक नवीन ऑडिओ प्रसिद्ध केला आहे. या ऑडिओमध्ये अनिल पंडित प्रशासनावर प्रश्नचिन्ह उपस्थित करत दाऊदचे नावही घेत आहे. त्याने पहिली एक ऑडिओ क्लिप प्रसिद्ध केली होती त्यानंतर त्याने यामध्ये सलमान खानसोबत काम करणाऱ्या कलाकारांना जीवे मारण्याची धमकी देण्यात आली होती. आता अनिल पंडितने दुसरी ऑडिओ क्लिप व्हायरल झाली आहे यामध्ये त्याने धक्कादायक विधाने केली आहेत.

व्हायरल झालेल्या नवीन ऑडिओ क्लिप नक्की काय म्हणाला अनिल पंडित?

ऑडिओ क्लिपच्या सुरुवातीलाच अनिल पंडित यांनी स्वत: ला गँगस्टर लॉरेन्स बिश्नोईचा धाकटा भाऊ म्हणून वर्णन केले आहे. पहिल्या ऑडिओ क्लिपमध्ये धमकी देण्यात आली होती, त्याचबरोबर जो सलमान खानसोबत काम करेल त्याला जीवे मारणार अशी धमकी देखील दिली. अनिल पंडित यांनी नवीन ऑडिओ क्लिपमध्ये म्हटले आहे की, सुशांतसिंह राजपूतच्या मृत्यूच्या वेळी हे बॉलिवूड लोक कुठे होते? ते म्हणाले की, जेव्हा आमचे मोठे बंधू लॉरेन्स बिश्नोई यांनी त्यांच्यावर कारवाई केली, तेव्हा प्रशासन आमच्या विरोधात उभे आहे. पण सुशांतसिंह राजपूतच्या मृत्यूच्या वेळी सरकारने कोणतीही कारवाई केली नाही.

हे ही वाचा

टायगर श्रॉफवर 5 राऊंड फायरिंग! हल्ल्याची जबाबदारी घेणारा लॉरेन्स बिश्नोई कोण?

पुढे या ऑडिओ क्लिपमध्ये अनिल पंडित म्हणाला की, ही लढाई देशाच्या गद्दारांविरोधात आहे आणि ती सुरूच राहील, असा दावा ऑडिओमध्ये करण्यात आला आहे. अनिल पंडित म्हणाले की, मुंबईत त्यांचे 200 नेमबाज आहेत आणि विविध भागात एकूण 70,000 हून अधिक नेमबाज आहेत. अंडरवर्ल्ड डॉन दाऊद इब्राहिमबद्दल देखील ऑडिओ क्लिपमध्ये उल्लेख केला होता. ऑडिओमध्ये अनिल पंडित पुढे म्हणतात की, आपल्या देशातील जे राजकारणी पाकिस्तान आणि दुबईमध्ये बसून दाऊदच्या पैशाने चित्रपट बनवतात आणि त्याला दुप्पट पैसे देतात, त्यांचा वापर आपल्याच देशाविरुद्ध केला जात आहे. त्याने ड्रग्जचा व्यापार केला, स्फोट घडवून आणले, पण प्रशासनाने त्याच्यावर कोणतीही कारवाई केली नाही असा प्रश्न उपस्थित केला आहे. 

 

 

 

 

View this post on Instagram

 

 

 

 

 

 

 

 

 

 

 

A post shared by ZEE 24 TAAS (@zee24taas)

पुढे म्हंटले आहे की, आज, जेव्हा आम्ही त्याच्यावर कारवाई केली, तेव्हा प्रशासन आमच्या मागे लागले. बाकी सर्व ठीक आहे; आम्ही आमची घरे आणि कुटुंबे सोडून आलो आहोत. आणि सलमान खानबद्दल बोलायचं झालं तर, जोपर्यंत तो माफी मागत नाही, तोपर्यंत आम्ही त्याला जाऊ देणार नाही. आम्ही त्याचे आयुष्य कठीण करून टाकू.